Sereńko 102:26 - সান্তালী বাইবেল

²⁶ Onako do marao cabakʼa, menkhan am do jaejug hạbicʼem tahena. Onako do kicricʼ lekage mare cabakʼa; ar oyonakʼ lekam bodola, ar onako do kicricʼ leka pherao ocokʼa.

Sereńko 102:26 Iomraidhean Croise

2 Rapajko 19:15

Ar Hiskiạ do Probhu Isor ṭhen noae koekeda, “E Probhu Isor Israelkoren raj, am do Kerubkin talarem tahẽnkana, ar am eskarge dhạrtiren sanamakʼ rajosṭiren Isor kanam. Am do serma ar otem benao akada.

Jobakʼ 38:4

Dhạrti reakʼ rehetʼ iń benao jokhecʼ am do okarem tahẽkana? Amakʼ bud menakʼ khan enḍekhan lạiyạńme.

Sereńko 102:12

Men khan E Probhu Isor, am do jaejug amakʼ siṅghạsonre menama; amakʼ ńutum do piṛhike piṛhi hạbicʼ tahena.

Exodus 3:14

Isor do Moseye metadea, “Menayicʼ doń iń kangea ‘Iń kangeạń uni do. Am do Israelkom metakoa, ‘Iń kangeạń’ ar ińge onko ṭheniń kol akatʼmea.

Jesaea 34:4

Sermaren siń cando, ńindạ cando ar ipilko doko marao utạrokʼa ar serma do kagoc leka lạṭumokʼa. Cetʼleka darkha nạ̃ṛĩ ar loa jo dare khon rohoṛ sakamko ńurokʼ onkage sanam ipilkoko ńurokʼa.

Jesaea 51:6

Serma secʼ beṅgetʼ rakabpe ar ot secʼ beṅgetʼ pheḍpe. Serma do dhũạ leka oṭaṅokʼa, ar ot do kicricʼ leka marekʼa ar onare girobasokʼ kan hoṛ doko gujukʼa. Menkhan ińakʼ babańcao do jaejug hạbicʼ tahẽakan tahena ar ińakʼ dhorom do tishõ baṅ mạutạkʼa.

Jesaea 65:17

“Ńelpe, iń do nãwã serma ar nãwã dhạrtiń sirjạua. Lahateakʼ do baṅ disạkʼa. Ar monre hõ baṅ rakapʼa.

Jesaea 66:22

Probhu Isore meneda, “Oka nãwã serma ar nãwã dhạrtiń sirjạu ar cetʼleka iń samaṅre ona ṭikạu tahen onkage apeakʼ ńutum ar aperen bõsko hõko ṭikạu tahena.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Luk 21:33

Ot ar serma do cabakʼa, menkhan ińakʼ kathako do jaejug hạbicʼ tahena.

Romiko lạgitʼ Pạul Apostolakʼ ciṭhi 8:20

Ente sirjon do ạuṛiyakʼ ṭhene tabe ocoyena. Acʼakʼ kusite do baṅ hoyakana, Isorge uni doe tabe ocoakadea. Menkhan ona são sãote noa as hõe emakana,

Johan sodor 20:11

Ona tayom mitʼṭecʼ maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Johan sodor 21:1

Ona tayom iń do mitʼṭen nãwã serma ar mitʼṭen nãwã dhạrtiń ńelkeda. Pạhilakʼ serma ar pạhilakʼ dhạrti do parom calaoena ar jalapuri hõ ar baṅ tahẽlena.