Sereńko 1:2 - সান্তালী বাইবেল

² bickom Probhu Isorakʼ ạnrege uniyakʼ rạskạtae do, ar onage uniyakʼ siń ar ńindạ reakʼ dhenkantaea.

Sereńko 1:2 Iomraidhean Croise

Genesis 24:63

Onḍe khon ruạṛ hecʼkate enhilokʼge ạyupʼ jokhecʼ dheyan lạgitʼ uni do ṭạnḍireye oḍok calaoena. Are beṅgetʼ rakapʼketʼ khan ũṭko hijukʼkane ńelketʼkoa.

Esra 7:10

Esra do Israel disạmre Probhu Isorakʼ ạn-ạriko paṛhao ańjomako, onako manao, ar ona reakʼ niạmko ar hukumko cetʼako lạgitʼ apnartetʼe emena.

Jobakʼ 23:12

Uniyakʼ hukum khon do bạń ocokʼ akana; Ińakʼ jạruṛ jomakʼ khon hõ uniyakʼ moca kathage iń ṭhen do bạ̃ṛti damanakʼ tahẽkana.

Sereńko 104:34

Ińakʼ sanam ganḍonjoṅakʼ do jemon sebele bujhạu; iń do Probhu Isorregeń rạskạkʼ kana.

Sereńko 112:1

Probhu Isorakʼ sarhao hoyokʼtae ma. Okoe Probhu Isore botoraekan ar uniyakʼ hukum iạteye rạskạkʼkan uni doe bhạgangea.

Sereńko 119:1

Bhạgangeako onko do, okoe sạbitko colonetʼkan ar Probhu Isorakʼ hukum lekako calakʼkan.

Sereńko 119:11

Amakʼ katha do ińakʼ ontorreń dohoakada, jemon am upạrte aloń kại.

Sereńko 119:35

Amakʼ hukum reakʼ horre ạyurińme, ente iń do onategeń rạskạkʼa.

Sereńko 119:72

Amakʼ moca reakʼ hukum iń ṭhen do hajar hajar sona rupạ khon hõ damangea.

Sereńko 119:92

Amakʼ jotowakʼ hukumre rạskạ bạń ńamle khan, iń do dukteń marao cabakokʼa.

Sereńko 40:8

E ińren Isor, amakʼ sana leka calakʼge ińakʼ rạskạ do; ar amakʼ sanam hukumko do ińakʼ ontorre menakʼa.”

Sereńko 88:1

E Probhu, ińren babańcaoicʼ Isor, iń do siń sạṭupʼ am ṭheniń rakʼetʼkana.

Jirimiạ 15:16

Amakʼ katha sodorena ar ińakʼ ontorre ona doń ataṅkeda; ona katha do iń lạgitʼ rạskạwanakʼ ar ontorre sukge tahẽkana, ente E phạdkoren Probhu Isor, iń doń amren kangea.

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?

Luk 2:37

Uni do eae bochor jãwãetetʼ sãote tahẽkate irạlgel pon bochor hạbicʼ rạnḍigeye tahẽkana. Uni do mundil bạgikate okate hõ bae senokʼkan tahẽkana bickom upạs ar koejoṅ tulucʼ siń ńindạ Isore sewawae kan tahẽkana.

Romiko lạgitʼ Pạul Apostolakʼ ciṭhi 7:22

Ińakʼ ontor do Isorakʼ ạn-ạrikoteye rạskạkʼ kana;

1 Thessalonikikko 2:9

E boehako, aleakʼ mehnot ar kosṭo reakʼ katha do khạṭigepe disạ akada. Ape ṭhen Isorakʼ bhage sombat porcar jokhecʼ ale do siń ńindạle mehnot akada, jemon ape okoeren bojha hõ alole hoyokʼ.

1Timothi 4:15

Noako kạmi idire mone lagaome; ar onakorege tahẽakan tahenme. Jemon sanamkoko ńelme, am dom laha idikʼkana mente.

2Timothi 1:3

Ińren hapṛamko cetʼleka Isorko sewawaekan tahẽkan onkage ińhõ sapha bibekte Isoriń sewawae kana; ar am lạgitʼ siń sạṭupʼ koejoṅ jokhecʼ iń do uniń sarhaoede kana.

Josuạ 1:8

Ạn-ạri reakʼ niạ puthire okako ol menakʼ ona do jao okte amakʼ mocare tahenma. Ar ona jemonem pańja daṛeakʼ onate siń-ńindạm khondrondjoṅa. Onate jotowakʼrege sarhekʼtama ar bhạlại hoyokʼtama.

1 Johan 5:3

Isorakʼ hukumko dohoyge hoyokʼkana Isor dulạṛ do. Uniyakʼ hukum do hamal bojha leka do baṅkana,