Sakariạ 12:3 - সান্তালী বাইবেল

³ Enhilokʼ tinre sanam jạtrenko Jerusalem upạrteko jarwakʼa unre uni do sanam jạtrenko lạgitʼ mitʼṭecʼ hamal dhiri lekań hoeocoyea. Ar okoe ona dhiri rakapʼ reakʼko kurumuṭui onko do apnargeko ghạl ocokʼa.

Sakariạ 12:3 Iomraidhean Croise

Jesaea 60:12

Okoe jạtrenko ar rajosṭiko am bako sewawam onko doko jarkharokʼa, arko marao utạrokʼa.

Obodiạ 1:18

Jakobakʼ bõsren doko hoyokʼa seṅgel ar Josephakʼ bõsrenko do seṅgel reakʼ lepʼge; Esao bõsrenko do lanḍha lekako hoyokʼa ar ona seṅgel do onakoe lo torocʼkoa. Esao bõsren do celege jiwetʼ bako tahena. Iń Probhu Isorge noa katha doń meneda.”

Mikạ 5:15

Okoe jạtrenko iń tabere bạnukʼko onko cetanre do edreteń hala hạliya.”

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Habakkuk 2:17

Lebanon cetanre oka santaoem calao akatʼ ona do purạtege amre hijukʼa ar onḍenko janwarem gocʼ akatʼkote ńitokʼ do janwarge amko botor ocomea. Am do manwakoakʼ mãyãmem joro ocoakada ar disạm, nagraha ar onḍenko sanam hoṛkom santao akatʼkoa.

Sephaniạ 3:19

Okoe amko santaoetʼme onko sanamkoge ona oktereń sạjạikoa; leḍhakoń bańcaokoa ar okoeko chirchạtur ocolen onko doń jarwakoa. Onkoakʼ lajao bodolte goṭa dhạrtire sarhao ar maniń emakoa.

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.

Sakariạ 12:11

Enhilokʼ Jerusalemre ạḍitetʼ homor halaṅ hoyokʼa cetʼleka Megido ṭạnḍire Haddad Rimonre hoylen.

Sakariạ 12:4

Enhilokʼ iń do mitʼke mitʼ sadomkoń botor ocokoa ar aswari do lelhań hoyocokoa. Ar Jihudạren hoṛko lạgitʼ do sontorte nońjoriń dohoya, menkhan eṭakʼ jạtren joto sadom doń kãṛã ocokoa.

Sakariạ 12:6

“Enhilokʼ Jihudạren mukhiyạko do kaṭ reakʼ bojha talare jolokʼkan aṅgra leka ar phosol reakʼ binḍạ talare jolokʼkan mosal lekań hoyocokoa. Onko do jojomsa ar leṅgasa secʼ aḍepaseren sanam jạtrenko jomkoa, menkhan Jerusalemren hoṛ do arhõ akoakʼ ṭhạ̃iregeko girobasokʼa.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Sakariạ 14:13

Enhilokʼ Probhu Isor ṭhen khon maraṅ ḍamaḍolge onkore paṛaokʼa ar onko doko ńẽtʼ ocokʼa. Onko sanamkoge apan ạpin upạrte tiko epela.

Sakariạ 14:6

Enhilokʼ jãhãn marsalge baṅ tahena, siń cando ar ńindạ cando dokin ńutokʼa.

Mathae 21:44

Ar okoe ona dhirireye ńurokʼ uni doe gejerokʼa ar okoere ona ńurokʼ uni doe holoṅ ḍigir utạrokʼa.”

Luk 20:18

Ar jãhãege ona dhiri cetanreye ńurokʼ uni doe gejerokʼa ar okoe cetanre ona dhiri ńurokʼa uni doe holoṅ ḍigir utạrokʼa.”

Johan sodor 16:14

Onko bạṛicʼ jiu do hahaṛa kạmiko kạmikan tahẽkana. Ar sanam daṛean Isorakʼ ona maraṅ dinre lạṛhại lạgitʼ onko do goṭa dhạrtiren rapajko mitʼ ṭhenko jarwaketʼkoa.