Sereńko 102:18 - সান্তালী বাইবেল

¹⁸ Darakan bõsko lạgitʼ noako katha do ol tahena, jemon okoe ńit hõ bako janam akan onko do Probhu Isorko sarhao daṛeae.

Sereńko 102:18 Iomraidhean Croise

Sereńko 48:13

Ona beṛhaeteakʼ dolanko ạri bạndhiyakʼpe, ar raj dolan reakʼ kandhako ńelpe, jemon aperen hoponko ṭhenpe lại daṛeakʼ.

Sereńko 69:34

Serma ar ot do unikin sarhaoema; jalapuri ar onaren sanam jiwiyanko do uniko sarhaoema;

Sereńko 71:18

E Isor, teheń do haṛamkate upʼko pạnḍu caba akantińre hõ am do alom bạgi giḍiyińạ; tayom bõsrenko ṭhen amakʼ ektiạri reakʼ katha, ar darakan bõsko ṭhen amakʼ daṛe reakʼ katha baṛe lại sodor ocowạńme.

Exodus 17:14

Ona tayom Probhu Isor do Moseye metadea, “Noa lạṛhại reakʼ katha disạ dohoy lạgitʼ mitʼṭecʼ puthire ol dohokakʼme ar Josuạ metaeme, iń do dhạrti khon Amalekikoakʼ ńutumiń mohor meṭaotakoa.”

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Jesaea 43:7

Ińakʼ ńutumte okoeko hoho ocokʼ, okoe do ińakʼ ṭhonok lạgitʼ iń sirjạu akatʼko, okoe doń gaṛhao akatʼko ariń benao akatʼko, onko mimitʼko ạgukope.’ ”

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Romiko lạgitʼ Pạul Apostolakʼ ciṭhi 15:4

Sonot sostorre okako ol lahalen ona do abo cetʼ abon lạgitʼge ollena, jemon sostor khon sobori ar udgạu bon ńamte as tahen tabon.

1 Korinthiko 10:11

Eṭakʼ hoṛko jemon ńelkateko cetʼ daṛeakʼ onate onko cetanre noako do hoylena. Okoe jug reakʼ mucạtʼre bon seṭerakan, abo cehao bon lạgitʼge noako do olakana.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

2 Patras 1:15

Ińakʼ gujukʼ tayom hõ jemon noako reaṅ jaogepe disạ dohoy, onate iń do ona bondobos lạgitʼ ạḍiń kurumuṭuya.