Sakariạ 8:6 - সান্তালী বাইবেল

⁶ Ar okako hoyokʼ ona do noko jạtren sarecʼ jiwetʼ tahen hoṛko ṭhen do oho hoedaṛelena mente hudiskokʼa, menkhan iń ṭhen baṅ hoyokʼakʼ do bạnukʼa. Iń phạdkoren Probhu Isorge noa katha doń meneda.

Sakariạ 8:6 Iomraidhean Croise

Genesis 18:14

Probhu Isor ṭhen bin leṭejokʼakʼ do cetʼge bạnukʼanaṅ. Hijukʼkan bochor niạ okte iń do arhõ am ṭheniń hijukʼa ar unre Sarawakʼ hoborre mitʼṭen koṛa gidrại tahena.”

2 Rapajko 7:2

Raj do okoe gutiye goṛowade tahẽkan uni guti do Isorren hoṛe metadea, “Ńelme, Probhu Isor do serma reakʼ duạrkoe jhicʼlere hõ onka do ohoge hoylena?” Elisaeye roṛ ruạṛkeda, “Amakʼ mẽtʼtege noa dom ńela, menkhan am do ona reakʼ cetʼge bam jom ńama.”

Sereńko 118:23

Probhu Isorge noa doe nonka akada, ar ona do aboakʼ mẽtʼre hahaṛawakʼge hoyena.

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.

Jirimiạ 32:27

“Iń Probhu Isorge, sanam manwakoren Isor kạnạń. Iń lạgitʼ Jãhãnakʼ cekae do cetʼ baṅ hoedaṛeakʼa?

Mathae 19:26

Jisu do celako beṅgetʼatʼkoteye metatʼkoa, “Manwako hotete do baṅ hoedaṛeakʼa, menkhan Isor hotete do sanamakʼge hoedaṛeakʼa.”

Luk 1:20

Ńelme, ińakʼ katha do okterege purạukʼa, menkhan ińakʼ katha bam pạtiạuatʼte am do guṅgạm tahena. Ar noako ạuri hoyokʼ hạbicʼ katha bam roṛ daṛeakʼa.”

Luk 1:37

Isor ṭhen do bin daṛeanakʼ mente cetʼge bạnukʼa.”

Luk 18:27

Jisui menkeda, “Manwako ṭhen oka leṭejokʼakʼ baṅ kan Isor ṭhen ona do leṭejokʼakʼ kangea.”