Sakariạ 6:2 - সান্তালী বাইবেল

² Pạhilakʼ rãt gạḍire do jotoge arakʼ sadomko tahẽkana ar dosarakʼ rãt gạḍire do jotoge hende sadomko tahẽkana.

Sakariạ 6:2 Iomraidhean Croise

Sakariạ 1:8

Ńindạ jokhecʼ iń Sakariạ do mitʼṭecʼ dorson iń ńelkeda. Iń doń ńelkeda, manwa leka ńelokʼte mitʼṭen serma goḍet do arakʼ sadomreye decʼakana. Ar sadom do mitʼṭecʼ copotʼ jaegare mehendi dareko talareye teṅgo akana. Ar uni hoṛ tayomre do arakʼ, sãoṛa ar ponḍ roṅan sadomko tahẽkana.

Sakariạ 6:6

Hende sadomkoakʼ rãt gạḍi do utạr disạm secʼ calakʼkana, ar ponḍ sadomkoakʼ rãt gạḍi do pạchim secʼ ar nana parkan roṅan sadomkoakʼ rãt gạḍi do dạkhin secʼ calakʼkan tahẽkana.”

Johan sodor 12:3

Ona tayom sermare armitʼṭecʼ cinhạ ńelena; seṅgel leka maraṅ okocʼ mitʼṭen arakʼ bińge. Uniyakʼ do eae goṭecʼ bohokʼ ar gel goṭecʼ dereń ar bohokʼre eae goṭecʼ mukuṭ tahẽkana.

Johan sodor 17:3

Ona tayom uni serma goḍet do hahaṅkar jaegateye idikedińạ. Unre iń do sonot Jiuakʼ ạyurreń tahẽkana. Onḍe mitʼṭen maejiu do mitʼṭen jeṅgetʼ arakʼ janwarre duṛupʼ akaniń ńelkedea. Ar Isor henostawae reakʼ ạḍi utạr ńutum uni janwarre ol tahẽkana. Uniyakʼ do eae goṭecʼ bohokʼ ar gel goṭecʼ dereń tahẽkantaea.