Sereńko 101:3 - সান্তালী বাইবেল

³ Bạṛicʼakʼ cetʼge ińakʼ mẽtʼ samaṅre bạń dohoya. Bạṛicʼ horteko calakʼ hoṛkoakʼ kạmi doń hirkhạwakʼ kana. Onako do ińre baṅge laṭkaokʼạ.

Sereńko 101:3 Iomraidhean Croise

Jobakʼ 31:1

“Bạṛicʼ monte jãhãe kũạri kuṛi secʼ bạń beṅged iạte iń do ińakʼ mẽtʼ sãote mitʼṭecʼ bondobos iń dohokeda.

Sereńko 119:113

Bar monan hoṛko do bạń kusiyakoa, menkhan amakʼ hukum doń dulạṛeda.

Sereńko 119:37

Eṛeakʼ jinis secʼ khon ińakʼ mẽtʼ do ạcur ruạṛtiń me; ar amakʼ horte calakʼ lạgitʼ nãwã daṛe baṛe danạńme.

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

Sereńko 139:22

Onko do purạteń kurudako kana; ar ińren bạiriko mentegeń hudisetʼkoa.

Sereńko 14:3

Uni doe ńelkeda, sanamkoge sạri hor khonko ocokʼ akana, ar jotoge mitʼ domteko bạṛicʼ akana; bhageakʼ kạmi lạgitʼ do okoe hõ bạnukʼkoa, mitʼ hoṛ hõ baṅa.

Sereńko 36:3

Onkoakʼ moca katha do bạṛicʼ ar phạsiạrate perecʼgea; Akelan hoṛko leka calakʼ doko bad akada, ar bhage kạmi hõ bako kạmikana.

Sereńko 39:1

Ińiń menkeda, “Iń calakʼ hor reaṅ iń do sontor akae iń tahena, jemon alaṅte aloń kại; ar tin hạbicʼ iń samaṅre bạṛicʼ hoṛko tahena un hạbicʼ ińakʼ moca doń gumạikakʼa.”

Sereńko 40:4

Bhạgangeae uni hoṛ do, okoe do Probhu Isor cetanreye bhorsakʼ kan, ar onko secʼ bae ruạṛkan one onko bạḍại ar eṛeyakʼreko tahenkan.

Sereńko 41:9

Okoe doe ińren dulạṛiạ gatekan, okoere ińakʼ nunạkʼ pạtiạu menakʼtiń, ar okoe do iń tulucʼe jom ńũiyetʼkan, uni hõ iń upạrte iḍiye tuletʼtaea.

Sereńko 78:41

Onko do ghane ghane Isorko biḍạukedea, ar Israelren uni sonoticʼko duk ocokedea.

Sereńko 78:57

Onkoren hapṛamko lekage ṭhik hor khon ocokʼkate onko doko behokkeda; onko do peṛta akʼ lekako konḍeayena.

Sereńko 97:10

Okoe Probhu Isorko dulạṛede onko do bedhoromko hirkhạwakʼ ma; ente uni do acʼ sekʼwawaekoe bańcaoetʼkoa ar bạṛicʼ hoṛkoakʼ ti khone rukhiyạyetʼkoa.

Exodus 20:17

“Eṭakʼ hoṛakʼ oṛakʼ duạr, se bạhutae, se gutitae se kạ̃ṛmĩtae, se ḍaṅgratae se gadhatae ar jãhãnakʼ cetʼge alom lalocakʼa.”

Exodus 32:8

Onko do ińakʼ hukum khon pharakteko senakana. Onko do ako lạgitʼ mitʼṭen mĩhũ muṭhạnko benao akawana. Ar otre ombakʼkate uniko ḍobokʼae kana ar uni ńutumte janwar dãṛẽko samaṅetʼkoa arko meneda, ‘E boehako, nuirege aboren debota do menakʼkoa. Noko debotage Misor disạm khonko oḍok ạguakatʼ bona.’ ”

Kạhtukko 6:12

Okoe hoṛ doe kharapge, are bạṛicʼge uni do bạṛicʼakʼ kathako mocateye asen baṛaea;

