Sakariạ 3:1 - সান্তালী বাইবেল

¹ Ona tayom uni serma goḍet do maraṅ naeke Josuạ samaṅre teṅgo akaniń ńelkedea ar dusiye lạgitʼ Soetan do uniyakʼ jojomsa aṛereye teṅgo akana.

Sakariạ 3:1 Iomraidhean Croise

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

1 Bõsbudạ 21:1

Soetan do Israelko upạrteye teṅgoyena. Uni do Dạudakʼ monre Israelko lekhako lạgitʼe uskurkedea.

2 Bõsbudạ 29:11

E ińren hoponko, ape do ńitokʼ ar alope duṛupʼ hapekokʼa, ente Probhu Isor samaṅre teṅgokʼ ar uniren sapʼ sosoricʼ lekate kạmi ar dhup jered lạgitʼ uni do apegeye bachao dohoakatʼpea.”

Esra 10:18

Okoe eṭakʼ jạtren kuṛiko baplaletʼko tahẽkan onkoakʼ tạlika do nonka leka: Naekeko modre Josadakʼ hopon Jesua ar uniren boehakoakʼ bõsrenko modre Makʼasia, Eliaser, Jarib ar Godlia.

Esra 2:2

Noko hoṛko do Serubabel, Jesua, Nehemiạ, Seraya, Reyelaya, Mordekae, Bilsan, Mispar, Bigwai, Rehum, ar Bakʼana sãoteko ruạṛ hecʼlena. Ar okoe Israel herel hoponko ruạṛ hecʼlen onkoakʼ lekha do nonka leka tahẽkana:

Esra 5:2

Unre Sealṭiyelren hopon Serubabel ar Josadakren hopon Jesua do Jerusalemre Isorakʼ oṛakʼ arhõ benao aroekin ehopʼena. Ar Isorren nạbikin hõ onko sãote tahẽkate goṛoako kin ehopʼena.

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

Sereńko 109:6

Onko upạrte am do bedhorom bikʼcạrko bahalkom; ar okoe onkoko dusiko onko do onkoakʼ jojomsa aṛereko teṅgokʼma.

Jirimiạ 15:19

Unre Probhu Isor doe menkeda, “Monem ạcurletam khan iń do lahate lekań ataṅ ruạṛmea jemon ińem sapʼsorạń; ar ạuṛiyakʼ katha roṛ baṅkate damanakʼ katham roṛ enḍekhan ińakʼ mocategem roṛa. Noko hoṛ do am secʼko ạcurokʼa, menkhan am do onko secʼ alom ạcurokʼa.

Jeheskel 44:11

Enhõ mundil oṛakʼ duạr horhoe reakʼ bharko ńamakatʼte onko do ińakʼ oṛakʼ reakʼ sekʼwa kạmiko kạmi daṛeakʼa. Onko do jeredokʼ samaṅokʼren janwarko gur daṛeakoa ar hoṛko lạgitʼ samaṅokʼakʼ porob hõko ạyur daṛeakʼa ar hoṛko sapʼsorako lạgitʼ onko samaṅreko teṅgo daṛeakʼa.

Jeheskel 44:15

“Menkhan Israelko do tinre iń ṭhen khon bạṛicʼ horteko senlena unre Sadok bõsren okoe Liwi do naekeko lekate ińakʼ oṛakʼre pạtiạr salakʼ akoakʼ dạyikko palon akatʼ onkoge iń sewawạń lạgitʼ iń ṭhenko hecʼdaṛeakʼa; onko do mãyãm ar itil samaṅ lạgitʼ iń samaṅreko teṅgo daṛeakʼa. Iń Probhu Isorge noa katha doń menetʼkana.

