Sakariạ 4:2 - সান্তালী বাইবেল

² Uni doe metadińa, “Am do cetʼem ńeleda?” Ińiń roṛ ruạṛadea, “Iń do mitʼṭecʼ sona reakʼ diuhe dohowakʼ iń ńeletʼkana ar ona reakʼ bohokʼre do mitʼṭecʼ sunum reakʼ cukạkʼge. Ona diuhe dohowakʼ cetanre eae goṭecʼ diuhe ar mimitʼ goṭecʼ diuhere eae goṭecʼkate sultạ dohoy reakʼ jaega menakʼa.

Sakariạ 4:2 Iomraidhean Croise

1 Bõsbudạ 28:15

Mitʼke mitʼ sona reakʼ diuhe dohowakʼ ar diuheko lạgitʼ tinạkʼ sona ar beohar lekate mitʼke mitʼ rupạ reakʼ diuhe dohowakʼ ar diuheko lạgitʼ tinạkʼ rupạ lagaokʼa ona reakʼe hukumadea.

2 Bõsbudạ 13:11

Onko do dinạm hilokʼ setakʼ ar ạyupʼ jokhecʼ Probhu Isor ńutumte jeredokʼ samaṅokʼakʼko samaṅeda ar jut so dhupko jeretʼeda. Onko do saphawakʼ ṭebilre dohoakan samaṅakʼ piṭhạko sajao dohokakʼ kana ar din hilokʼ ạyupʼ jokhecʼ sona reakʼ diuhe dohowakʼre diuheko jeretʼeda. Ale do aleren Probhu Isorakʼ hukum lekatele kạmikana, menkhan ape do unipe bạgi giḍiakadea.

2 Bõsbudạ 4:7

Ar okaleka roṛlen onkage uni do gel goṭecʼ sona reakʼ diuhe dohowakʼe benao ocoketʼte koejoṅ oṛakʼ talare dạkhin secʼre mõṛẽ goṭecʼ ar utạr secʼre mõṛẽ goṭecʼe dohokeda. Ona chaḍa uni do gel goṭecʼ ṭebile benao ocoketʼte koejoṅ oṛakʼ bhitrire mõṛẽ goṭecʼ do dạkhinre ar eṭakʼ mõṛẽ goṭecʼ do utạrreye dohokeda. Uni do mitʼsae sona reakʼ bạṭiko hõe benao ocokeda.

Sosolhayic̕ 12:6

Rupạ reakʼ sikṛi ạuri topagokʼre, se sona reakʼ bhajan ạuri rạpudokʼre, ḍạḍi ṭhen kanḍa ạuri posakʼ gejerokʼre, se kuńre cak ạuri kuṭrạ ńurokʼre, amren sisirjạuicʼ baṛe disạyeme.

Jirimiạ 24:3

Probhu Isor do ińe kulikedińa, “E Jirimiạ, cetʼ em ńeleda?” Iń doń roṛ ruạṛadea, “Loa jo; mońjakʼ do ạḍige mońj, menkhan bạṛicʼakʼ do nunạkʼge bạṛicʼ, one okoehõ ohoko jomdaṛele.”

Jirimiạ 52:19

Rajren rurukhiyạ dolren subedar do sona se rupạte benaoakʼ bhajanko, seṅgel dohoy reakʼ celaṅko, bạṭiko, diuhe dohowakʼko, belcako, coḍor lạgitʼ loṭako ar eṭakʼ okako bhajan tahẽkan onako jotoko idikeda.

Amos 7:8

Uni doe metadińạ, “Amos, cetʼem ńeleda?” Ińiń roṛ ruạṛadea, “Mitʼṭecʼ sạhul baber.” Unre Probhu Isore menkeda, “Ińren hoṛ Israelko talare iń do mitʼṭecʼ sạhul baber iń dohoyeda; onko do ar bạń dayawakoa.

Sakariạ 5:2

Uni doe metadińa, “Am do cetʼem ńeleda?” Iń doń roṛ ruạṛkeda, “Iń do bargel moka jeleń ar gel moka osar mitʼṭecʼ uḍạukʼkan puthiń ńeleda.”

Johan sodor 1:12

Okoe kathae roroṛkan tahẽkan uni ńele lạgitʼ iń ạcuren khan sona reakʼ eae goṭecʼ diuhe dohowakʼ iń ńelkeda.

Johan sodor 1:20

Ar oka eae goṭecʼ sona reakʼ diuhe dohowakʼ ar ińakʼ jojomtire eae goṭecʼ ipilem ńelketʼko ona reakʼ mane do noage, onko eae goṭecʼ ipil do, eae goṭecʼ manḍerren eae goṭen goḍet kanako ar eae goṭecʼ diuhe dohowakʼ do ona eae goṭecʼ manḍer kana.

Johan sodor 4:5

Ona singhạson khon do bijliko, ar botoranakʼ aṛaṅ ar huḍur reakʼ saḍeko oḍok hijukʼkan tahẽkana. Ar siṅghạson samaṅre eae goṭecʼ diuhe jolokʼkan tahẽkana. Ona diuheko do Isorren eae goṭen Jiu kanako.