Sakariạ 2:9 - সান্তালী বাইবেল

⁹ Iń do onko upạrte khạṭige ińakʼ tiyiń tultińạ, onate onkoren gutiko do onkoko luṭkoa.” Ar tinre ona hoyokʼa unrepe bujhạu daṛeakʼa, phạdkoren Probhu Isor do ińgeye kol akadińạ.

Sakariạ 2:9 Iomraidhean Croise

Jesaea 10:32

Teheń Ạsurrenko do Nobre senkateko thirokʼa; onko do Sion kuṛiyakʼ buru secʼ, metakʼme Jerusalem buru secʼ muṭko epel akatʼtakoa.

Jesaea 11:15

Probhu Isor do jalapuri reakʼ locoṅe marao utạra; uni do lolo hoete phurạt gaḍa cetanre acʼakʼ daṛeye uduga. Uni do onae hạṭińa ar eae goṭecʼ nalae benaoa, jemon hoṛko do panahe horokʼkateko parom daṛeakʼ.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 13:2

Probhui Isore meneda, “Ape do poṭor buru cetanre mitʼṭecʼ jhạnḍi rakabtape; ar ãṭ aṛaṅte lạṛhại birko hohoakope ar asol asol hoṛko phaṭok duạrte bolokʼ lạgitʼ tite gạwicʼakope.

Jesaea 14:2

Ar eṭakʼ eṭakʼ jạtrenko do akoakʼ disạmteko idi seṭerkoa. Probhu Isorakʼ disạmre eṭakʼ jạtrenko do Israelren guti kạ̃ṛmĩko hoyokʼa. Ar okoe do Israelko bondiletʼko ńitokʼ onko do akogeko bondi ocokʼa ar Israelko do akoren sasantaoko cetanre mạlikiko calaoa.

Jesaea 19:16

Enhilokʼ Misorren hoṛko do maejiu lekako hoyokʼa. Onko upạrte phạdkoren Probhu Isor do tiye rakabtaea ar ona ńelte onko do botorteko thar tharaokʼa.

Jesaea 26:1

Enhilokʼ Jihudạ disạmre niạ sereńko sereńa: Jihudạ disạmre kajak nagraha menakʼ tabona; Isorakʼ babańcaoge hoyokʼa ona reakʼ pạcri ar gaṛko do.

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

Jesaea 33:21

Onḍe daṛean Probhu Isor do aboakʼ bhạlại lạgitʼe tahena. Onḍe do osar osar gaḍa ar nalako tahena. Onḍe do lạukạ hõ baṅ calakʼa; ar jãhãn daṛeanakʼ jahaj hõ ona cetante baṅ calakʼa.

Jesaea 33:23

Amakʼ ṭakʼnao baberko do ḍhil akantama; onare badam khunṭi do kajakte baṅ aṭkao akana, ar badam hõ baṅ pasnao akana. Unre ạḍi utạr jinisko hạṭińokʼa; ar leḍhako hõ luṭakʼ jinisko idi joṅa.

Jesaea 4:5

Enhilokʼ Probhu Isor do Sion buru reakʼ sanam jaega cetanre ar okoe onḍeko jarwakʼ onko cetanre dhũạ reakʼ rimil ar ńindạ do jolokʼkan seṅgel reakʼ marsale sirjạua; ona do sanam Israelkoakʼ mạhima cetanre mitʼṭecʼ chamḍa lekage hoyokʼa.

Jesaea 48:16

“Ape do iń ṭhen hijukʼte ańjompe. Iń do pạhil khon jãhãnakʼ katha danaṅ dohoy lạgitʼ do bạń roṛ akada; onako katha purạukʼ oktere iń do onḍegeń tahẽkana.” Ńitokʼ Probhu Isor do acʼren Jiu ińre emkateye kol akadińạ.

Jesaea 60:18

Amakʼ disạmre jor jobor reakʼ katha ar do baṅ ańjomokʼa, ar amakʼ simạna talare jãhãn jarkharokʼ ar maraokʼ reakʼ katha hõ baṅ ańjomokʼa. Babańcao do pạcriko reakʼ ńutum hoyokʼa ar sarhao do amakʼ duạrko reakʼ ńutumge.

Jesaea 60:19

Sińre siń cando reakʼ marsal do ar baṅ jạruṛama, ńindạ cando reakʼ terdecʼ marsal hõ baṅa, ente Probhu Isorge amren jaejug reakʼ marsale hoyokʼa, ar amren Isorge amakʼ ṭhonoke hoyokʼa.

