Sakariạ 3:8 - সান্তালী বাইবেল

⁸ E Maraṅ naeke Josuạ, am do ańjomme ar am samaṅre duṛupʼakan amren sãoten naeke hõko ańjomma. Iń okaṭakʼ kahle metakʼme ińren gutiń ạguiye unigeye hoyokʼa naekeko reakʼ cinhạ do.

Sakariạ 3:8 Iomraidhean Croise

Sereńko 71:7

Iń ńelte ḍher hoṛge cahapʼkateko koyokʼ kakʼa, menkhan am do ińren aotan gaṛ kanam.

Jesaea 11:1

Jesaeakʼ gonḍa khon mitʼṭecʼ nãwã kahle do oḍokokʼa; ar rehetʼ reakʼ ona kahlre do jo bahakʼa.

Jesaea 20:3

Ona tayom Probhu Isore menkeda, “Ińren guti Jesaea do cetʼleka Misor ar Kus upạrte mitʼṭecʼ cinhạ ar tayom daram reakʼ nisạn lekate pe bochor hạbicʼ koṭoge ar eken jaṅgageye dãṛã baṛaketʼ,

Jesaea 4:2

Enhilokʼ Probhu Isorakʼ kahle do husnạkʼ ar ṭhonokanakʼ hoyokʼ ar disạm reakʼ jo do Israelren sarecʼ hoṛkoakʼ mạhima ar saj lạgitʼge hoyokʼa.

Jesaea 42:1

Probhu Isore meneda, “Ńelpe, ińren guti, one uniń goṛowae kan; ariń bachao akade ar one unireń kusi akan. Ińren Jiu do unireń dohoyea ar uni do boṅgan hoṛ jạtrenko ṭhen hok reakʼ bicạre lại jạhira.

Jesaea 49:3

Uni doe metadińạ, “E Israel, am do ińren golam kanam; am talate iń do ińakʼ ṭhonokiń sodortińạ.”

Jesaea 49:5

Probhu Isor do acʼren golame hoeocoyiń lạgitʼ kukhireye benaoledińạ jemon Jakob do uni ṭheniń ạgu ruạṛe ar Israel do uni ṭhenko jarwakʼ. Iń do Probhu Isor nońjorreń manot ocoakana ar ińren Isor do ińakʼ daṛegeye hoyakana.

Jesaea 52:13

Probhu Isore meneda, “Ńelpe, ińren guti doe jo bahakʼa. Uni doe rakapʼ ocokʼa ar ạḍitetʼe maraṅokʼa.

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Jesaea 53:2

Uni samaṅre bale cara leka uni doe omon rakapʼena ar rohoṛ ot khon rehetʼ poha lekae harayena. Uniyakʼ do nonkan rup se ṭhonok hõ baṅ tahẽkantaea, one onate uni secʼ bon beṅgetʼke; ar cetʼ ḍhob hõ baṅ tahẽkantaea, onate bon hạ̃ske.

Jesaea 8:18

Nokʼõe ńelpe, iń ar onko hoponko okoe do Probhu Isore emakawạdiń. Uni phạdkoren Probhu Isor, okoe do Sion burureye tahẽnkan ale do uniren cinhạkole hoyakana.

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

Jirimiạ 33:15

Onako dinre ar onako oktere iń do Dạudakʼ bõs khon mitʼṭecʼ dhorom reakʼ mitʼṭecʼ ḍạr iń omon ocoya; uni do dhạrtire dhorom ar sạriyakʼteye bicạra.

Jeheskel 12:11

Am do onkom metakoa, onko ṭhen do mitʼṭecʼ cinhạ kanam mente. Am cetʼ lekam cekaketʼ, onkore hõ onkage hoyokʼa. Onko do bondikate sạṅgiń disạmteko idi ocokʼa.

Jeheskel 12:6

Jinisko do onkoakʼ mẽtʼãhã samaṅrege amakʼ tarenrem ladejoṅa ar ńutrege onakom oḍok idiytama. Amakʼ mẽtʼãhã dom betʼ esetʼkatama jemon amakʼ disạm reakʼ ot alom ńelńam, ente Israel jạtrenko lạgitʼ am do mitʼṭecʼ cinhạ lekageń hoyocoakatʼmea.”

Jeheskel 24:24

Jeheskel do ape ṭhen mitʼṭecʼ cinhạ lekae hoyokʼ; uni okae ceka akatʼ ape hõ onagepe kạmiya. Tinre noako hoyokʼa unrepe baḍae daṛeakʼa, iń kangeạń Probhu Isor do.”

Jeheskel 34:29

Iń do upjạuakʼ ot baṛgekoń emakoa; disạm talare onko do akalre ar bako paṛaokʼa ar eṭakʼ jạtrenko ṭhen hõ bako henosta ocokʼa.

Jeheskel 37:24

“ ‘Ińren guti Dạud do onkoren raje hoyokʼa ar sanamkoren gukʼpiyicʼ do mitʼṭengeye hoyokʼa. Onko do ińakʼ ạn-ạri lekako calakʼa ar ińakʼ sanam niạm sontorteko manaoa.

Sakariạ 6:12

Arem metaea, phạdkoren Probhu Isore meneda, ‘nuige uni hoṛ do, one uniyakʼ ńutum do dare reakʼ kahle kan; uni do acʼakʼ ṭhạ̃i khone hara rakabokʼa ar Probhu Isorakʼ oṛakʼe benaoa.