Sereńko 102:1 - সান্তালী বাইবেল

¹ E Probhu Isor, am do ińakʼ koejoṅ ańjomtińme; ińem goṛowạń khon ińakʼ noa rakʼjoṅakʼge am ṭhen baṛe seṭerokʼma.

Sereńko 102:1 Iomraidhean Croise

2 Bõsbudạ 30:27

Tayomte okoe Liwiko do naekeko tahẽkan onko doko teṅgoyente hoṛko ạsirbadko ematʼkoa, ar Isor do onkoakʼ koejoṅe ańjomketʼtakoa, ente onkoakʼ koejoṅ do uniyakʼ sonot jaega serma hạbicʼ seṭerlen tahẽkana.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Sereńko 143:4

Onate iń doń lorao akana; ińre ińakʼ ontor do keklesetʼ akantińạ.

Sereńko 143:7

E Probhu Isor, usạra roṛ ruạṛ imạńme, ente ińakʼ jiwi do oḍokokʼ kantińạ; iń khon amakʼ mẽtʼãhã alom bedtama, patal purite okoeko pheḍakan onko leka khạndṛuṅre do alom paṛao ocoyińạ.

Sereńko 145:19

Okoe uniko botoraekan onkoakʼ monejoṅakʼ doe purạuetʼtakoa; ar goṛowako lạgitʼ onkoakʼ rakʼ ańjomte onkoe rukhiyạyetʼkoa.

Sereńko 18:6

Iń do muhinre ińren Probhu Isoriń hohowadea ar goṛo ńam lạgitʼ uni ṭheniń rakʼkeda. Acʼakʼ tahen ṭhạ̃i khon uni do ińakʼ aṛaṅe ańjomketʼtińạ; ińakʼ rakʼjoṅ do uniyakʼ luturre seṭerena.

Sereńko 39:12

E Probhu Isor, ińakʼ koejoṅ ańjomtińme; ar goṛowạń lạgitʼ ińakʼ rakʼ joṅ ańjomtińme; ińakʼ mẽtʼ dakʼ ńelte am do alom thir hapekokʼa; ente ińren sanam hapṛamko cetʼlekako tahẽkan onkage ińhõ dhạrtire upriạ hoṛko leka minạńa.

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Sereńko 5:2

E ińren raj, E ińren Isor, amakʼ goṛo lạgitʼ ińakʼ rakʼjoṅ ańjomtińme, ente am ṭhengeń koejoṅ kana.

Sereńko 61:2

Ińakʼ mon loraolen tińre hõ ar dhạrti reakʼ mucạtʼ simạkoreń tahenre hõ iń do onḍe khon hõ amiń hohowama. Ar nonkan usul aotan burure ạyur rakabińme okaṭakʼ do iń khon ḍher pharakre menakʼ.

Sereńko 62:8

E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Sereńko 77:3

Iń do tinre Isorakʼ kathań hudisokʼkan tahẽkan unre dukteń khadbadaokʼkan tahẽkana; ar hudis hudiste iń doń loraokʼkan tahẽkana. (Sela)

Exodus 2:23

Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena.

Rak̕joṅ 3:44

Am do rimiltem danaṅ akana jemon aleakʼ koejoṅ ona talate bae parom daṛeakʼ.

Rak̕joṅ 3:8

Goṛo ńam lạgitʼ iń hohoyetʼre ariń rakʼetʼre, uni do ińakʼ koejoṅ bae ańjometʼtińạ.

Luk 22:44

Ar Jisu do ala jhalareye paṛaoente arhõ jidkateye koekeda. Uniyakʼ hoṛmo reakʼ balbal dakʼ do mãyãm leka otre ṭhopʼ ṭhopʼ jorokʼ ehopʼena.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Bikʼcạrko 10:16

Inạ tayom onko talare tinạkʼ debotako tahẽkan onko jotoko ocokʼ giḍikatʼkoa ar Probhu Isor sewawaeko ehopʼena. Israelkoakʼ kosṭo ńelte Probhu Isor do monre duke ńamkeda.

1 Samuel 9:16

“Gapa niạ jokhecʼ Benjạmin gusṭiren mitʼṭen hoṛ do am ṭheniń kolea. Ar am do ińren hoṛko metakʼme Israelkoren mukhiyạ hoyokʼ lạgitʼ unigem ojokʼ bahalea. Unige Philistikoakʼ ti khon ińren hoṛkoe bańcaokoa. Iń do ińren hoṛko secʼ iń moneakada, ente onkoakʼ rakʼjoṅakʼ do ińakʼ lutur hạbicʼ seṭer akana.”