Sereńko 102:2 - সান্তালী বাইবেল

² Ińakʼ muhinre alom dea giḍikạńạ. Ińakʼ katha luturakʼme; ińiń hohowamre alom biloma.

Sereńko 102:2 Iomraidhean Croise

Jobakʼ 34:29

Hape akane tahẽlenre hõ okoege uni do bako dusi daṛelea; Mocae jhicʼletaere hõ uni do celege bako ńel ńamea. Enhõ uni do manwa ar jạtrenko cetanreye tahẽnkana,

Jobakʼ 7:21

Am do cedakʼ ińakʼ dos ar kại bam ikạyetʼtińạ? Iń ma usạrage coṅ dhuṛire gitijokʼ hoyokʼtiń; am dom sendrayińạ, menkhan iń do bạń tahena.”

Sereńko 104:29

Mẽtʼãhãm danaṅetʼtam khan onko doko keklesedokʼ kana; ar onkoakʼ sahetʼem hatao ruạrletako khan onko doko gujukʼa,

Sereńko 13:1

E Probhu Isor, ar tinạkʼ din? Am do cetʼ jaejug hạbicʼem hiṛińkạńạ? Iń ṭhen khon ar tinạkʼ din hạbicʼ amakʼ mẽtʼãhã dom ạcur dohokakʼa?

Sereńko 143:7

E Probhu Isor, usạra roṛ ruạṛ imạńme, ente ińakʼ jiwi do oḍokokʼ kantińạ; iń khon amakʼ mẽtʼãhã alom bedtama, patal purite okoeko pheḍakan onko leka khạndṛuṅre do alom paṛao ocoyińạ.

Sereńko 17:1

E Probhu Isor, dhorom reakʼ katha ańjomme, ar ińakʼ rakʼjoṅ luturakʼme; ińakʼ bin phạsiara moca reakʼ koejoṅ baṛe ańjomtińme;

Sereńko 22:19

Menkhan E Probhu Isor, am do alom pharakokʼa; E ińakʼ daṛe, iń goṛowạń lạgitʼ ma usạrate hijukʼme.

Sereńko 27:9

Iń khon amakʼ mẽtʼãhã alom bedtama, ar edrete amren golam do alom laga ńireńa; amge ińren goṛoyicʼem tahẽ hecʼakana. E Isor, ińren babańcaoicʼ, iń do alom bạgiwạńạ, ar alom giḍi sayeńa.

Sereńko 31:2

Iń secʼ amakʼ lutur oḍaotam; ar bańcaoiń lạgitʼ usạrate hijukʼme. Iń rukhiyạyiń lạgitʼ asray cạṭạnige hoyokʼme ar ińakʼ aotan gaṛ hõ hoyokʼme.

Sereńko 40:13

E Probhu Isor, dayakate bańcaoińme baṛe; E Probhu Isor, iń goṛowạń lạgitʼ dela usạrate hijukʼme.

Sereńko 69:17

Amren golam secʼ khon amakʼ mẽtʼãhã do alom ạcurtama; iń do muskilreń paṛao akana, ńitge roṛ ruạṛạńme baṛe.

Sereńko 70:1

E Isor, bańcaoińme; E Probhu, goṛowạń lạgitʼ dela usạrate hijukʼme.

Sereńko 71:2

Am dom dhoromgete bańcaoińme, ar rukhiyạyińme; ińakʼ katha luturakʼme ar iń rukhiyạyińme.

Exodus 2:23

Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena.

Exodus 2:24

Isor do onkoakʼ rakʼe ańjomketʼtakote Abraham, Isahak ar Jakob lạgitʼ okaṭakʼ bondobose doholetʼ ona kathae disạkeda.

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Jesaea 65:24

Ar iń ạuriko hohoạńrege onkoakʼ iń ańjomtakoa, hẽ, katha roroṛkan tulucʼgeń ańjomtakoa.

Jesaea 8:17

Iń do Probhu Isor lạgitʼ koyokʼ hor akaeyiń tahena, okoe do Jakob bõsrenko secʼ khon mẽtʼãhãe ạcur akatʼtae; iń do uni cetanrege bhorsa akaniń tahena.

1 Korinthiko 10:13

Manwa jionre okako biḍạu hoyokʼkan ona chaḍa eṭakʼ jãhãn biḍạu do ar baṅ paṛao akawatʼpea. Isor doe pạtiạrgete, sahao daṛeakʼ khon bạ̃ṛti do bae biḍạupea, bickom biḍạu são sãote ona khon oḍokokʼ reakʼ hõe horapea, jemonpe sahao daṛeakʼ.