Sereńko 100:3 - সান্তালী বাইবেল

³ Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Sereńko 100:3 Iomraidhean Croise

2 Rapajko 19:19

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskarge Probhu do ar amkangeam Isor do .”

1 Bõsbudạ 16:14

Unige aboren Probhu Isor do; goṭa dhạrti do uniyakʼ ḍanṭaote calakʼkana.

Jobakʼ 10:3

Iń kosṭom imạńte amakʼ do cetʼ lab? Amakʼ ti teakʼ kạmi do cetʼem nihạ̃t giḍikakʼa ar bạṛicʼkoakʼ ponthako dom kusiyakʼa?

Sereńko 119:73

Amakʼ titege ińem tear akadińạ, arem benao rakapʼ akadińạ; iń bujhạu lạgitʼ daṛe imạńme jemon amakʼ sanam hukumkoń baḍae daṛeakʼ.

Sereńko 149:2

Israel do acʼren sisirjạuicʼ iạteye rạskạkʼma, Sionren hoṛko do onkoren raj iạteko kusikʼma.

Sereńko 46:10

Probhu Isore meneda, “Thirokʼpe; ar noa katha baḍaepe je, iń kangeạń Isor do; sanam jạtrenko do ińko sarhaoińạ, ar dhạrti hõ ińe sarhaoińạ.”

Sereńko 78:52

Noa tayom acʼren hoṛko do bhiḍi lekae oḍok ạguketʼkoa, ar hahaṅkar talate bhiḍi pal leka uni doe ạyurketʼkoa.

Sereńko 79:13

Enḍekhan ale, amren hoṛ, okoe do gupi ṭạnḍiren bhiḍiko kanle, ale do jaejug hạbicʼle gun manao joharama ar piṛhi cetan piṛhi le sarhaomea.

Sereńko 95:3

Probhu kangea maraṅ Isor do; sanam debotako cetanre uni kangeae maraṅ raj.

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Sosolhayic̕ 12:1

Amakʼ juạn oktere amren sisirjạuicʼ hõ disạyem, ente amakʼ haṛam umer reakʼ dinko hijukʼ kana, metakʼme, duk reakʼ dinko hijukʼ kana, one unrem men, “Niạ haṛam umerre onako do bạń hạ̃sakʼ kana.”

Jesaea 63:11

Unre uniren hoṛ do mare din reakʼ katha, metakʼme Mose ar uniren hoṛko okte reakʼ kathako disạkeda. Onkoko menkeda, “Okoe do acʼren hoṛko ar onkoren mukhiyạko jalapuri talateye ạyur ạguletʼko, okoe do onko talare tahen lạgitʼ iạte acʼren sonot Jiue ematʼko tahẽkan uni do okare menaea?

Jesaea 63:19

Okoe cetanre tishõ mạliki bam calao akatʼ, okoe tishõ amakʼ ńutumte bako hoho ocoakan, ńitokʼ ale do onko somanle hoyakana.

Jesaea 64:7

Am do okoe hõ bako hohowam kana se nehõram lạgitʼ am ṭhen do okoe hõ bako hijukʼkana, ente ale dom dea giḍiakatʼlea ar aleakʼ ghạṭko iạte jarkharokʼ lạgitʼem aṛakʼ akatʼlea.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Jeheskel 34:11

“ ‘Iń Probhu Isorgeń menetʼkana, iń apnartetʼge ińren bheḍakoakʼ khoj tolasiń hataoa ar onkoń ńel jutkoa.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.

Dosar Biboron 32:6

E bebuj, ar bin ạkilan jạtrenko! Probhu Isor do cetʼ nonkagepe halawaea? Uni do cetʼ aperen baba ar sisirjạuicʼ doe baṅkana? Unige coṅ ape mae sirjạu akatʼpe; ar jạtrenko lekate unige ape doe kajak akatʼpea.

Dosar Biboron 4:35

“Ape jemonpe baḍae daṛeakʼ, Probhu kangeae Isor do ar uni chaḍa cele Isorge bạnukʼkoa, ona iạtege noako dope ńel ocolena.

Dosar Biboron 4:39

“Teheń ape do niạ katha baḍaekakʼpe ar ontorre rebetʼ dohokakʼpe, Probhu Isorge coṭ sermaren ar latar otren Isor kanae, uni chaḍa ar cele Isorge bạnukʼkoa.

Dosar Biboron 7:9

Onate baḍae dohokakʼpe, aperen Probhu kangea Isor do. Uni doe pạtiạrangea; okoe uniko dulạṛe ar uniyakʼ hukumko manao onko lạgitʼ uni okae bondobos akatʼ ona do hajar piṛhi hạbicʼe rukhiyạyea ar onkoe dulạṛkoa.

1 Patras 2:25

Bhiḍiko lekape chingạu adokʼkan tahẽkana, menkhan ńitokʼ do okoe apeakʼ jiwikoe ńeletʼkan uni gupiyicʼ ṭhenpe ạcur ruạṛ akana.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Patras 4:19

Enḍekhan Isorakʼ monejoṅ lekate okoe dukko sahaoetʼkan, onko do akoren pạtiạricʼ sisirjạuicʼakʼ tire apnartetʼko jimạkʼma ar bhage kạmiko kạmi idima.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.