Sakariạ 7:7 - সান্তালী বাইবেল

⁷ Jerusalem ar ona beṛhaeteakʼ nagrahakore tinre hoṛko girobasokʼ kan tahẽkana ar tinre ona reakʼ dosa bhage tahẽkana ar Negeb ar pạchim reakʼ latar buru ṭoṭhakore hoṛko tahẽkana unrehõ Probhu Isorakʼ noako katha do lahaten nạbiko hoteteye roṛlena.’ ”

Sakariạ 7:7 Iomraidhean Croise

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Jirimiạ 13:19

Negeb reakʼ nagrahakote bolokʼ reakʼ hor do bondokʼa ar onḍe do okoehõ bako bolo daṛeakʼa. Jihudạren sanam hoṛ do bondikateko idi ocokʼa, ar sanamgeko idi ocokʼa.’ ”

Jirimiạ 17:26

Jihudạ reakʼ nagrahako ar Jerusalem beṛhaeteakʼ atoko khon Benjạmin reakʼ ṭoṭha khon ar usul copotʼ buru ṭoṭhako khon ar Negeb khon hoṛko hijukʼa ar Probhu Isorakʼ oṛakʼre jeredokʼ samaṅokʼakʼ, janwar samaṅokʼakʼ, anaj samaṅokʼakʼ, dhudhup ar suluk samaṅokʼakʼ reakʼ jinisko ạguiya.

Jirimiạ 22:21

Iń do amakʼ bhạlại jokhecʼ iń sontorletʼmea, menkhan amem metadiń tahẽkana, ‘iń do bạń ańjomtama.’ Pạhil khonge amakʼ beohar do nonkage tahẽkana; am do bam batao letʼtińạ.

Jirimiạ 32:44

Benjạmin ṭoṭhare, Jerusalem beṛhaeteakʼ ṭoṭhare, Jihudạ ar Negeb reakʼ sanam ato ar nagrahakore ar usul-copotʼ buru ṭoṭha reakʼ sanam ato ar nagraha reakʼ jumiko kirińokʼa, dolelre suhikʼa ar mohor chapakʼ hoyokʼa ar gohakoko dohokʼa, ente iń do onkoakʼ lahateakʼ dosań ạgu ruạṛtakoa. Iń Probhu Isorge noa katha doń meneda.”

Jirimiạ 33:13

Usul ar copotʼ buru ṭoṭha reakʼ sanam ato ar nagrahakore, Benjạmin ṭoṭhakore, Jerusalem beṛhaete ar Jihudạ ar Negeb reakʼ sanam ato ar nagrahakore bhiḍi gukʼpiko do akoren bhiḍiko lekha lekhateko chaṛ sạ̃itạukoa. Iń Probhu Isorge noa katha doń meneda.”

Jirimiạ 44:4

Iń do aema dhao ińren gutiko, metakʼme nạbikoń kolletʼkoa nonka memen lạgitʼ; noa hirkhạwakʼ do alope kạmiya okaṭakʼ iń kurudakʼkan.

Jirimiạ 7:23

menkhan noań hukumatʼko tahẽkana, ‘ińakʼ katha leka senokʼpe, iń do aperen Isoriń hoyokʼa ar ape do ińren hoṛpe hoyokʼtińạ. Ar oka horte calakʼ reakʼ iń hukumakatʼpe ona horte calakʼpe jemon bhạlại hoyokʼtape.’

Jirimiạ 7:5

Ape do sạrige apeakʼ colon ar kạmiko reakʼpe jutletape khan ar hoṛkoakʼ hok reakʼpe chinḍạuletako khan,

Sakariạ 7:12

Onko do dhiri leka monko keṭecʼketʼtakoa ar ạn-ạri do bako bataoleda. Iń phạdkoren Probhu Isorge ińren Jiu hotete lahaten nạbiko hotete okaṭakʼ kathań kolletʼ ona hõ bako luturada. Ar onatege ińakʼ maraṅ edre do jol rakapʼlentińạ.

Sakariạ 7:6

Ar tinrepe jom ńũiyetʼ tahẽkana unre apnar lạgitʼgepe onkayetʼ tahẽkana.

Sakariạ 7:8

Probhu Isor do arhõe metadińạ, “Iń phạdkoren Probhu Isorge noako katha doń metatʼko tahẽkana, ‘hok reakʼ bicạrpe; ar ape talare pạtiạranko hoyokʼpe ar dayakʼ salakʼ beoharpe.

Dosar Biboron 34:3

Ona chaḍa uni do Negeb disạm ar khijur disạm Jerikho nagraha ar ona sor jordan gaḍa dạkhin secʼ reakʼ bilạn ṭạnḍi khon Seyir hạbicʼ sanam jaegae udukʼadea.