Sereńko 112:7 - সান্তালী বাইবেল

⁷ Jãhãn bạṛicʼ khobor ańjomkate bae botorokʼa; uniyakʼ mon do khạtirgea ar Probhu Isorreye bhorsa akana.

Sereńko 112:7 Iomraidhean Croise

Jobakʼ 11:15

enḍekhan am do bin dusạnte bohokʼem rakabtama ar begor botorte kajaktem teṅgokʼa.

Sereńko 118:6

Probhu Isor do iń sãore menaea, iń do bạń botorokʼa; manwa do cetʼe cekayiń baṅ?

Sereńko 34:4

Iń do Probhu Isoriń hohowadea, uni doe ańjomketʼtińạ; ar ińakʼ sanam botor khon uni doe bańcaokedińa.

Sereńko 57:7

E Isor, ińakʼ mon do ṭarhaoge menakʼa, bạń ḍikạḍake akana; iń doń sereńa, ariń õṛhẽmea.

Sereńko 62:8

E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Sereńko 64:10

Isor bhokti hoṛ do Probhu iạteko rạskạkʼa ar uniregeko hirlạkʼa; ontorre okoeko khạṭige onko do uniko sarhaoea.

Kạhtukko 1:33

Menkhan okoe ińakʼ kathako ańjom onko do khạtirjomako girobasokʼa; onko do sulukteko tahena, ar bạṛicʼakʼ do bako botorakʼa.”

Daniel 3:16

Unre Sedrok, Mesak ar Abed-nego tako do rajko metadea, “E maharaj Nebukadnesar, niạ babotre am roṛ ruạṛam reakʼ jãhãn jạruṛge bale bujhạueda.

Luk 21:19

Ape do ṭarhao akaepe tahente sạri jionpe labjoṅa.

Luk 21:9

Ape do lạṛhại ar gulmalpe ańjomlere alope botorokʼa, ente pạhilre noako do hoyokʼgea; menkhan unrehõ mucạtʼtetʼ do baṅ hoy hodokʼa.”

Johan 14:1

“Apeakʼ mon do alo khad badaokʼtape ma. Isorre pạtiạukʼpe ar ińre hõ pạtiạu akae tahenpe.

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

Aposkạmi 27:25

Onate monre dil joṅpe. Isorre noa pạtiạu menakʼtińạ je, uni okae menakawạdiń ona do hoyokʼgea.