Sereńko 113:9 - সান্তালী বাইবেল

⁹ Bạńjhi do gidrạkoren rạskạwạnicʼ gogoye hoyocoyedea ar soṅsar reakʼ purạ ạidạri hõe emaekana. Probhu Isorakʼge sarhao hoyokʼtae ma.

Sereńko 113:9 Iomraidhean Croise

Genesis 25:21

Isahakren bạhu do bạńhigeye tahẽkante Isahak do acʼren bạhu lạgitʼ Probhu Isor ṭhene koekeda. Probhu Isor do uniyakʼ koejoṅe ańjomkeda ar Rebeka doe bhạrti hoṛmoyena.

2 Rapajko 4:17

Tayomte maejiu doe bhạrti hoṛmoyena ar Elisae okae menletʼ onkage dosar bochor inạ oktere uni do gidrạren eṅgate hoyena.

Sereńko 68:6

Apnarakʼ mente okoeyakʼ bạnukʼtae uni do acʼakʼ gharońjren hoṛe hoeocoyetʼkoa; ar bondiko chaḍaokate bhạlại secʼe idiyetʼkoa, menkhan uni tạkicʼ daram edekanko do khaṅgoṭ disomreko tahenkana.

Jesaea 54:1

Probhu Isore meneda, “E bạńjhi, one tisge gidrạ bam janam akatʼko, am do rạskạte sereńme; ar am okoe do tishõ bedon baṅ rakapʼ akatʼme, am do hulạsokʼme ar andoṛme; ente jãwãe menaetayicʼ khon bạgi giḍiyicʼren hopongeko saṅgegetaea.

Numeri 5:28

Menkhan maejiu do bhõnḍ baṅkateye saphage khan tobe do uni okaṭakʼteye dusi ocolen ona khon doe khalasokʼa ar gidrạ eṅgatokʼ reakʼ daṛe hõ tahentaea.

Galathiko lạgitʼ Pạul Apostolakʼ ciṭhi 4:27

Sonot sostorre olakana, “Hulạsokʼme E bạńjhi maejiu, one tisge gidrạ bam janam akatʼko, ar bedon hõ baṅ rakapʼ akatʼme, am do, sereń joṅme ar rạskạte andoṛme; ente jãwãe menaetayicʼ khon bạgi giḍiyicʼren gidrạgeko saṅgegea.”

1 Samuel 2:5

Okoekoakʼ lacʼ bige tahẽkan onko do ńitokʼ jomakʼ lạgitʼ eṭakʼkoakʼko kạmikana; menkhan okoe reṅgecʼko tahẽkan onko do reṅgecʼ cabayentakoa. Ar bạńjhiye tahẽkanicʼ do eae goṭen hoponren eṅgate hoyakana, menkhan ḍher hopon menakʼkotayicʼ doe nijor akana, uni do gidrạ bae janam daṛeako kana.