Sakariạ 10:5 - সান্তালী বাইবেল

⁵ Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Sakariạ 10:5 Iomraidhean Croise

2 Samuel 22:43

Dhạrti reakʼ dhuṛi leka onko doń holoṅ ḍigirketʼkoa; ar ḍahar reakʼ losotʼ leka jaṅgateń lebetʼ gańjaoketʼkoa.

2 Samuel 22:8

Unre dhạrti do daldalaoena ar ḍikạ ḍakekʼ ehopʼena, buru reakʼ rehetʼko daldalaoena; uniyakʼ edrete onako do dal dalaoena.

2 Rapajko 9:33

Jihui metatʼkoa, “Uni do latarte giḍigotʼkaepe.” Unre onko do latarte Isebelko ḍhaka ńurkedea ar Jihuwakʼ rãt gạḍiren sadomko do uniko lebetʼ gańjaokedea. Onate uniyakʼ mãyãm do ṭunṭiyentaete pạcrire ar sadomkoakʼ hoṛmore paṛaoena.

Sereńko 18:42

Hoete oṭaṅokʼkan dhuṛi leka onko doń holoṅ ḍigirketʼkoa, ar ḍahar reakʼ losotʼ lekań giḍikatʼkoa.

Sereńko 20:7

Ḍher hoṛge akoakʼ rãt gạḍi iạteko bạḍạiyokʼa ar adomko do akoren sadomko iạte, menkhan abo do aboren Probhu Isor iạtege.

Sereńko 33:16

Maraṅ palṭon phạdko tahenre hõ raj do bae rukhiyạ daṛeakʼa; ar maraṅ daṛe tahentaere hõ bir banṭa hoṛ do bae rukhiyạ daṛeakʼa.

Sereńko 44:5

Aleren bạiriko do amakʼ daṛetegele teṅgo daramkoa; ar okoe ale upạrteko teṅgokʼ onko do amakʼ jortegele lebetʼ gańjaokoa.

Sereńko 45:3

E birbanṭa, amakʼ ḍanḍare tarwaṛe toltam; ṭhonok ar mante sajaokʼme.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 25:10

Probhu Isorakʼ kạmi do niạ bururege tahena. Guricʼ sãote busupʼ cetʼlekako lebetʼ gańjao ṭhik onkage Moab hõe lebetʼ gańjao ocokʼa.

Jesaea 31:1

Hae onko do one okoe goṛo ńam lạgitʼ Misorteko calakʼkan! Onko do sadom ar rãt gạḍireko bhorsakʼ kana ar aswarikoakʼ maraṅ daṛe cetanre pạtiạuko dohoyeda, menkhan onko do Israelren uni sonoticʼ secʼ bako beṅgetʼeda ar Probhu Isor ṭhen goṛo bako khojkana.

Jesaea 41:12

Ar amren bạirikom sendra baṛalekore hõ onko do bam ńamkoa. Okoe am upạrteko lạṛhại onko do cetʼ cinhạge ar baṅ tahentakoa,

Jesaea 41:25

“Purub secʼren mitʼṭen hoṛ do ińakʼ ńutume lại sodora; uni do utạr secʼ khon hijukʼ lạgitʼ iń uskurede kana, ar uni doe hijukʼkana. Hasa cetʼlekako lebed ar kuṅkạl cetʼleka hasae lebetʼ gańjaoetʼkan onkage uni do disạm cakʼlaokoe lebetʼ gańjaokoa.

Jesaea 8:9

“E jạtrenko, ape do midokʼpe, menkhan ape dope marao utạrokʼa; E sạṅgiń reakʼ disạmko, ańjompe, ape do lạṛhại lạgitʼ sapṛaokʼpe, menkhan ape dope marao utạrokʼa; hẽ, lạṛhại lạgitʼ sapṛaokʼpe, menkhanpe marao utạrokʼa.

Jeheskel 38:15

Utạr secʼakʼ mucạtʼ simạna reakʼ amakʼ ṭhạ̃i khon am ar am sãote aema jạtren hoṛko do sadomre decʼkate mitʼ maraṅ ar daṛean lạṛhại phạdko rakapʼ hijukʼa.

Amos 2:15

Dhinkiạ hõ ohoko teṅgo ṭarhao daṛelea, ar coṭkarko dạṛ daṛeakʼ hoṛ hõ bako dạṛ daṛeakʼa; hẽ, aswariko hõ akoakʼ jiwi do ohoko rukhiyạ daṛelea.

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Mikạ 7:10

Unre aleren bạiri do ona ńelteko lajaokʼa. Onko do aleko metale kan tahẽkana, “Aperen Probhu Isor do okare menaetapea?” Menkhan aleakʼ mẽtʼ do onkoakʼ ńurokʼe ńela; hẽ, hor reakʼ losotʼ lekage onko doko lebetʼ khadbadao ocokʼa.