Jirimiạ 27:7

Tinạkʼ din uniyakʼ disạm reakʼ okte baṅ hijukʼ unạkʼ din sanam jạtrenko do uniren hoponko ar uniren goṛomtetʼkoren golamko hoyokʼa; ona tayom aema jạtrenko ar maraṅ maraṅ rapajko do unige akoren golamko benaoea.

Jirimiạ 28:9

Menkhan okoe nạbi do suluk reakʼ kathae roṛ ar uniyakʼ katha tinre purạukʼa unre baḍaeyokʼa, sạrige uni do Probhu Isorgeye kolledea mente.”

Jirimiạ 8:19

Sạṅgiń disạm khon ińren hoṛko do noa rakʼko ańjommeda, “Probhu Isor do cetʼ Sionre bạnuiya? Uniren raj do cetʼ onḍe do bạnuiya?” Probhu Isore roṛ ruạṛkeda, “Onko do onkoren sanam boṅga muṭhạnko ar onkoren eṛe boṅgakote cedakʼko ạṛis ocoyediń kana?”

Jeheskel 39:10

Onko do sahan jogaṛ lạgitʼ ṭạnḍi khon se bir-gajaṛ khon ạgu baṅ lagao akoa, ente sahan bodolte khanḍa bhanḍako jereda. Onko do luluṭkoakʼ jinisko luṭ joṅa; ar rerecʼkoakʼ jinisko recʼ ruạṛkoa. Iń Probhu Isorge noa katha doń menetʼkana.

Joel 2:27

Unrepe baḍae daṛeakʼa, ińge Israelko talare minạńa ar iń kangeạń aperen Probhu Isor do, ar iń do eṭagicʼ doń baṅkana; ińren hoṛ do ar tishõ bako lajao ocokʼa.

Habakkuk 2:17

Lebanon cetanre oka santaoem calao akatʼ ona do purạtege amre hijukʼa ar onḍenko janwarem gocʼ akatʼkote ńitokʼ do janwarge amko botor ocomea. Am do manwakoakʼ mãyãmem joro ocoakada ar disạm, nagraha ar onḍenko sanam hoṛkom santao akatʼkoa.

Habakkuk 2:8

Aema jạtren hoṛkoakʼ dhonem luṭ akatʼte onko jạtren sarecʼ hoṛ do amakʼ dhonko luṭtama. Ente am do manwakoakʼ mãyãmem joro ocoakada; ar disạm, nagraha ar onako talaren sanam hoṛkom santao akatʼkoa.

Sephaniạ 3:15

Probhu Isor do amakʼ sạjạiye sạṅgiń giḍiakada, uni do amren bạirikoe laga ńir akatʼkoa. Israelren raj Probhu Isor do am talare menaea; am do ar tishõ bin bhạlạiyakʼ do alom botorakʼa.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Sakariạ 2:8

Phạdkoren Probhu Isor do acʼakʼ ṭhonok sodortae lạgitʼ onko jạtrenko ṭhene kol akadińạ one okoe do aboko luṭ akatʼbon. Uni doe meneda, “Jãhãege apeye joṭetʼpe uni do ińakʼ mẽtʼ reakʼ monigeye joṭeda.

Sakariạ 4:9

“Serubabelakʼ ti do noa mundil reakʼ rehetʼe bạisạu akada ar uniyakʼ titege noa do sạtokʼa. Unre hoṛko baḍae daṛeakʼa, iń phạdkoren Probhu Isorge onko ṭhen amgeye kol akatʼmea.

Sakariạ 6:15

“Okoe sạṅgińre menakʼko onko do hecʼkate Probhu Isorakʼ oṛakʼ benao lạgitʼ goṛoko emokʼa. Unre ape dope baḍae daṛeakʼa, phạdkoren Probhu Isorge iń doe kol akadińạ. Ape do joton salakʼ aperen Probhu Isorakʼ kathape ańjomtaea enḍe anecʼ noako do purạukʼa.”

Sakariạ 9:15

Phạdkoren Probhu Isor do onkoe rukhiyạkoa. Onate onko do bạirikoko maraokoa ar onkoakʼ bạṭul reakʼ dhiriko do jaṅgateko lebetʼ gańjaoa. Onko do darkha rasako ńũiya ar bul hoṛ lekako andoṛa; pinḍ reakʼ konacre mãyãm coḍor leka onko do ḍher mãyãmko joro ocoya.

Johan 13:19

Iń do noa hoyokʼ laharegeń lạiyape kana, jemon hoylenrepe pạtiạukʼ baṅma, iń kangeạń.

Johan 16:4

Iń do noakoń galmaraowatʼpea jemon ona okte hecʼlenrepe disại, noa kathań metatʼpe tahẽkana. “Pạhil khon noako katha do bạń lại akawatʼpea, ente ape tulucʼ iń tahẽkana.