Sakariạ 8:10 - সান্তালী বাইবেল

¹⁰ Ona kạmi ạuri ehopʼre manwako reakʼ kuṛạige baṅ tahẽkana ar janwarakʼ hõ bhaṛa bako em daṛeakʼkan tahẽkana. Bạiri iạte celege khạtirjoma bako dãṛãnkan tahẽkana ente ińge mimitʼko do ako aḍepaseren hoṛko upạrteń uskurletʼkoa.

Sakariạ 8:10 Iomraidhean Croise

Jesaea 19:2

Probhu Isore meneda, “Iń do Misorren hoṛkoge Misorren hoṛko upạrteń uskurkoa; onate boeha do boeha upạrte, aḍepaseren hoṛ do aḍepaseren hoṛko upạrte, nagraharen hoṛ do nagraharen hoṛko upạrte, ar rajosṭiren hoṛ do rajosṭiren hoṛko upạrteko lạṛhạiya.

Jirimiạ 16:16

“Menkhan ńitokʼ do ḍher jạilạgeń hoho ạgukoa ar onko do hako lekako sapʼkoa. Ona tayom iń do arhõ sesendrako hõń hoho ạgukoa onko do mitʼke mitʼ maraṅ ar huḍiń buruko ar dhiri ciritʼ khonko sendra totʼkoa.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Amos 9:4

Bạiriko hotete eṭakʼ disạmteko bondi idi ocolenre hõ onko gocʼko lạgitʼ tarwaṛeń hukumaea. Bhạlại lạgitʼ do baṅ menkhan bin bhạlại lạgitʼ onko cetanre mẽtʼ do tahentińạ.”

Hagae 2:15

Ar ńit khon noa babotre mońjte hudisokʼpe, ińakʼ oṛakʼre tinre mitʼṭecʼ dhiri cetanre armitʼṭecʼ dhiri tahẽkana unre cetʼ dosa tahẽkana.

Bikʼcạrko 5:11

Ańjompe, dakʼ lo ṭhạ̃ire hoṛko doko khae khoyeda; ar Israelakʼ atoren hoṛko lạgitʼ Probhu Isor do bańcaokʼ reakʼe roṛeda. Noa ańjomkate hoṛko do Nagraha reakʼ phaṭok duạr ṭhenko senena.