Sakariạ 10:7 - সান্তালী বাইবেল

⁷ Eprayimrenko do daṛean hoṛ lekako hoyokʼa, onkoakʼ ontor do darkha rasa ńũ akatʼ leka kusikʼtakoa. Ona ńelte onkoren hopon ar hoponerako doko hulạsokʼa; onkoakʼ ontor do iń iạte rạskạkʼtakoa.

Sakariạ 10:7 Iomraidhean Croise

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Genesis 43:34

Joseph do acʼakʼ ṭebil khon thoṛa jomakʼ boehako emako lạgitʼe kolkeda. Ar eṭakʼ boehako khon Benjạmin do mõṛẽ doboṛ bạ̃ṛtiye emocoyena. Nonkate onko do Joseph sãoteko jom ńũkeda. Arko jom-ńũketʼte uni tulucʼko rạskạyena.

Sereńko 102:28

Amren golamren gidrạko do jiwetʼgeko tahena; onkoren bõsko do am samaṅre ṭarhao akanko tahena.

Sereńko 104:15

Darkha rasa do manwakoakʼ mone rạskạ ocoyeda, sunum do uniyakʼ mẽtʼãhãe malkao ocoyeda, ar piṭhạ do uniyakʼ jiwire daṛeye ạguiyeda.

Sereńko 13:5

Menkhan iń do amakʼ asambheṛ dulạṛreń bhorsa akana; ar amem bańcao edeńkante ińakʼ ontor do hulạsokʼ kantińạ.

Sereńko 28:7

Probhu Isorge ińakʼ daṛe ar ḍhal do; ińakʼ ontor do unirege hirlạ akana, ar onatege iń do goṛoń ńam akada; iń do õṛhẽ sereńateń sarhaoea.

Sereńko 33:21

Unirege aboakʼ mon do rạskạkʼ kana, ente abo do uniyakʼ ńutumre bon bhorsa akana.

Sereńko 90:16

Amren golamko ṭhen amakʼ kạmi ar onkoren gidrạko ṭhen amakʼ ṭhonok sodorme baṛe.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Jesaea 38:19

Eken jiwetʼkoge, hẽ jiwetʼkoge am doko sarhaomea cetʼleka teheń amiń sarhaoetʼme; apat do acʼren hoponko amakʼ gokʼakʼ reakʼ kathae lạiyako leka.

Jesaea 54:13

Amren sanam hoponko do Probhu Isor hoteteko cetʼ ocokʼa ar amren hoponkoakʼ bhạlại hoyokʼa.

Jesaea 66:14

Noako ńelte apeakʼ ontor do rạskạkʼtapea ar ape do ghãs lekagepe hara rakabokʼa. Probhu Isorren guti do uniyakʼ daṛeko ńel ńama, ar uniren bạiriko do uniyakʼ edreko ńela.

Jirimiạ 32:39

Iń do nonkan mon ar ontoriń emakoa onko do eken iń secʼgeko ạwilokʼa; onate onko do ako apnarte ar onkoren hopon ar hoponerakoakʼ bhạlại lạgitʼ jao okte ińko botorạńạ.

Jeheskel 37:25

Ar okaṭakʼ disạm do ińren guti Jakob iń em akawadea, ar okaṭakʼ disạmre onkoren hapṛamko girobasokʼ kan tahẽkan onḍege onko hõko girobasokʼa. Onko ar onkoren hoponko, hoponerako ar goṛom gidrạko onḍe jaejugko tahena ar ińren guti Dạud do jaejug hạbicʼ onkoren raje hoyokʼa.

Joel 2:23

E Sionren hoṛko, ma kusikokʼpe, aperen Probhu Isor iạte rạskạkʼpe, ente uniyakʼ dhorom iạte uni do laha dakʼe emapekana. Uni do ape lạgitʼ asecʼ tasecʼ dakʼe emokʼkana, pạhil lekage uni do laha ar tayom dakʼe emapekana.

Habakkuk 3:18

enhõ iń do Probhu Isor iạteń rạskạkʼa; ar ińren babańcaoicʼ Isor iạtegeń hulạsokʼa.

Sephaniạ 3:14

E Sion kuṛi, ma sereńme; E Israel, ãṭ aṛaṅte hohoeme; E Jerusalemren kuṛi, am do kusikʼme ar amakʼ goṭa ontorte rạskạkʼme.

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.

Sakariạ 9:15

Phạdkoren Probhu Isor do onkoe rukhiyạkoa. Onate onko do bạirikoko maraokoa ar onkoakʼ bạṭul reakʼ dhiriko do jaṅgateko lebetʼ gańjaoa. Onko do darkha rasako ńũiya ar bul hoṛ lekako andoṛa; pinḍ reakʼ konacre mãyãm coḍor leka onko do ḍher mãyãmko joro ocoya.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Luk 1:47

ińren babańcaoicʼ Isor iạte, ińakʼ jiwi do rạskạte perecʼ akana,

Johan 16:22

Onkage ape hõ ńitokʼ do haron ar kosṭope ńameda; menkhan arhõ apeko sãoteń ńapamokʼa unre apeakʼ mon do rạskạte perejokʼa ar ona rạskạ do okoe hõ bako recʼ daṛeapea.

Aposkạmi 13:33

ona do onkoren hoponko lạgitʼ, metakʼme abo lạgitʼ Jisu gocʼko khone jiwetʼ beretʼkedeteye purạu akada. Noa reaṅ do dosarakʼ sereńre olakana: Am dom ińren hopon kana, teheńge amren apatiń hoyena.

Aposkạmi 2:26

Noa iạte ińakʼ mon do rạskạte perejokʼ kana, ińakʼ alaṅ do rạskạ reakʼ kathae roṛa, ar ińakʼ hoṛmo hõ aste bańcaokʼtińạ;

Aposkạmi 2:39

Ape lạgitʼ, aperen gidrạ lạgitʼ ar okoe do sạṅgińre menakʼko, metakʼme aboren Probhu Isor do okoeko acʼren hoṛ hoyokʼ lạgitʼe hohowako, onko sanamko lạgitʼ noa gokʼakʼ do emakana.”

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.

1 Patras 1:8

Mạsi bape ńel akadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;

1 Samuel 2:1

Ona tayom Hanna do koejoṅateye menkeda, “Probhu Isor iạtegeń rạskạkʼ kana; Probhu Isorge ińe jitạu oco akadińạ. Ińren bạiri samaṅrege iń do khulạsate rạskạ sereńiń sereńetʼ kana; ente ińren bạiriyakʼ ti khonem bańcao kedeńte iń do ạḍiń rạskạkʼ kana.