Sakariạ 3:2 - সান্তালী বাইবেল

² Probhu Isor do Soetane metadea, “E Soetan, Probhu Isor do ame tạkicʼ daram mema. Jerusalem okoeye bachao akawan uni do ame tạkicʼ daram mema. Nui hoṛ do cetʼ seṅgel khon or oḍok akatʼ ṭhuṭkutʼ doe baṅkana?”

Sakariạ 3:2 Iomraidhean Croise

2 Bõsbudạ 6:5

‘ińren hoṛko Misor disạm khoniń oḍok ạguketʼko tayom ińiń sodorokʼ reakʼ ṭhạ̃i lekate mitʼṭecʼ oṛakʼ benao lạgitʼ Israelkoakʼ jãhãn gusṭi reakʼ nagraha hõ bạń bachaoana, se ińren hoṛ Israelko cetanre mukhiyạ hoyokʼ lạgitʼ hõ jãhãe hoṛko bạń bachao akawana,

2 Bõsbudạ 6:6

menkhan ńitokʼ do ińakʼ tahen oṛakʼ lekate Jerusalemiń bachaoana ar ińren hoṛ Israelko ḍanṭaoko lạgitʼ do Dạudgeń bachao akadea.’

Sereńko 109:31

ente uni do reṅgecʼ orecʼko aṛereye tahena, jemon behok reakʼ bicạr khon onkoakʼ jiwiye rukhiyạitako.

Jesaea 7:4

Ar niạ katha ben metaea, ‘Sontor akan ar nirola monan tahenme ar alom botorokʼa. Dhũạkʼkan ona ṭhuṭkutʼ kuṭrạ ńelte, metakʼme Resin, Aramrenko ar Remaliạren hoponakʼ jaljalaokʼkan edre seṅgel ńelte mon do alom lạbṛukʼ ocoytama.

Daniel 12:1

“Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Amos 4:11

Ińge aperen Isor do cetʼleka Sodom ar Gomorań maraoletʼ onkage aperen ḍherkogeń maraoketʼkoa. Ape do seṅgel khon halaṅ rakapʼ akatʼ jolokʼkan ṭhuṭkutʼ leka kanape, enhõ ape do iń ṭhen bape ruạṛ hecʼlena.

Sakariạ 1:17

Iń phạdkoren Probhu Isorge noa doń gokʼetʼkana, ińakʼ nagrahakore arhõ bhạlại do se oḍokokʼa ar Sion do arhõ jiwiń raṛejtaea ar Jerusalem do arhõń bachaojoṅa.’ ”

Sakariạ 2:12

Sonot disạmre uniyakʼ sompotti lekate Probhu Isor do Jihudạ disạme ạidạrijoṅa ar Jerusalem do arhõe bachaojoṅa.

Mark 1:25

Unre Jisu do bạṛicʼ jiu dhomkao kedeteye metadea, “Thirokʼme ar uni khon oḍok calakʼme.”

Mark 9:25

Ado gadel hoṛ ńir hijukʼkane ńelketʼko khan Jisu do bạṛicʼ jiu dhomkao kedeteye metadea, “E kala ar guṅgạ jiu, hukumam kạnạń uni khon oḍok calakʼme; ar tishõ unire alom bolo ruạṛokʼa.”

Luk 22:32

Menkhan iń do am lạgitʼ iń koeyeda, jemon amakʼ biswạs alo ḍigạukʼtam. Am do iń ṭhenem ruạṛ hijukʼre amren noko boehakom keṭecʼkoa.”

Luk 4:35

Jisu do bạṛjicʼ jiu dhomkao kedeteye metadea, “Thirokʼme ar uni khon oḍok calakʼme.” Unre bạṛicʼ jiu do onko talare uniye mocṛao bhindạṛkedea ar jãhãnakʼ begor hạ̃nete uni khone oḍok calaoena.

Luk 9:42

Ado tinre koṛa do Jisu ṭhene hijukʼkan tahẽkana unre bạṛicʼ jiu do uniye mocṛao bhinḍạṛkedea. Onate Jisu do bạṛicʼ jiue dhomkaokedea ar koṛae bogekedete eṅgat-apat ṭhene jimạkadea.

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’

Romiko lạgitʼ Pạul Apostolakʼ ciṭhi 16:20

Sulukren Isor do ạḍi usạrage apeakʼ jaṅga latarre Soetane lebetʼ gańjaoea. Aboren Probhu Jisuakʼ daya ape cetanre baṛe tahenma.

Romiko lạgitʼ Pạul Apostolakʼ ciṭhi 8:33

Isor okoekoe bachao akatʼko onko upạrte do okoeye lạlisa? Isor acʼge coṅ onko ma dhorom menteye ataṅ akatʼko.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.

Jihudạwakʼ ciṭhi 1:23

Ar adomko do seṅgel khon ạtkir oḍokkate bańcaokope. Jel reakʼ sanate okoeyakʼ jion mạilạ akantako onkoakʼ besapha kicricʼko hõ hirkhạwakʼpe ar apnar sontor akae tahente onko mãyãwakope.

Jihudạwakʼ ciṭhi 1:9

Menkhan mukhiyạ serma goḍet Mikạyel do Moseyakʼ hoṛmo iạte Soetan sãoteye reṭe peṭekʼkan tahẽkanre uni upạrte jãhãn henosta reakʼ katha menkate dusiye do bae dilleda. Bickom uni doe menleda, “Probhu Isor do ame dhomkaome ma.”

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”