Sakariạ 12:2 - সান্তালী বাইবেল

² “Jerusalem do nonkan mitʼṭecʼ bubulakʼ bhajaniń benaoa one ona reakʼ ńũkate aḍepaseren sanam jạtren hoṛko konḍa manḍekʼa. Jerusalemrenko sãote Jihudạ reakʼ eṭakʼ nagrahako hõ gherao esetʼ ocokʼa.

Sakariạ 12:2 Iomraidhean Croise

Sereńko 75:8

Probhu Isorakʼ tire mitʼṭecʼ bạṭi menakʼa, onare do mosola mesao akatʼ cãwãoakʼ darkha rasa menakʼa. Uni do ona bạṭi khone dul oḍoka; ar dhạrtiren sanam bedhorom hoṛko ona reakʼ lenda hõ lendako hińjitʼ joṅa arko ńũiya.

Jesaea 51:17

E Jerusalem, ebhenokʼme, beredokʼme; ar teṅgonme. Ente am do Probhu Isorakʼ ti khon uniyakʼ edreteakʼ bạṭi khonem ńũ akada; okaṭakʼ bạṭi khon manwa do ńũkateko konḍe manḍekʼ ona bạṭi reakʼ do amgem ńũ ańjetʼakada.

Jirimiạ 25:15

Israelren Probhu Isor do ińe metadińạ, “Ińakʼ ti khon darkha rasa, metakʼme ińakʼ edrete perecʼ noa bạṭi hataome ar okoe jạtrenko ṭheniń kolme onko onam ńũ ocokoa.

Jirimiạ 25:17

Unre iń do Probhu Isorakʼ ti khon ona bạṭiń hataokeda ar okoe jạtrenko ṭhene kolkedeń onkoń ńũ ocoketʼkoa.

Jirimiạ 49:12

Probhu Isore meneda, “Okoe sạjại ńam reakʼ lekko baṅkan, ar sạjại reakʼ bạṭire ńũnũige lagaoae enḍekhan cedakʼ begor sạjạite dom tahena? Am do ona bạṭire ńũkate sạjại jojom hoyokʼtama.

Jirimiạ 51:57

Okoeyakʼ ńutum do phạdkoren Probhu Isor kan uni raje meneda, “Iń do uniren rajkạmiyạko, ạkilan hoṛko, disạm cakʼlaoko, cetan hudạren kạmiyạko ar birbão hoṛkoń bul ocokoa. Onko do jaejug lạgitʼko jạpitʼjoṅa; ar bako ebhenokʼa.

Jirimiạ 51:7

Babel do Probhu Isorakʼ tire mitʼṭecʼ sona reakʼ bạṭi leka tahẽkana; uni do goṭa dhạrtiye ńũ bul ocoleda. Jạt jạtrenko do uniyakʼ darkha rasako ńũleda, onate ńithõ onko do koṅkage menakʼkoa.

Jirimiạ 8:14

Nonḍe do cedakʼ bon duṛupʼ akana? Dela, mitʼ sãote ona gaṛ nagrahate bon bolokʼma ar onḍege bon maraokʼ ma, ente aboren Probhu Isor do nosṭokʼ lạgitʼe alae akatʼ bona ar ńui lạgitʼ bis dakʼe em akatʼbona, ente uni upạrte bon kại akada.

Habakkuk 2:16

Am do manot bodolte lajaotem perejokʼa. Ar ńitokʼ do amakʼ pạlikana. Am do bubulakʼ ńũkatem konḍa manḍekʼ kana. Probhu Isorakʼ jojomti reakʼ edrete perecʼ bạṭi do am secʼge hijukʼkana; ar bemanotakʼte amakʼ manot do dapal esedokʼa.

Sakariạ 14:14

Jihudạ hõ Jerusalem upạrteye lạṛhạiya. Aḍepase jạtrenkoakʼ dhon-durib, metakʼme ạḍi utạr sona, rupạ ar kiricʼ khạnḍwạkʼko jarwaea.

Sakariạ 14:2

Jerusalem upạrte lạṛhại lạgitʼ Probhu Isor do sanam jạtrenkoe jarwakoa. Nagraha dokholokʼa, oṛakʼ duạr luṭokʼa ar maejiukoakʼ kuạ̃ritetʼko nosṭoetakoa. Nagraharen adha hoṛ do bondikate eṭakʼ disạmteko idi ocokʼa menkhan sarecʼ hoṛ do nagrahareko tahena.

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.

Johan sodor 16:19

Ar ona maraṅ nagraha do pe hạṭińte hạṭińena ar jạt jạtrenkoakʼ nagrahako do lạnduṛena. Tayomte ona maraṅ nagraha Babel reakʼ katha Isor do disạ hecʼadea, uni do acʼakʼ edre reakʼ botoranakʼ bubulakʼte perecʼ bạṭi reakʼ ńũi lạgitʼ Babele emadea.

Johan sodor 18:6

Ar eṭakʼko tulucʼ cetʼ lekae beohar akatʼ onkage acʼ sãote hõ beoharpe; uniyakʼ kạmiko leka purạ puri kuṛại emaepe. Okaṭakʼ bạṭire uni do eṭakʼko lạgitʼ bạṛicʼakʼe mesaletʼ tahẽkan, onare uniyakʼ purạ sạjại mesalkate jom ocoyepe.