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.

Sakariạ 12:4

Enhilokʼ iń do mitʼke mitʼ sadomkoń botor ocokoa ar aswari do lelhań hoyocokoa. Ar Jihudạren hoṛko lạgitʼ do sontorte nońjoriń dohoya, menkhan eṭakʼ jạtren joto sadom doń kãṛã ocokoa.

Sakariạ 12:8

Enhilokʼ iń do Jerusalemren hoṛkoń rukhiyạkoa. Unre onko talaren sanam khon nijor utạran hoṛ hõ Dạud lekako hoyokʼa ar Dạudren bõsko do Isor leka, metakʼme Probhu Isorren goḍetko leka onko laha lahateko calakʼa.

Sakariạ 14:13

Enhilokʼ Probhu Isor ṭhen khon maraṅ ḍamaḍolge onkore paṛaokʼa ar onko doko ńẽtʼ ocokʼa. Onko sanamkoge apan ạpin upạrte tiko epela.

Sakariạ 14:3

Ona tayom Probhu Isor doe oḍokokʼa ar lạṛhại jokhecʼ okae cekae onkage uni do jạtrenko upạrteye lạṛhạiya.

Sakariạ 9:13

Jihudạ do akʼ leka ar Ephrayim do sar lekań beoharea. E Sion, iń do amren hoponko Grecce disạmren hoponko upạrteń uskạukoa ar am do lạṛhại reakʼ tarwaṛe lekań hoyocomea.”

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mathae 4:3

Unre Soetan do hecʼkate uniye metadea, “Isorren Hopon kan khanem enḍekhan noako dhiri baṛe piṭhạ hoeocoyme.”

Luk 24:19

Jisu do unkine metatʼkinạ, “Cetʼ hoyakana?” Ado Nasaretren Jisu babotre hoyakanakʼ kin lạiyadea. Uni do nạbiye tahẽkana. Kạmire ar kathate Isor ar sanam hoṛko ṭhen daṛeanicʼe tahẽkana.

Aposkạmi 18:24

Onako dinre Apollos ńutuman mitʼṭen Jihudi do Ephesusteye hecʼena. Uniyakʼ oṛakʼ do Aleksandriạ nagrahare tahẽkana. Uni do katha roroṛre mitʼṭen gạkhuṛ hoṛe tahẽkana ar sonot sostor hõ bes okocʼteye baḍaekan tahẽkana.

Aposkạmi 7:22

Mose do Misorrenkoakʼ sanamakʼ akelte akelanicʼe hoyena, ar acʼakʼ katha ar kạmikote uni do daṛeanicʼe tahẽkana.

2 Korinthiko 10:4

Jel ar mãyãm reakʼ gobolre tahẽkate okako khanḍa bhanḍate manwako lạṛhạikan onate ale do bale lạṛhại kana, menkhan Isorakʼ daṛete aboakʼ khanḍa bhanḍa ar kajak gaṛko hõ dhaṅ dhaserokʼa.

Dosar Biboron 20:1

“Lạṛhại senkate bạiri secʼrenko ape khon ḍher sadomko, lạṛhại gạḍiko ar palṭonko ńelkate alope botorokʼa, ente aperen Probhu Isor okoe do Misor disạm khone oḍok ạgu akatʼpe uni do ape sãoteye tahena.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

2Timothi 4:7

Bhage lạṛhại iń lạṛhại kana, iń lạgitʼ ṭhik akatʼ horre mucạtʼ hạbicʼ iń ńir calao akana ar Mạsiyakʼ dhorom biswạsiń sapʼ dohoakada.

Josuạ 10:14

Inạ laha se tayom nonkan din do ar tishõ bań hoyakana Probhu Isor do manwakoakʼ katha nonkae dohoakada mente. Enhilokʼ Probhu Isor do Israelko huyạteye lạṛhạilena.

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.

Johan sodor 19:17

Tayomte mitʼṭen serma goḍet siń cando talare teṅgo akaniń ńelkedea. Ar okoeko cẽṛẽ sermareko uḍạu baṛaekan tahẽkan onko sanamko do ãṭ aṛaṅte hohowateye metatʼkoa, “Dela, Isorakʼ maraṅ bhoj jom lạgitʼ hecʼ jarwakʼpe!

1 Samuel 16:18

Uniren kạmiyạko modre mitʼ hoṛe menkeda, “Iń do Bethlehemre Jisạiren mitʼṭen hoponiń ńelakadea. Uni do ạḍi bhage peṛesaṅe banam daṛeakʼa. Uni do mitʼṭen dilan bir hõ kanae. Ar ạḍi napae kathae roṛa ar ńelokʼte hõe napaegea, ar Probhu Isor do uni sãote menaea.”