Sakariạ 2:5 - সান্তালী বাইবেল

⁵ Probhu Isore meneda, uni acʼtetʼge ona beṛhaete seṅgel reakʼ pạcriye hoyokʼa ar uni do acʼakʼ ṭhonokte onḍeye tahena.’ ”

Sakariạ 2:5 Iomraidhean Croise

Sereńko 125:2

Jerusalem beṛhaete cetʼleka burute esetʼ ạcurge onkage Probhu Isor do acʼren hoṛkoe esetʼ ạcur akatʼkoa, ar ńitokʼ hõe dohoyetʼkoa ar jaejug hạbicʼ hõe dohokoa.

Sereńko 3:3

Menkhan E Probhu Isor, am do beṛhaete ḍhal leka menama. Amge ińakʼ ṭhonok do ar amge ińakʼ bohokʼem rakapʼ ocoakatʼtińạ.

Sereńko 46:5

Isor do ona nagrahareye tahenkana, onate ona do ṭarhao tahena; ar aṅga torage Isor do onae goṛowakʼa.

Sereńko 48:12

E Jihudạren hoṛko, ape do Sion buru beṛhaete ạcur hijukʼpe, ar uniyakʼ gaṛko lekha legaepe;

Sereńko 48:3

Ona nagraha reakʼ raj dolanko do Isor acʼge gaṛ lekateye sodor akada.

Sereńko 85:9

Okoe uniko botoraekan sạrige uniyakʼ bańcao reakʼ okte onko ṭhen do hecʼ akana; onate uniyakʼ ṭhonok do aboakʼ disạmre girobasokʼa.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 31:9

Onkoren raj do botorteye dạṛ pạnḍuja; uniren senaputiko do jhạnḍi ńelte ạḍiko botorokʼa.” Sionre okoeyakʼ seṅgel ar Jerusalemre okoeyakʼ bhaṭa menakʼtae, uni Probhu Isorge niạ katha doe meneda.

Jesaea 32:18

Ińren hoṛko do sulukte perecʼ jaegare, khạtirjomako tahen jaegare ar nirdạndi tahen jaegare girobas akanko tahena.

Jesaea 33:21

Onḍe daṛean Probhu Isor do aboakʼ bhạlại lạgitʼe tahena. Onḍe do osar osar gaḍa ar nalako tahena. Onḍe do lạukạ hõ baṅ calakʼa; ar jãhãn daṛeanakʼ jahaj hõ ona cetante baṅ calakʼa.

Jesaea 4:5

Enhilokʼ Probhu Isor do Sion buru reakʼ sanam jaega cetanre ar okoe onḍeko jarwakʼ onko cetanre dhũạ reakʼ rimil ar ńindạ do jolokʼkan seṅgel reakʼ marsale sirjạua; ona do sanam Israelkoakʼ mạhima cetanre mitʼṭecʼ chamḍa lekage hoyokʼa.

Jirimiạ 31:39

Sosoṅakʼ baber do onḍe khon Gareb buru hạbicʼ ticʼkate ona do Goa hạbicʼ ạcurokʼa.

Jeheskel 38:14

“Onatege, E manwa hopon, Gog do noa nạbi katham metaea, Probhu Isore menetʼkana, ‘enhilokʼ tinre ińren hoṛ Israelko do khạtirjomako girobasokʼa unre cetʼ ona do bam baḍaea?

Jeheskel 42:20

Sonot utạrakʼ ṭhạ̃i khon hoṛkoakʼ jaegae begar lạgitʼ eṭakʼ beṛhaeteakʼ joto secʼ mõṛẽsae ḍaṅ jeleń mitʼṭecʼ bhit tahẽkana.

Jeheskel 47:3

Jokha baber hataokate uni do jokha jokhate mitʼ hajar moka purub secʼe sen idiyena. Onḍe uni do sebecʼ sebecʼ dakʼ talateye idikedińa.

Sakariạ 1:16

Ona iạte iń do Jerusalem mãyãwakʼ lạgitʼ arhõń ruạṛ hijukʼa ar Jerusalemre sosoṅ baber do arhõ tijokʼa.

Sakariạ 2:10

Probhu Isore meneda, “E Sion-kuṛi, rạskạte sereńme ar hulạsokʼme, ente ińiń hijukʼkana, ar iń do ape talareń girobasokʼa.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Sakariạ 9:14

Ona tayom Probhu Isor do acʼren hoṛko talareye sodorokʼa; uniyakʼ sar do bijli leka malkaokʼtaea. Probhu Isor do sakwae oroṅa ar dạkhin reakʼ birbão hoe lekae laha calakʼa;

Sakariạ 9:8

Jhãpko calaoetʼkan lạṛhại phạdkoakʼ ti khon ińren hoṛkoń rukhiyạkoa. Jãhãn sasantaoko do tishõ ińren hoṛko ṭhen bako hijukʼa, ente ńitokʼ do ińgeń horhoyetʼkana.

Luk 2:32

Eṭakʼ jạtrenko ṭhen noa do hor udukʼako reakʼ marsal kana, ar amren Israel jạtrenko ṭhen noa do ṭhonokanakʼ kangea.”

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;