Hagae 1:1

Darjawes rajakʼ rajokʼ dosar bochorre Sealṭielren hopon Serubabel do Jihudạren disạm cakʼlaoicʼe tahẽkana ar Jehosadokren hopon Josuạ do maraṅ naekeye tahẽkana. Ar inạ bochorge turui cando reakʼ pạhilakʼ dinre Probhu Isor do Hagae nạbi hotete onkoe metatʼkoa,

Hagae 1:12

Unre Sealṭiel hopon Serubabel, Jehosadek hopon maraṅ naeke Josuạ ar eṭakʼ sanam hoṛko do akoren Probhu Isorakʼ katha leka ar uniye kollede Hagae nạbiyakʼ katha lekako kạmikeda, ente onko do Probhu Isorko botorae kan tahẽkana.

Hagae 2:4

Ona tayom am do onkom metakoa, Probhu Isore meneda, ‘E Serubabel, am do dil joṅme; E maraṅ naeke Josuạ, dil joṅme; E disạmren sanam hoṛko, apehõ dil joṅpe ar kạmipe; ente iń phạdkoren Probhu Isor do ape são sãotege minạńa.

Sakariạ 1:13

Unre okoeṭakʼ serma goḍet do iń sãoteye galmaraokan tahẽkan Probhu Isor do uni ḍher bhạlại ar jiwi raṛecʼ reakʼ kathae metadea.

Sakariạ 1:19

Ar okoeṭakʼ serma goḍet do iń sãoteye galmaraokan tahẽkan uniń kulikedea, “Noako do cetʼ kana?” Uni doe roṛ ruạṛạdińa, “Noa do onako dereńkana oka do Jihudạ, Israel ar Jerusalemren hoṛko eṭakʼ eṭakʼ ṭhạ̃ireye chirchạtur akatʼko.”

Sakariạ 1:9

Iń doń kuliyana, “E ińren Probhu Isor, noako do cetʼkana?” Ar mitʼṭecʼ serma goḍet one okoe do iń sãote kathae roroṛkan tahẽkan uniye menkeda, “Onako cetʼkan ona do amiń udukʼama.”

Sakariạ 2:3

Okoeṭakʼ serma goḍet do iń sãoteye galmaraokan tahẽkan uni doe calakʼkan tahẽkana, ar un jokhecʼ armitʼṭen serma goḍet do uni sãote ńapamokʼ lạgitʼe hecʼena.

Sakariạ 3:8

E Maraṅ naeke Josuạ, am do ańjomme ar am samaṅre duṛupʼakan amren sãoten naeke hõko ańjomma. Iń okaṭakʼ kahle metakʼme ińren gutiń ạguiye unigeye hoyokʼa naekeko reakʼ cinhạ do.

Sakariạ 4:14

Unre uniye menkeda, “Onakin do hoyokʼkana unkin bar hoṛ okoe do goṭa pirthimiren Probhu Isor sapʼsorae lạgitʼ kin ojokʼ bahal ocoakan.”

Sakariạ 6:11

Ona tayom do ona sona ar rupạte mitʼṭecʼ mukuṭem benaoa ar Jehosadak hopon maraṅ naeke Josuạ do bohokʼrem horokʼaea.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Luk 22:31

E Simon, E Simon, ńelpe, Soetan do guhum leka calape lạgitʼe khojakada.

Dosar Biboron 10:8

Unre Probhu Isor do acʼakʼ bondobos sinduk gokʼ idiy lạgitʼ ar sekʼwa kạmi ńutumte uni samaṅre teṅgokʼ lạgitʼ ar acʼakʼ ńutumte bhorako lạgitʼ Liwikoe bachaoletʼkoa. Ar onko do teheń hạbicʼko kạmikana.

Dosar Biboron 18:15

Aperen Probhu Isor do Israel boehako tala khon iń leka mitʼṭen nạbiye teṅgoapea. Ar uniyakʼ katha leka ape do calakʼ hoyokʼtapea.

1 Patras 5:8

Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

1 Samuel 6:20

Onkoko menkeda, “Nui sonot Probhu Isor samaṅre do okoeye ṭikạu tahẽdaṛeakʼa? Ńit khon uni ṭhen do okoeye kol ocokʼa?”