Sereńko 1:6 - সান্তালী বাইবেল

⁶ ente Probhu Isor do dhorom hoṛkoakʼ hore moneyakʼa, menkhan bedhoromkoakʼ hor do maraokʼtakoa.

Sereńko 1:6 Iomraidhean Croise

Jobakʼ 23:10

Menkhan iń oka horteń calakʼkan ona doe baḍaekana; are biḍạu aṭkarliń khan iń do khạṭi sona lekageń hoykokʼa.

Sereńko 112:10

Bedhorom hoṛ do ona ńelteye ạṛisokʼa; uni do ḍaṭae togoja are cabakʼa. Bedhoromkoakʼ as do nasaokʼtakoa.

Sereńko 142:3

Ińre ińakʼ jiwi loraokʼkanre amge ińakʼ jion reakʼ horem baḍayetʼtińạ; ar ińakʼ calakʼ horre hoṛko do hape hapete pạsiko oḍaoeda.

Sereńko 142:4

Ińakʼ jojomti secʼ beṅgedme ar ńelme, ińko orom akadiń leka do celege bạnukʼkoa. Iń do dạṛ pharakokʼ lạgitʼ jaega hõ bạnukʼtińạ; ar ińakʼ jiwi lạgitʼ cintạkʼko hõ celege bạnukʼkoa.

Sereńko 146:9

Probhu Isor do upriạ hoṛko hõe beṅgetʼako kana uni do ṭuạ̃r amar ar rạndikoe ńel todarotetʼkoa, menkhan bạṛicʼkoakʼ hor doe konḍeayetʼtakoa.

Sereńko 9:6

Ar bạiriko do jaejug lạgitʼko jarkharena; onkoakʼ nagrahako dom dhaṅdhaser akada; ar onkoakʼ ńutum sudhạ marao cabayentakoa.

Kạhtukko 14:12

Mitʼṭecʼ hor menakʼa okaṭakʼ do manwakoakʼ mẽtʼre ṭhik bujhạukʼkan, menkhan ona hor mucạtʼre do gujukʼ menakʼa.

Kạhtukko 15:9

Probhu Isor do bedhoromkoakʼ hore hirkhạwakʼa, menkhan okoe hok reakʼ kạmi lạgitʼko laha idikʼ onko doe dulạṛkoa.

Nạhum 1:7

Probhu Isor doe bhagegea, ar gạr hilokʼren doe aotan gaṛ kana. Ar acʼre okoeko hirlạkʼkan onko doe baḍaeyetʼkogea.

Mathae 7:13

“Sakṛa duạrte bolokʼpe, ente okaṭakʼ hor bạṛicʼ secʼe idipe ona reakʼ duạr do osargea ar hor hõ phaelaogea. Ar ḍher hoṛge onateko bolokʼ kana.

Johan 10:14

“Ińge boge gupiyicʼ. Baba do cetʼleka ińe baḍaeyediń onkage iń hõ Babań baḍaeyedea ar ińren bhiḍiko hõń baḍaeyetʼkoa ar onko hõ ińko baḍaeyediń kana. Iń do ińren bhiḍiko lạgitʼ ińakʼ jiwiyiń alayetʼtińạ.

Johan 10:27

Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

2 Patras 2:12

Menkhan bin buj janwarko leka okoe do sobhabtege sapʼocokʼ ar gocʼ ocokʼ lạgitʼko janam akan, noko eṛe cecetʼko hõ onko lekage. Onko do okaṭakʼ bako bujhạu akatʼ ona reaṅ bạṛicʼ kathako roṛa. Ar akoakʼ bạṛicʼakʼrege onko doko ḍahao maraokʼa.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.