Sereńko 100:2 - সান্তালী বাইবেল

² Ar rạskạte Probhu Isor sewawaepe; ar rạskạ sarhao sereńte uni samaṅre hạjirokʼpe.

Sereńko 100:2 Iomraidhean Croise

1 Rapajko 8:66

Ona dosar hilokʼ raj do hoṛkoe bidạ baṛakatʼkoa. Probhu Isor do acʼren guti Dạud ar uniren hoṛ Israelko okae bhạlại akatʼko ona lạgitʼ kusi ar rạskạte hoṛko do rajko sarhaokedea ar oṛakʼteko ruạṛ calaoena.

2 Bõsbudạ 29:30

Hiskiạ raj ar uniren gutiko do Dạud ar ńeńelicʼ Ashapakʼ joṛao akatʼ sereńate Probhu Isor ńutumte oṛhẽ sereń lạgitʼ Liwikoe hukumatʼkoa. Unre onko do kusite sarhao sereńko sereńkeda ar otre ombakʼkateko sewawadea.

2 Bõsbudạ 31:2

Jeredokʼ samaṅokʼakʼ ar sulukren samaṅokʼakʼ porob, sapʼdapʼ kạmi ar Isorakʼ oṛakʼre sarhao ar õṛhẽ sereń lạgitʼ Hiskiạ do naekeko ar Liwikoakʼ mimitʼ kạmi lekate onkoren judạ judạ dolkoe bahalketʼkoa.

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Sereńko 71:23

Iń do tinre amiń sarhao sereńama unre ińakʼ moca do rạskạteye andoṛa; ińakʼ ontor do ame õṛhẽ sereńama, ente amge iń dom chaḍao akadińạ.

Sereńko 95:2

Dela, sarhao sereńate uni samaṅre bon calakʼma, ar õṛhẽ sereńte uni ńutumte bon rạskạkʼma.

Dosar Biboron 12:12

Ar onḍe aperen Probhu Isor samaṅre ape ar apren hoponko, hoponerako, aperen guti-kạ̃ṛmĩko, ato ar nagraharen Liwiko okoe do apnarakʼ mente jãhãn jaega-jumi se sompotti bạnukʼtako onko sanamko sãotepe rạskạ midokʼa.

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Dosar Biboron 16:14

Ape, aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭũạr amarko, rạnḍi maejiuko ar ape sanamkoge niạ porobrepe rạskạkʼa.

Dosar Biboron 28:47

Sanamakʼ sareṛakʼko tahẽkan jokhecʼ rạskạ salakʼ aperen Probhu Isor bape sewawade tahẽkante ape do tetaṅ ar ạḍi ṭonṭa talate aperen bạirikope sapʼsorakoa ente Probhu Isorge ape upạrte onkoe kolkoa. Uni do mẽṛhẽtʼ reakʼ arãṛ tarenreye gokʼapea ape ạuripe marao utạrokʼ hạbicʼ.

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.