Biblia Todo Logo
Bìoball air-loidhne

- Sanasan -




Sereńko 11:5 - সান্তালী বাইবেল

5 Probhu Isor do acʼ botoraekan koe biḍạu aṭkaretʼkoa, menkhan okoe bedhorom ar jor julumgeko dulạṛetʼ onko do bae moneyako kana.

Faic an caibideil Dèan lethbhreac




Sereńko 11:5
19 Iomraidhean Croise  

Noako ghoṭna tayom Isor do Abraham biḍạureye paṛao ocokedea. Isor do uniye hohowadea, “E Abraham.” Abrahame roṛ ruạṛkeda, “Minạńgea.”


Bedhorom hoṛ do acʼakʼ ontor reakʼ bạṛicʼ monsubạteye gorbokʼ kana; ar lalocicʼ do Probhu Isore sarapae kana ar uniye neṅghao edekana.


E Probhu Isor, am dom biḍạu aṭkar akadińạ arem baḍae akadińạ.


Am do ińakʼ ontorrem bolo akana ar ńindạ dom biḍạu akadińạ; arem biḍạu aṭkar edeńkana menkhan cetʼge bam ńam akada. Ińiń ṭhik akada jãhãn kại reakʼ kathare ińakʼ moca do ar bạń beohara.


Amakʼ titege amren sanam bạirikom sapʼetʼkoa; ar amko hirkhạwamko do jojom titem sapʼpaṭetʼkoa.


E Probhu Isor, iń do khạṭi mente sạbud ocoyińme; ar biḍạu aṭkarińme, ińakʼ mon ar ontor baṛe biḍạutińme;


Ar okoe eṛeakʼ kathako roṛ onko dom marao giḍikoa. Okoere khũn ar eṛe reakʼ monsubạ menakʼ Probhu Isor do onkoe hirkhạwako kana.


E dhoromren Isor, am do mon ar ontorem ḍunḍhạueda; amge bedhoromkoakʼ bạṛicʼakʼko cabaetakome menkhan amren dhoromko do teṅgo ṭarhao akae dohokom.


Ińakʼ sompotti do birren mitʼṭen dhạcri kul leka hoyakana. Uni do iń ńelteye hạnḍrạukʼ kana, onate iń do uniń kurudae kana.


E phạdkoren Probhu Isor, am do dhorom hoṛkom biḍạu aṭkaretʼko kana ar mimitʼkoakʼ ontor ar mon reakʼ katham baḍaekana. Ińren bạiriko cetanre onem hala hạliyetʼkan ona baṛe ńel ocoyińme, ente ińakʼ mambla do amgeń baḍae ocoakatʼmea.


Mitʼ cando bhitrite iń do pea gukʼpikoń laga ńirketʼkoa. Ar palrenko do iń kurudạńko ehopʼena ar ińhõ onko iạteń laṅga cabayena.


Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”


Rupạ gakʼlaoicʼ hoṛ leka uni doe hijukʼa. Uni do Liwikoe saphakoa ar sona-rupạ lekae khạṭikoa. Ona tayom onko do dhorom reakʼ monte Probhu Isor ńutumte samaṅokʼakʼ porobko porobokʼa.


Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.


Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.


E gateko, ńitokʼ do biḍạu seṅgel talate calakʼ hoyokʼ kantapete hahaṛakʼ tulucʼ alope hudisa je, apere ạnạṛi jãhãnakʼ hoyokʼkana mente.


Lean sinn:

Sanasan


Sanasan