Sakariạ 4:9 - সান্তালী বাইবেল

⁹ “Serubabelakʼ ti do noa mundil reakʼ rehetʼe bạisạu akada ar uniyakʼ titege noa do sạtokʼa. Unre hoṛko baḍae daṛeakʼa, iń phạdkoren Probhu Isorge onko ṭhen amgeye kol akatʼmea.

Sakariạ 4:9 Iomraidhean Croise

Esra 5:16

Onate Sesbasar do Jerusalemte hecʼkate Isorakʼ oṛakʼ reakʼ rehetʼe bạisạukeda. Ar enhilokʼ khon teheń hạbicʼ ona reakʼ benao kạmi calakʼ kana ar ạuri sạtokʼa.”

Jesaea 48:16

“Ape do iń ṭhen hijukʼte ańjompe. Iń do pạhil khon jãhãnakʼ katha danaṅ dohoy lạgitʼ do bạń roṛ akada; onako katha purạukʼ oktere iń do onḍegeń tahẽkana.” Ńitokʼ Probhu Isor do acʼren Jiu ińre emkateye kol akadińạ.

Hagae 2:18

Teheń areakʼ cando reakʼ bargel ponakʼ dinre ińakʼ oṛakʼ reakʼ rehetʼ bạisạu hoyena. Ar ape lạgitʼ cetʼ iń cekae lạgidokʼkan onape ńela.

Sakariạ 1:16

Ona iạte iń do Jerusalem mãyãwakʼ lạgitʼ arhõń ruạṛ hijukʼa ar Jerusalemre sosoṅ baber do arhõ tijokʼa.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Sakariạ 2:13

E sanam manwako, ape do Probhu Isor samaṅre hape akan tahenpe, ente uni do bicạr lạgitʼ acʼakʼ sonot ṭhạ̃i khone oḍok hijukʼkana.

Sakariạ 4:8

Ona tayom Probhu Isorakʼ noa katha do iń ṭhen sodorena,

Sakariạ 6:15

“Okoe sạṅgińre menakʼko onko do hecʼkate Probhu Isorakʼ oṛakʼ benao lạgitʼ goṛoko emokʼa. Unre ape dope baḍae daṛeakʼa, phạdkoren Probhu Isorge iń doe kol akadińạ. Ape do joton salakʼ aperen Probhu Isorakʼ kathape ańjomtaea enḍe anecʼ noako do purạukʼa.”

Mathae 16:18

Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

Johan 17:21

E Baba cetʼleka ińre jopoṛao menam ar ińhõ amre minạń onkage onko hõ jemon alaṅ soṅge jopoṛaoko tahen. Onate dhạrtiren hoṛkoko pạtiạukʼa je, amgem kol akadińạ.

Johan 3:17

Uni do manwa dusire paṛaoko lạgitʼ acʼren Hopon bae kolakadea bickom Hopon hotete jemon kại khon bańcaoko ńam ona lạgitʼgeye kolakadea.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.