Sakariạ 8:12 - সান্তালী বাইবেল

¹² Ńitokʼ do itạ khon dare do mońjtege harakʼa, ar darkha nạ̃ṛĩre jo sabokʼa, khetre phosol janamokʼa ar noko jạtren jiwetʼ tahen hoṛko do iń emakʼ ạidạri lekate jotowakʼko ńama.

Sakariạ 8:12 Iomraidhean Croise

Genesis 26:12

Isahak do ona bochorge ona disạmreye cas-abadkeda ar mitʼsae doboṛ phosole ńamkeda. Probhu Isor do uniye bhoradea,

Genesis 27:28

Isor do serma reakʼ sisire emam ma, ar amakʼ jumiye bhorakʼma; Am do ḍher phosol ar nãwã darkha rasam ńama.

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

Sereńko 72:3

Uniyakʼ dhorom kạmi talate hoṛko lạgitʼ buru ḍuṅgrikote esetʼakan disạm do bhạlạiyte perejokʼma.

Sereńko 85:12

Okaṭakʼ bhageakʼ kan Probhu Isor do sạrige onae emokʼa, ar aboakʼ disạm do phosole danakʼa.

Kạhtukko 19:12

Rajakʼ raṅgao do gondraokʼkan dhạcri kul leka, menkhan uniyakʼ daya do ghãsre ńur akan sisir dakʼ leka.

Jesaea 30:23

Uni dor dakʼe kolapea jemon otre itạpe er daṛeakʼ ar jumi khon oka phosolpe ńam ona do mońj ar purṭhạge hoyokʼa. Enhilokʼ aperen ạsul janwarko do maraṅ maraṅ ạtiń ṭạnḍireko ạtińa.

Jesaea 61:7

Ińren hoṛko do lajao bodolte sompotti reakʼ dobṛa hĩsko ńama, ar bemanot bodolte do dhonteko hulạsokʼa. Onkoakʼ disạmre dobṛa hĩsko ńama ar jaejugko rạskạkʼa.

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Jeheskel 34:28

Onko do jạt jạtkoren luluṭ jinis do ar bako hoyokʼa, bir janwarko ṭhen hõ bako jom ocokʼa. Onko do khạtirjomako tahena ar celege bako botor ocokoa.

Jeheskel 36:12

Iń do ape cetante hoṛko, metakʼme ińren hoṛ Israelkoń dãṛãbaṛa ocokoa. Onko do apeko ạidạripea ar onkoren ạidạri reakʼ ṭhạ̃ipe hoyokʼa; ar tishõ bin gidrạwanko do bape hoyocokoa.

Jeheskel 36:30

Iń do dare reakʼ jo ar khet reakʼ phosolkoń baḍhao ocoytapea jemon akal khạtirte jạtrenko talare alope bemanot ocokʼ.

Jeheskel 36:9

Iń do ape secʼge minạńa ar apegeń moneyapea; onate apere do casogokʼa ar itạ hõ erogokʼa.

Hosea 13:3

Ona iạte onko do setakʼ reakʼ kuṛhạ ar chanokʼkan sisir dakʼ leka kanako, onko do khạrại khon hoete oṭaṅ calakʼkan bhusạ leka, ar jalna secʼte oḍok calakʼkan dhũạ leka kanako.

Hosea 14:5

Israel ṭhen do sisir dakʼ lekageń hoyokʼa; uni do Kiyạ baha lekae bahakʼa. Lebanon reakʼ debdạru dare leka uni do acʼakʼ rehetʼko latar secʼe pheḍtaea.

Joel 2:19

Probhu Isor do onkoakʼ katha reakʼe roṛ ruạṛakoteye mena, “Iń do ape ṭhen nãwã darkha rasa, sunum, ar phosolkoń kola, onatepe tirpitokʼa; ar jạt jạtrenko ṭhen ar tishõ landa dhutʼanko do bạń hoyocopea.

Joel 2:22

E ṭạnḍiren janwarko, alope botorokʼa, ente ạtiń ṭạnḍi do hạriạ̃ṛ akana. Darekore jo hõ sapʼakana; loa dare ar darkha nạ̃ṛĩ hõ ḍher jo akana.

Levitikus 26:3

“Ińakʼ sanam niạmkope manao ar ińakʼ hukum lekape senokʼ enḍekhan iń do okte nạpitre dakʼ iń kolapea. Onate apeakʼ jumire purạ phosolpe ńama ar dareko hõ jo bahakʼ tapea.

Sephaniạ 3:13

Israelren onko sarecʼ hoṛ do behokakʼ bako kạmiya; onko do eṛe katha hõ bako roṛa ar onkoakʼ moca khon phạsiaratetʼ hõ baṅ tahena. Onko do jom-ńũkate khạtirjomako jạpitʼjoṅa ar celege bako botor ocokoa.”

Hagae 1:10

Ona iạtege serma do acʼakʼ sisir dakʼ ar jumi do phosol emokʼe bondleda.

Hagae 2:18

Teheń areakʼ cando reakʼ bargel ponakʼ dinre ińakʼ oṛakʼ reakʼ rehetʼ bạisạu hoyena. Ar ape lạgitʼ cetʼ iń cekae lạgidokʼkan onape ńela.

Hagae 2:19

Ńitokʼ apeakʼ murạire jãhãn itạge bạnukʼtapea ar unạkʼ din do darkha nạ̃ṛĩ, loa dare, ḍạlim dare ar jạitun darere jo hõ thoṛage sapʼlena, menkhan teheń khon doń bhorapea.’ ”

Sakariạ 8:6

Ar okako hoyokʼ ona do noko jạtren sarecʼ jiwetʼ tahen hoṛko ṭhen do oho hoedaṛelena mente hudiskokʼa, menkhan iń ṭhen baṅ hoyokʼakʼ do bạnukʼa. Iń phạdkoren Probhu Isorge noa katha doń meneda.

Malaki 3:11

Iń do jojom ukʼjạṛkan tejokoń tạkicʼ daramkoa jemon apeakʼ phosol aloko jomtape; ona chaḍa apeakʼ ot baṛge reakʼ darkha jo hõ baṅ jhurokʼtapea.

Mathae 6:33

Menkhan pạhilre ape do Isorakʼ raj ar dhorom ńam maṛaṅpe. Enḍekhan ona sanamakʼpe ńama.

1 Korinthiko 3:21

Onate okoe hõ jãhãe manwa iạte alope sarhaokʼa, ente jotoge coṅ apeakʼkan;

Dosar Biboron 32:2

Ińakʼ cecetʼakʼ do jạṛi dakʼ leka ńurokʼma, ińakʼ katha do sisir dakʼ leka rińjikʼma. Legecʼ ghãs cetanre poroe poroe dakʼ leka, ar aṛakʼ sakamko cetanre achaṛ dakʼko lekage.

Dosar Biboron 33:13

Joseph reaṅ uni doe menkeda, “Probhu Isor do jemon uniyakʼ disạme bhorakʼtae coṭ serma reakʼ sorosakʼ dante ar latarre jarwa akan athantar dakʼte,

Dosar Biboron 33:28

Onate Israel do khạtirjomae tahena. Jakob reakʼ jharna do eskarge tahena; onḍe do ḍher phosol ar nãwã darkha rasa hoyokʼa, ar onare do serma reakʼ sisir dakʼe jorowakʼa.

Jakob 3:18

Okoe sulukokʼ lạgitʼko kurumuṭukan onko do sulukte itạko ereda ar ona reakʼ jo do hoyokʼ kana dhorom jionge.