Sakariạ 2:8 - সান্তালী বাইবেল

⁸ Phạdkoren Probhu Isor do acʼakʼ ṭhonok sodortae lạgitʼ onko jạtrenko ṭhene kol akadińạ one okoe do aboko luṭ akatʼbon. Uni doe meneda, “Jãhãege apeye joṭetʼpe uni do ińakʼ mẽtʼ reakʼ monigeye joṭeda.

Sakariạ 2:8 Iomraidhean Croise

Genesis 20:6

Isor do kukmũ talate uniye metadea, “Hẽ, ińiń baḍaegea sojhe montege noam kạmiakada. Ar ona iạtege uni do bạń joṭetʼ ocoakatʼmea ar iń upạrte kại khoniń aṭkao akatʼmea.

2 Rapajko 24:2

Probhu Isor do Jehoyakim upạrte Babelrenko, Aramrenko, Moabrenko ar Amonren luluṭ hoṛkoe kolketʼkoa. Probhu Isor do acʼren guti, metakʼme nạbiko hotete okaṭakʼ kathae roṛ saḍeletʼ onkage uni do Jihudạ disạm marao lạgitʼ onkoe kolketʼkoa.

Sereńko 17:8

Mẽtʼ reakʼ moni leka am do rukhiyạyińme; ar okoe ińko hạneńkan onko bạṛicʼ hoṛko khon, ar okoe do gojeń lạgitʼko esetʼ ạcur akadiń onko bạiriko khon, amakʼ phạ̃kṛạ̃kʼ latarre goṅgotʼ dohokańme.

Kạhtukko 7:2

Ińakʼ hukum dohoyme, ar jiwetʼ baṛe tahenme. Ińakʼ cecetʼakʼ do amakʼ mẽtʼãhã reakʼ moni leka pahra dohoyme.

Jesaea 49:19

“Am dom jarkhar akana arem ujạṛakana ar amakʼ disạm do nasao akatʼ disạm leka hoyakanre hõ enhõ okteko hijukʼkana unre amren hoṛko amre jaega do bam em daṛeakoa, ar okoe amko tạhuṛletʼme onko doko sạṅgińokʼa.

Jirimiạ 12:14

Probhu Isore meneda, “Ạidạri lekate okaṭakʼ ṭhạ̃i ińren hoṛkoń em akawatʼko onare ińren sanam kharap aḍepase hoṛ do jhãpko emakada. Ona iạte iń do onkoakʼ disạm khon onkoń or totʼ giḍikakoa ar onko tala khon Jihudạren hoṛkoń rakapʼ ạgukoa.

Jirimiạ 27:7

Tinạkʼ din uniyakʼ disạm reakʼ okte baṅ hijukʼ unạkʼ din sanam jạtrenko do uniren hoponko ar uniren goṛomtetʼkoren golamko hoyokʼa; ona tayom aema jạtrenko ar maraṅ maraṅ rapajko do unige akoren golamko benaoea.

Jeheskel 25:12

Probhu Isore menkeda, “Edom do Jihudạren hoṛko cetanreko hala hạli akatʼte ạḍiko behok akada.

Jeheskel 25:15

Probhu Isor do nonkae menkeda, “Philisṭiko do Jihudạ cetanre hala hạkʼliko calao akada; onko do jug reakʼ bene bạiri meṭao lạgitʼ Jihudạ marao utạreko khojkana.

Jeheskel 26:2

“E manwa hopon, Jerusalem babotre Tur do kusikateye menakada, ‘bhagege hoyakana, jạt jạtrenkoakʼ phaṭok duạr do rạputʼ akana ar ona reakʼ silpińko do jhicʼakana; iń doń purunokʼa, ente nagraha do jarkharena.’

Jeheskel 26:20

unre patal purite calakʼkan hoṛko sãote onko sedaeren hoṛko ṭheniń pheḍ idimea. Ar dhạrti khạndṛuṅ reakʼ jarkharakʼ talare patal purite calakʼkan hoṛko sãoteń girobas ocomea. Amre do ar celege bako girobasokʼa ar jiwetʼkoakʼ disạmre amakʼ ṭhạ̃i do ar baṅ hoyokʼtama.

Jeheskel 35:5

“ ‘Ḍher din khon am do Israelren bạirim hoyakana ar onkoakʼ muhinre tinre onkoakʼ sạjại do purạteko em ocoakana unre am do tarwaṛe reakʼ daṛerem soprotketʼkoa.

Jeheskel 36:11

Apere manwa ar janwarkoakʼ lekha hõń ḍher ocoya ar onko doko bạḍ idikʼa ar lekhareko ḍherokʼa. Ar apere lahate lekage hoṛkoń girobas ocokoa ar laha khon hõ ḍher gidrạkoń hoyocokotapea. Unrepe baḍae daṛeakʼa, ińkangeạń Probhu Isor do.

Jeheskel 38:11

Arem mena, nonkan mitʼṭecʼ disạmre jhãpiń ema one oka reakʼ atokore pạcri bạnukʼ. Am do sulukte ar khạtirjoma tahen hoṛko cetanre jhãpem ema one okoe do pạcri, phaṭok duạr, ar huṛkạṛ chaḍageko girobasokʼ kan.

