Sakariạ 4:10 - সান্তালী বাইবেল

¹⁰ Nunạkʼ din oka kạmi hoyakan ona do hoṛko nihạ̃t giḍi akada. Menkhan Serubabelakʼ tire sạhul baber ńelte hoṛ doko rạskạkʼa.” Ona tayom iń ańjomkeda, “Niạ eae goṭecʼ diuhe do hoyokʼkana Probhu Isorakʼ mẽtʼ oka do goṭa dhạrtiye ńeletʼkan.”

Sakariạ 4:10 Iomraidhean Croise

2 Bõsbudạ 16:9

Okoe do Probhu Isorko botorae onko rukhiyạko lạgitʼ uniyakʼ mẽtʼ do dhạrti reakʼ sanam jaegakore tahena. Am do lelhawakʼem kạmi akada. Ńit khon am do ghane ghạṛicʼ lạṛhạirem paṛaokʼa.”

Jobakʼ 8:7

Amakʼ tayom daram dinko do nonka jo bahakʼtama unrem hudisa pạhilakʼ dosa do niạ khon bạṛicʼge tahẽkana.

Sereńko 33:14

Okoe dhạrtireko girobasokʼ kan onko do acʼakʼ tahen ṭhạ̃i khone beṅgetʼako kana.

Kạhtukko 15:3

Probhu Isorakʼ mẽtʼãhã do sanamko secʼge menakʼa; ona do boge ar bạṛicʼ hoṛkoe tunkhiyetʼkoa.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Jesaea 66:11

Ape do nunuipe ar bikʼpe Jerusalem reakʼ bạ̃skin khon asambheṛ oḍokokʼ kan bhạlại reakʼ jomkate tirpitokʼpe.

Jesaea 66:14

Noako ńelte apeakʼ ontor do rạskạkʼtapea ar ape do ghãs lekagepe hara rakabokʼa. Probhu Isorren guti do uniyakʼ daṛeko ńel ńama, ar uniren bạiriko do uniyakʼ edreko ńela.

Jirimiạ 16:17

Onkoakʼ dãṛãn cetanre ińakʼ mẽtʼ do menakʼa; ińakʼ mẽtʼ khon danaṅre do bạnukʼkoa ar onkoakʼ ghạṭ hõ iń khon do baṅ okokʼtakoa.

Jeheskel 1:14

Jiwetʼ jiwiyanko do bijli malkaokʼ lekako calao hijukʼkan tahẽkana.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Amos 7:2

Onko do tinre disạm reakʼ hạriạṛ dare sakamko jom cabakeda unre iń do nehõrkateń menkeda, “E Probhu Isor, ikạkakome baṛe. Jakob do cekateye teṅgo ruạṛokʼa? Uni ma coṅ ạḍiye huḍińge.”

Amos 7:5

Unre iń do nehõrenteń menkeda, “E Probhu Isor, nehõramkạnạń ma thirokʼme. Jakob do cekateye teṅgo ṭarhaokʼa? Uni ma coṅe huḍińge.”

Hagae 2:3

‘ape talare nonkan okoe menaea one uni do noa oṛakʼ reakʼ lahateakʼ ṭhonoke ńelakatʼ? Ar ńitokʼ ona do cetʼ lekae ńeleda? Ape do cetʼ bape hudisetʼkana, lahateakʼ khon noa do cetʼge baṅkana mente?’

Sakariạ 3:9

E Josuạ, iń do am samaṅre mitʼṭecʼ dhiriń dohoakada. Ona dhiri cetanre do eae goṭecʼ mẽtʼ menakʼa, ar ona cetanre mitʼṭecʼ kathageń rokʼ dohokakʼa ar mitʼ dinrege noa disạm reakʼ kại doń sạṅgiń giḍikakʼa.

Sakariạ 9:1

Hadrak ar Damesek upạrte Probhu Isorakʼ oka katha sodorlen ona do purạukʼa. Israel gusṭirenko ar eṭakʼ sanam manwakoakʼ mẽtʼ do Probhu Isorrege menakʼa.

Luk 15:32

Menkhan hesecʼ sekrejokʼ ar rạskạkʼ do lek kan tabona, ente amren nui boeha do gocʼgeye tahẽkana arhõe jiwetʼ akana; atʼgeye tahẽkana arhõe ńam ruạṛ akana.’ ”

Johan sodor 5:6

Ponea jiwiyanko ar murubbiko talare okaṭakʼ siṅghạson tahẽkan, ona cetanre mitʼṭen Bheḍa Hopon teṅgo akaniń ńelkedea. Ińiń hudisetʼ tahẽkana pasecʼ uni Bheḍa Hopon doe gocʼ ocolen tahẽkana. Uni Bheḍa Hoponakʼ do eae goṭecʼ dereń ar eae goṭecʼ mẽtʼ tahẽkana. Ar Isorren eae goṭen Jiu okoe do dhạrti reakʼ sanam jaegateko kol ocokʼkan ona mẽtʼko do onko eae goṭen Jiu kanako.

Johan sodor 8:2

Ar okoe eae goṭen serma goḍetko Isor samaṅreko teṅgo akan tahenkan onkoń ńelketʼkoa. Onko do tire eae goṭecʼ siṅgạko ematʼkoa.