Sakariạ 3:9 - সান্তালী বাইবেল

⁹ E Josuạ, iń do am samaṅre mitʼṭecʼ dhiriń dohoakada. Ona dhiri cetanre do eae goṭecʼ mẽtʼ menakʼa, ar ona cetanre mitʼṭecʼ kathageń rokʼ dohokakʼa ar mitʼ dinrege noa disạm reakʼ kại doń sạṅgiń giḍikakʼa.

Sakariạ 3:9 Iomraidhean Croise

1 Rapajko 1:20

E ińren mạlik maharaj, sanam Israelko do amko koyokʼ hor akatʼmea. Onko do am ṭhen khon baḍae sanayetʼkoa ińren mạlik maharajakʼ do acʼ tayom siṅghạsonre okoeye duṛubea mente.

2 Bõsbudạ 16:9

Okoe do Probhu Isorko botorae onko rukhiyạko lạgitʼ uniyakʼ mẽtʼ do dhạrti reakʼ sanam jaegakore tahena. Am do lelhawakʼem kạmi akada. Ńit khon am do ghane ghạṛicʼ lạṛhạirem paṛaokʼa.”

Sereńko 103:12

Pạchim khon purub tinạkʼ sạńgińakʼkan, onkage aboakʼ kại hõ sạṅgińteye ocokʼ giḍikakʼa.

Sereńko 118:22

Rajmistriko okaṭakʼ dhiriko nihạ̃t giḍiletʼ onage konac reakʼ asolakʼ dhiri do hoyena;

Exodus 28:11

Kạrigolko damanakʼ dhirire cetʼlekako rokʼ caṛhao arko mohor chapakʼ ṭhik onkage onakin dhiri cetanre Israelren hoponkoakʼ ńutumem rokʼ caṛhao ocoytakoa. Banar boidorjomoni dhirige sona reakʼ jhạńjri cetanre bạisạukate taren reakʼ phitạ sãotem tol doho ocokoa. Noa banar dhiri do Probhu Isor samaṅre Israelkoe udukʼkoa. Ar Probhu Isor jemon onko secʼe beṅged onate Aron do Probhu Isor samaṅre noa ńutumko acʼakʼ banar taren cetanreye ladekakʼa.

Exodus 28:21

Israelren gelbar goṭen hoponko lạgitʼ jotote gelbar goṭecʼ mạnik dhiriko tahena. Ar ona reakʼ mimitʼ goṭecʼre gelbar khũṭren mitʼṭecʼkate ńutum do rokʼ caṛhao hoyokʼa, mohor chapakʼ lekage.

Exodus 28:36

“Mitʼṭecʼ khạṭi sona reakʼ pat benaokate ona cetanre mohor chap akatʼ leka noa kathakom rokʼ caṛhaoa, ‘Probhu Isor ńutumte begarakʼ mente.’

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Jirimiạ 31:34

Apnar aḍepaserenko ar apnar boeha hõ noa mente okoege tishõ bae cetʼakoa, ‘Probhu Isor baḍaeyepe,’ ente jotoge ińko oromińạ. Ona iạte iń do onkoakʼ bedhoromiń ikạitakoa, onkoakʼ kại do ar tishõ bạń disạitakoa. Iń Probhu Isorge noa katha doń meneda.”

Jirimiạ 50:20

Onako dinre ar onako oktere Israel reakʼ ghạṭko ńam baṛakʼa menkhan mitʼṭecʼ hõ baṅ ńamokʼa, ar Jihudạ reakʼ kạiko hõ ńam baṛakʼa menkhan mitʼṭecʼ hõ baṅ ńamokʼa, ente jiwetʼ okoyiń dohoko onko doń ikạkoa.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Sakariạ 3:4

Uni goḍet do acʼ samaṅre teṅgo akan eṭakʼ goḍetkoe metatʼkoa, “Uniyakʼ mạilạ kicricʼko totʼ giḍikataepe.” Ona tayom uni do Josuại metadea, “Ńelme amakʼ kạikoń sạṅgiń giḍi akatʼtama ar iń do mońj kicricʼ iń horokʼama.”

Sakariạ 4:10

Nunạkʼ din oka kạmi hoyakan ona do hoṛko nihạ̃t giḍi akada. Menkhan Serubabelakʼ tire sạhul baber ńelte hoṛ doko rạskạkʼa.” Ona tayom iń ańjomkeda, “Niạ eae goṭecʼ diuhe do hoyokʼkana Probhu Isorakʼ mẽtʼ oka do goṭa dhạrtiye ńeletʼkan.”

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Aposkạmi 4:11

Sonot sostor reakʼ katha leka Jisu Mạsi kangeae ‘ona dhiri do, one okaṭakʼ raj mistiriko, metakʼme apepe nihạ̃t giḍiletʼ; ar onage konac reakʼ asolakʼ dhiri do hoyena.’

Romiko lạgitʼ Pạul Apostolakʼ ciṭhi 9:33

Noa reaṅ sonot sostorre olakana, Ńelpe, Sionre tohotʼakʼ dhiri ar tạkicʼakʼ cạṭạniń dohoyeda, unire pạtiạuicʼ do baṅgeye lajao ocokʼa.

2 Korinthiko 1:22

metakʼme uni do apnarakʼ dhon leka ale doe mohor chap akatʼlea; ar okaṭakʼe emale ona reakʼ pạhil hạṭiń lekate uni do aleakʼ ontorre sonot Jiue emakatʼlea.

2 Korinthiko 3:3

Apege Mạsiyakʼ ciṭhi ar aleakʼ kạmiko reakʼ jo kanpe ona do pusṭạutege ńelogokʼ kana. Noa ciṭhi kạlite olakʼ do baṅkana menkhan jiwetʼ Isorren Jiu hotetege olakana. Noa do jãhãn dhiri paṭare baṅ olakana, menkhan manwakoakʼ ontorrege olakana.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

Ibriko 7:27

Eṭakʼ maraṅ naekeko cetʼleka pạhilte apnar lạgitʼ ar tayomte eṭakʼkoakʼ kại lạgitʼ janwar dãṛẽko samaṅetʼkan tahẽkan, onka do nui naekeakʼ jạruṛ do baṅ tahẽkana, ente uni do jaejug lạgitʼ mitʼ dhaoge acʼakʼ jiwiye emketʼte ona kạmiye purạukeda.

1 Johan 2:2

Aboakʼ kạiko ocokʼ giḍiy tabon lạgitʼ Mạsi do acʼakʼ jiwi alaekate Isore kusi ocokedea. Eken aboakʼ kại iạte do baṅ, menkhan sanam manwakoakʼ kại ńutumte uni doe onkakeda.

Johan sodor 5:6

Ponea jiwiyanko ar murubbiko talare okaṭakʼ siṅghạson tahẽkan, ona cetanre mitʼṭen Bheḍa Hopon teṅgo akaniń ńelkedea. Ińiń hudisetʼ tahẽkana pasecʼ uni Bheḍa Hopon doe gocʼ ocolen tahẽkana. Uni Bheḍa Hoponakʼ do eae goṭecʼ dereń ar eae goṭecʼ mẽtʼ tahẽkana. Ar Isorren eae goṭen Jiu okoe do dhạrti reakʼ sanam jaegateko kol ocokʼkan ona mẽtʼko do onko eae goṭen Jiu kanako.