Kạhtukko 6:13

Uni do mẽtʼ ripitʼkateye isạraya, ar jaṅgateye corhoda, ar kạṭupʼteye udukʼ baṛaea,

Kạhtukko 6:25

Uniyakʼ mońjtetʼ ńelte monre alom lalocokʼa, ar uniyakʼ mẽtʼ pipnire alom jhampa ocokʼa;

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Sosolhayic̕ 6:9

Arhõ ńam reakʼ as khon bickom mẽtʼte oka ńel ńamokʼ onare tirpit tahenge bhagea. Niạ hõ ạuṛiyakʼgea, eken hoe tayomte ńir calakʼkan chaḍa ar cetʼge baṅkana.

Jesaea 30:11

Hor khon sahaṛokʼpe, ar suṛucʼ hor khon ghańjeṛokʼpe. Israelren uni sonoticʼakʼ katha do ar alope ańjomalea.”

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Jirimiạ 22:17

Menkhan amakʼ mẽtʼ ar mon do eken behokakʼ hameṭjoṅ, miridoskoakʼ mãyãm ar santao ar julum reakʼge menakʼa.”

Mikạ 2:2

Onko do ot-baṛge ar oṛakʼ duạr cetanreko lalockate onako rerecʼa. Onko do hoṛko ṭhokakoa ar oṛakʼ-duạr ar jaega-jumiko recʼkoa.

Sakariạ 8:17

ar okoe upạrte hõ bạṛicʼakʼ do alope phundiya ar eṛe goha hõ alope ema. Iń Probhu Isor do noakoń hirkhạwakʼ kana.

Mathae 5:28

Menkhan ińiń metapekana, jãhãe hoṛ bạṛicʼ sanate maejiue beṅgetʼae uni do unrege acʼakʼ ontorre uni tulucʼe laṭghaṭeda.”

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Galathiko lạgitʼ Pạul Apostolakʼ ciṭhi 4:9

Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiyakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?

Dosar Biboron 13:17

Probhu Isor jemon acʼakʼ botoranakʼ edre khone ruạṛokʼ onate apeakʼ tire noako jinis reakʼ mitʼṭen hõ jemon alo ńelokʼ, ente onare do maraokʼ reakʼ sarap menakʼa. Enḍekhan uni do daya are mãyãwapea ar aperen hapṛamko ṭhen kiriạkateye gokʼletʼ iạte aperen bõskoe bạḍ ocokoa,

Dosar Biboron 15:9

Sontorokʼpe, apeakʼ monre dusṭạmi hudis do alope rakapʼ ocoya je, eaeakʼ bochor, metakʼme rin khalas reakʼ bochor hecʼakana mente. Ar noa hudiskate reṅgecʼre paṛao akan boeha secʼ alope kurkunḍujokʼa ar eken ti alope bidạgotʼkaea. Arpe onkae khan uni do Probhu Isor ṭhen ape upạrteye raga ar bicạre khoja onate apepe behoketʼ iạte dusirepe paṛaokʼa.

Ibriko 10:39

Okoe ruạṛ senkateko maraokʼkan onko dolren dobon baṅkana; menkhan pạtiạukʼte okoe bańcaoko ńam onko dolren kangea bon.

Josuạ 23:6

“Onate ape do apeakʼ sanam daṛete Moseyakʼ ạn-ạriko reakʼ puthire oka ol menakʼ ona jotowakʼpe manaoa; ar ona khon oka secʼge alope ghańjeṛokʼa.

2 Patras 2:21

Onko do dhorom jion reakʼ horko baḍaekan tahẽkanre hõ okaṭakʼ sonot hukum ematʼko tahẽkan ona doko bebataoleda. Noa dosare onko lạgitʼ ṭhik hor baṅ baḍaege bickom bhage tahẽkana.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

1 Samuel 15:11

“Sạul do ińakʼ monduk reakʼe hoyakana, ente uni do iń ṭhen khone pharak akana ar ińakʼ hukume bebatao akada.” Niạ katha ańjomkate Sạmuel doe khĩsena ar goṭa ńindạ Probhu Isor ṭhene rakʼ aṅgakeda.