Jeheskel 38:14

“Onatege, E manwa hopon, Gog do noa nạbi katham metaea, Probhu Isore menetʼkana, ‘enhilokʼ tinre ińren hoṛ Israelko do khạtirjomako girobasokʼa unre cetʼ ona do bam baḍaea?

Amos 1:11

Probhu Isore meneda, “Edom reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente sanam daya mãyã bạgikate uni do tarwaṛeante acʼren boehako khudạu akadea. Ona chaḍa botoranakʼ edre do onkore ńelokʼkangea ar onako dohoakada.

Amos 1:13

Probhu Isore meneda, “Amon reakʼ pea ghạṭ iạte, hẽ ponea ghạṭ iạte iń do khạṭige onkoń sạjạikoa, ente simạna baṛhaotako lạgitʼ onko do Gileadren bhạrti hoṛmo maejiukoakʼ lacʼko cirạ akatʼtakoa.

Amos 1:9

Probhu Isore meneda, “Tur reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente boeha tulucʼ boehawakʼ bondobos nihạ̃t giḍikate onko do adom atoren sanam hoṛ bondikate Edomakʼ tireko jimạ akatʼkoa.

Mikạ 4:11

Menkhan ńitokʼ jạt jạtrenko do am upạrteko jarwa akana. Onkoko meneda, “Uni doe bhonḍ ocokʼma; dela, abo do Sion reakʼ dosa ńelte bon rạskạkʼma.”

Mikạ 5:6

Onko do lạṛhại talate Ạsurrenkoakʼ disạm metakʼme, Nimrod disạmko calao. Ar Ạsurrenko do aboakʼ disạmko akromonle khan ar aboakʼ simạko lebetʼle khan unre onkoakʼ ti khon aboren disạm cakʼlaoicʼgeye rukhiyạbona.

Mikạ 7:10

Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.

Habakkuk 2:17

Lebanon cetanre oka santaoem calao akatʼ ona do purạtege amre hijukʼa ar onḍenko janwarem gocʼ akatʼkote ńitokʼ do janwarge amko botor ocomea. Am do manwakoakʼ mãyãmem joro ocoakada ar disạm, nagraha ar onḍenko sanam hoṛkom santao akatʼkoa.

Habakkuk 2:8

Aema jạtren hoṛkoakʼ dhonem luṭ akatʼte onko jạtren sarecʼ hoṛ do amakʼ dhonko luṭtama. Ente am do manwakoakʼ mãyãmem joro ocoakada; ar disạm, nagraha ar onako talaren sanam hoṛkom santao akatʼkoa.

Sephaniạ 2:8

Israelren Isor phạdkoren Probhui meneda, “Moab reakʼ henosta ar Amonrenkoakʼ landa dhutʼ reakʼ katha doń ańjom akatʼgea; unkin do ińren hoṛkin henosta akatʼkoa ar onkoakʼ disạm dokhol lạgitʼte ạḍikin bạḍạiyokʼ kana. Iń ńutumte kiriạkateń meneda, Moab do khạṭige Sodom leka ar Amonrenkoakʼ disạm do Gomora lekań hoeocoya. Ona do rạṅgạini jhạuạko, buluṅ reakʼ khet ar jaejug lạgitʼ potit jumige hoyokʼa. Iń jạtren sarecʼ tahen hoṛko do unkinakʼko luṭtạkina ar disạmko ạidạrijoṅa.”

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Sakariạ 2:9

Iń do onko upạrte khạṭige ińakʼ tiyiń tultińạ, onate onkoren gutiko do onkoko luṭkoa.” Ar tinre ona hoyokʼa unrepe bujhạu daṛeakʼa, phạdkoren Probhu Isor do ińgeye kol akadińạ.

Sakariạ 8:5

Nagraha reakʼ maedanre aema koṛa hopon ar kuṛi hoponko enecʼ baṛaea.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Mathae 25:45

“Uni do roṛ ruạṛ akoteye metakoa, ‘sạrigeń metapekana, noko ińren huḍiń utạrko modre jãhãe mitʼ hoṛ tinạkʼge bape nonkawade, unạkʼge iń hõ bape onkawạdińa.’ ”

Johan 14:26

Uni sohotʼicʼ sonot Jiu one okoe do Baba iń ńutumteye kolape, unige sanamakʼkoe cetʼapea, ar okakoń lại akatʼpe onako joto doe disạ ocopea.

Johan 17:18

Ar cetʼleka dhạrtitem kol akadiń onkage ińhõ dhạrtite nokoń kolakatʼkoa.

Aposkạmi 9:4

Uni do otreye bhindạṛena ar mitʼṭecʼ aṛaṅ metaekane ańjomkeda, “E Sạul, E Sạul cedakʼem khedeńkana?”

Dosar Biboron 32:10

“Uni do hahaṅkar disạmreye ńamkedea, hińjrạukʼkan mitʼ nisun jaegare. Uni doe esetʼ ạcurkedea, are jotonkedea; ar mẽtʼ reakʼ joti lekage uni doe horhokedea.

2 Thessalonikiko 1:6

Isorakʼ dhorom bicạr do noage, okoe apeko duk ocoyetʼpe uni hõ onkoe duk ocokoa;

1 Johan 4:14

Alele ńelakadea ar gohale emetʼkana, Baba do manwakoren babańcaoicʼ mente Hopone kolkedea.