Sakariạ 2:6 - সান্তালী বাইবেল

⁶ Probhu Isore meneda, “Ańjompe ar luturakʼtińpe. Iń do beṛhaete apeń sạṅgińletʼpea, menkhan ńitokʼ do utạr disạm khon ńir paskaokate hijukʼpe.

Sakariạ 2:6 Iomraidhean Croise

Genesis 19:17

Arko oḍoken khan unkin bar hoṛ modre mitʼ hoṛ doe menkeda, “Bańcaokʼem menetʼ khan dạṛme. Tayom secʼ alogem koyokʼ ruạṛa ar noa bilạn ṭạnḍire okare hõ alom teṅgokʼa. Burute dạṛpe; ar baṅ khan ape hõpe gujukʼa.”

Sereńko 44:2

Am do amakʼ tite eṭakʼ jạtrenkom laga ńirketʼkote ona jaegare aleren hapṛamkom doholetʼkoa; am do onko hoṛko cetanre nosṭoakʼem ạguleda ar aleren hapṛamkom teṅgo keṭecʼ ocoletʼkoa.

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Jesaea 55:1

Probhu Isore meneda, “E tetaṅetʼpe hoṛko, dakʼ ṭhen dela hijukʼpe; okoeyakʼ ṭaka poesa bạnukʼtae, uni doe hijukʼma ar kirińkateye ńũiyma. Dela hijukʼpe, darkha rasa ar toa kirińjoṅpe, bin ṭaka poesatege ar bin damtege.

Jirimiạ 1:14

Probhu Isore metadińạ, “Niạ disạmre okoeko girobasokʼ kan onko cetanre muhin do utạr secʼ khon banbạsi leka hijukʼa.

Jirimiạ 15:4

Jihudạren raj Hiskiạren hopon Manase Jerusalemre okae ceka akatʼ ona iạte uni oka sạjạiyiń emae ona ńelte dhạrtiren sanam rajosṭiren hoṛ do botor caṛhaoakoa.

Jirimiạ 3:18

Un jokhecʼ Jihudạren hoṛ do Israelren hoṛko sãoteko seledokʼa ar okaṭakʼ disạm ạidạri menkate aperen hapṛamkoń ematʼko tahẽkan ona disạmre mitʼdomte utạr secʼ khonko ruạṛ hijukʼa.’

Jirimiạ 31:10

“E Jạt jạtrenko, ińakʼ katha ańjompe; ar sạṅgiń disạmkore niạ katha lại jạhirpe, ‘okoe do Israelkoe chirchạturletʼko uni do onkoe jarwakoa ar gukʼpiko leka acʼakʼ palkoe rukhiyạitaea.’

Jirimiạ 31:38

Probhu Isore meneda, “Ona okteko hijukʼkana tinre iń lạgitʼ Hananel buruńj khon Konac reakʼ phaṭok duạr hạbicʼ niạ nagraha do arhõ benao arokʼa.

Jirimiạ 31:8

Ńelpe, utạr disạm khon iń do Israelkoń ạgukoa ar dhạrti reakʼ ses simạna khoniń jarwa mitʼkoa. Onko modre kãṛãko, leḍhako, bhạrti hoṛmoko ar bedon rakapʼ akatʼko maejiu hõko tahena; ar maraṅ utạr mitʼṭecʼ dolko ruạṛ hijukʼa.

Jirimiạ 50:8

“E Israelko, ape do Babel khon dạṛjoṅpe; Babelrenkoakʼ disạm bạgiyakʼpe ar pal laha lahate calakʼkan merom bodako leka hoyokʼpe.

Jirimiạ 51:45

“E ińren hoṛko, Babel khon oḍok hijukʼpe. Apan ạpin jiwi rukhiyạitape. Probhu Isorakʼ jolokʼkan edre khon ńir pharakokʼpe.

Jirimiạ 51:50

Ape okoe do gujukʼ reakʼ ti khon rukhiyạpe ńamakatʼ dela hijukʼpe, alope biloma. Sạṅgiń disạmre tahenrege Probhu Isor disạiyepe ar Jerusalem reaṅ dạndikʼpe.

