Sereńko 10:9 - সান্তালী বাইবেল

⁹ Uni do danaṅre tahẽkate dhạcri kul lekae tãṛãkʼ akana; nacaricʼ sabe lạgitʼgeye onkayeda, ar jhạli oḍaokateye sabe kana.

Sereńko 10:9 Iomraidhean Croise

Sereńko 109:31

ente uni do reṅgecʼ orecʼko aṛereye tahena, jemon behok reakʼ bicạr khon onkoakʼ jiwiye rukhiyạitako.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Sereńko 140:5

Bạḍại hoṛko do iń lạgitʼ pạsi baberko oḍao akada; onko do hor aṛere jhạliko aṭetʼ akada ar iń lạgitʼ jhampako dohoakada.

Sereńko 17:12

Onko do dhạcri kul leka cirạ gocʼle lạgitʼko pagla akana, onko do dhạcri kul leka danaṅreko tãṛãkʼ akana.

Sereńko 35:10

Unre ińakʼ sanam hoṛmoe mena, “E Probhu Isor, am leka do ar okoe menaea? Amge dukokʼkanko do onkoren bạirikoakʼ ti khonem bańcaoetʼkoa ar okoe onko khonko daṛege; ar okoe doko luluṭko kan onkoakʼ ti khon am do dukokʼko ar ṭonṭakʼkan kom bańcaoetʼkoa.”

Sereńko 37:14

Dukokʼko ar ṭonṭakʼkanko maraoko lạgitʼ, ar dhorom horte calakʼkan hoṛko gocʼko lạgitʼ, onko bạṛicʼ hoṛko do tarwaṛeko bocʼetʼtakoa ar akʼ ko gakʼ akatʼtakoa.

Sereńko 59:3

Onko do iń lạgitʼko tãṛãkʼ akana, ar daṛean hoṛko do iń hạneń lạgitʼko jarwa akana; E Probhu Isor, ona do ińakʼ jãhãn bedhorom se kại lạgitʼ do baṅ hoyakana.

Kạhtukko 14:31

Okoe reṅgecʼ hoṛe santaoko uni do sisirjạuicʼe henostawae kana, menkhan okoe hoṛ okulankoe dayawako uni do acʼren sisirjạuicʼe manotea.

Kạhtukko 22:16

Dhon lab lạgitʼ okoe hoṛ reṅgecʼkoe santaoko se okoe hoṛ kisạ̃ṛkoe danako unkin banar hoṛge ṭonṭare kin paṛaokʼa.

Kạhtukko 28:15

Hạnḍrạukʼka dhạcri kul ar ghis ghisạu baṛaekan bana cetʼleka, onkage uni bạṛicʼ hoṛ do one okoe nandankoren cakʼlaoicʼe hoyokʼkan.

Jesaea 3:15

Cetʼ iạte ińren hoṛ dope lebetʼ kucạ akatʼkoa ar reṅgecʼ hoṛ dope lebetʼ gańjao akatʼkoa?” Niạ katha do phạdkoren Probhu Isorgeye meneda.

Jesaea 32:7

Bodmaskoakʼ kạmi do bạṛicʼgetakoa; nacarkoakʼ nehõr hok reakʼ kanrehõ onko do eṛe kathate maraoko lạgitʼ bạṛicʼakʼ phundiko aṭaoa.

Jirimiạ 5:26

“Ińren hoṛko talare bạṛicʼ hoṛ menakʼkoa okoe do cẽṛẽ jhãmpako leka tãṛãkʼ akaeko tahenkan; onko do pạsi oḍaokate manwako sapʼkoa.

Rak̕joṅ 3:10

Iń ṭhen uni do tãṛãkʼ akan bana leka ar danaṅre menae dhạcri kul lekanae;

Jeheskel 22:29

Disạmren hoṛ doko jor jukʼlum kana arko rerecʼkana; reṅgecʼ orecʼko cetanreko behoketʼ kana ar dhorom bicạr baṅkate bidisiạko cetanreko sasantao kana.

Amos 3:4

Sikạr bae ńamle khan kul do cetʼ gajaṛ khone hạnḍrạukʼgea? Ar jãhãnicʼ bae sapʼ daṛeae khan dhạcri kul do cetʼ acʼakʼ danderreye gondraokea?

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Habakkuk 1:15

Babelrenko do onkoren sanamkoge bạ̃ṛsiteko or rakapʼetʼkoa ar jhạliteko owar rakapʼetʼkoa, arko samṭao jarwayetʼkoa; ar onate onko doko rạskạkʼ kana, arko kusikʼkana.

Habakkuk 3:14

Am do amakʼ ṭheṅgate uniren lạṛhại hoṛkoren matham sobokʼedea. One onko do chirchạtur cabale lạgitʼ hoe bharḍo lekako hijukʼkan, one onko nandanicʼ oko okote jome lekako rạskạkʼkan.

Sakariạ 11:3

Bhiḍi gukʼpikoakʼ homor halaṅ ańjompe; onkoakʼ bhage bhage ạtiń ṭạnḍiko do nosṭo caba akana. Dhạcri kulkoakʼ hạnḍrạu ańjompe; jordan reakʼ bir do ujạṛena.

Johan 10:12

Eken din ṭalao lạgitʼ okoe gupi kạmiye kạmikan uni do gupiyicʼe baṅkana ar bhiḍiko hõ acʼren doko baṅkana. Uni do hunḍạr hijukʼe ńellere bhiḍikoe ńir bạgiyakoa, ente uni do eken din ṭalaotae lạgitʼ noae kạmikana ar bhiḍiko lạgitʼ hõ jãhãnakʼ bae dạndikʼa. Ar hunḍạr do onkoe ạtkirkoa ar bhiḍiko doko chirchạturokʼa.

Aposkạmi 23:21

Am do onkoakʼ katha alom senakʼa, ente pongel khon hõ bạ̃ṛti hoṛ do Pạul lạgitʼ tãṛãkʼ akan menakʼkoa. Noko hoṛ do Pạul ạuriko goje hạbicʼ cetʼge bako jom ńũiya menteko kiriạ akana. Arko sapṛao akana ar am ṭhen khon kathako ńel hohorkana.”