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jeheskel 11:16

“Ona iạte iń Probhu Isor okań menetʼkan ona do amren hoṛkom metakoa, iń do eṭakʼ jạtrenko talareń kol akatʼkore hõ ar disạm disạmreń chirchạtur akatʼkore hõ enhõ onko okako disạmteko senakan onḍehõ thoṛa ghạṛicʼ lạgitʼ ińge onkoren sonot ṭhạ̃iyiń hoyakana.

Jeheskel 17:21

Uniren lạṛhại phạdkoren soros utạrko do lạṛhạiteko gujukʼa ar sarecʼ lạṛhại phạdko do beṛhaeteko chirchạturokʼa. Ar unrepe baḍae daṛeakʼa, iń Probhu Isorge noa katha doń meneda.’ ”

Jeheskel 5:10

Ona iạte am talaren apatko do akoren gidrạkoakʼ jelko joma ar gidrạko do akoren apatkoakʼ jelko joma. Iń do amiń sạjạimea ar amre sarecʼ jiwetʼ tahen hoṛ do beṛhaeteń chirchạturkoa.

Jeheskel 5:12

Amren pe hạṭiń reakʼ mitʼ hạṭiń hoṛ do am talare mahamạrite ar baṅkhan akalteko gujukʼa ar pe hạṭiń reakʼ mitʼ hạṭiń do pạcri bhit bahrere lạṛhạiteko gujukʼa ar pe hạtiń reakʼ mitʼ hạṭiń do beṛhaeteń chirchạturkoa ar tarwaṛe do onkoe khudạu baṛakoa.

Daniel 11:4

Ar uniye upelokʼ tayom uniyakʼ rajosṭi do rạpudokʼte pon hạṭińokʼtaea. Uniyakʼ rajosṭi do acʼren bõsrenkoakʼ tire do baṅ calakʼa; ar ona rajosṭiko okoeyakʼ tire calakʼa onko do lahaten raj leka daṛe do bako hoyokʼa, ente onkoakʼ rajosṭi do jarkharokʼte eṭakʼkoakʼ tire calakʼa.

Amos 9:9

Iń do hukumiń emokʼa, ar calate guhum cetʼlekako calae onkage sanam jạtrenko tala khon Israel bõsrenkoń calakoa, menkhan muṭkuri do mitʼṭecʼ hõ otre baṅ ńurokʼa.

Sakariạ 1:16

Ona iạte iń do Jerusalem mãyãwakʼ lạgitʼ arhõń ruạṛ hijukʼa ar Jerusalemre sosoṅ baber do arhõ tijokʼa.

Sakariạ 2:7

E Sionren hoṛko, ape okoe do Babelrepe girobasokʼkan, ape do ńir paskaokʼpe ar hijukʼpe.”

Mathae 24:31

Ar murukte siṅgạ saḍekʼa ar ona são sãote Manwa Hopon do acʼren goḍetkoe kolkoa. Onko do dhạrti reakʼ mitʼ mucạtʼ khon eṭakʼ mucạtʼ hạbicʼ ar ponon secʼ khon acʼren bachao akan hoṛkoko jarwakoa.

Mark 13:27

Uni do acʼren serma goḍetkoe kolkote dhạrti reakʼ mitʼ mucạtʼ khon eṭakʼ mucạtʼ hạbicʼ ponon secʼ khon Isorren sanam bachao akan hoṛkoe jarwa mitʼkoa.

Dosar Biboron 28:64

“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.

Johan sodor 18:4

Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniyakʼ kại reakʼ bhạgiyạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.

Rut reakʼ kạhini 4:1

Boas do phaṭok-duạr ṭhen senkateye duṛupʼena. Ar Boas okoe sor peṛa reakʼ kathae menletʼ unre uni do onkateye parom calakʼkan tahẽkana. Boas do uni hohoadeteye metadea, “E boeha, nonḍe hecʼkate duṛupʼlen me.” Unre uni hoṛ do onḍe senkateye duṛupʼena.