Sakariạ 10:2 - সান্তালী বাইবেল

² Boṅga doko phạsiaragea, ar gonokko do eṛe kathako roṛa; onko okaṭakʼ kukmũ reakʼ kathako roṛ ona do eṛegetakoa, ar eṛe jiwi raṛecʼko emokʼkana. Ar hoṛko do santaokʼkan iạte bhiḍi lekako ạcur baṛaekana, ente onkoren gukʼpiyicʼ do bạnuitakoa.

Sakariạ 10:2 Iomraidhean Croise

Genesis 31:19

Unre Laban do acʼren bhiḍikoakʼ upʼ kạpciy tako lạgitʼe calao akan tahẽkanre Rahel do acʼ apatakʼ gharońjren murhutʼkoe kombṛoketʼkoa.

1 Rapajko 22:17

Mikại roṛ ruạṛkeda, “Ińiń ńelkeda, Israelko do gupiyicʼ begor bhiḍi leka buru cetanreko chirchạtur akana. Onate Probhu Isore meneda, ‘nokoren do cele mạlikge bạnukʼkotakoa, onate onko do sulukte apan ạpin oṛakʼteko senjoṅma.’ ”

Jobakʼ 13:4

Ape joto do eṛeakʼ khudạuko kanape; ar jotoge ạuṛiyakʼren raranko kanape.

Jobakʼ 21:34

Onate apeakʼ noa ạuṛiyakʼ kathakote cetʼ lekate jiwipe raṛejtińa? Apeakʼ roṛ ruạṛ do eṛeteakʼ chaḍa ar cetʼge baṅkana.”

Jesaea 41:29

Ńelpe, onko jotogeko ạuṛiyakʼgea, onkoakʼ kạmi do cetʼhõ baṅkana. Onkoren dul muṭhạnko do eken hoe baragge.”

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jesaea 44:9

Okoe goṛhon muṭhạnko benao onko doko ạuṛiyakʼgea; onkoren damanakʼ jinisko do porhoanakʼ doko baṅkana. Onko muṭhạnko secʼ okoe kathako roṛ onko doko kãṛãgea, cetʼge bako baḍaea; ona iạte onko do lajaoreko paṛaokʼa.

Jesaea 46:5

“Ape do okoe sãotepe jurikińạ se okoe tulucʼpe somankińạ? Ar okoe tulucʼpe juriyińte soman bon lekhakʼa?

Jirimiạ 10:8

Onko jotoge lelha ar bebujan kanako. Onkoren boṅga do kaṭteko benao akana, onko do cetʼ jãhãn sikhnạtko em daṛeakʼa?

Jirimiạ 14:13

Onate iń doń menkeda, “Hae, Probhu Isor! Nạbiko doko meneda, ‘ape do lạṛhại bape ńela ar akaltehõ bape kosṭokʼa. Probhu Isor do sạrige niạ ṭhạ̃ire jaejug suluke danapea.’ ”

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Jirimiạ 23:17

Okoe ińko nihạ̃t edeńkan onko ṭhen nạbiko do niạ kathako roṛa, ‘Probhu Isore meneda, suluk hoyokʼtapea,’ ar okoe akoakʼ ontor reakʼ keṭecʼakʼteko senokʼkan onko doko mena, ‘jãhãn muskil do baṅ hoyokʼtapea.’

Jirimiạ 23:32

Sạrige iń do onko nạbi upạrte minạńa okoe eṛe kathako roṛetʼkan. Onko do onageko roṛeda ar onkoakʼ bạḍạite perecʼ kathate ińren hoṛko bạṛicʼ horteko idiyetʼkoa. Menkhan onko do bạń kol akatʼkoa se hukum hõ bạń hukum akatʼkoa. Onko do noko hoṛkoakʼ thoṛa hõ bako upkạr daṛeakʼa. Iń Probhu Isorge noa katha doń meneda.”

Jirimiạ 27:10

Onko do eṛeyakʼko nạbiya, onate ape do apeakʼ disạm khonpe sạṅgiń ocokʼa; iń do apeń laga ńirpea ar ape dope marao utạrokʼa.

Jirimiạ 27:14

Onko nạbikoakʼ katha alo ańjomtako lạgitʼ okoeko metapekan, ‘ape do tishõ Babel rajren golam bape hoyokʼa,’ onko do ape ṭhen eṛeyakʼko nạbiyeda.

Jirimiạ 27:9

Onate aperen nạbiko, gonokko, ar kukmũ guruko, mãyãko, se jạdu udukʼkoakʼ katha do alope ańjomtakoa; onko do apeko metapea, Babel rajren golam do bape hoyokʼa.

Jirimiạ 28:15

Unre Jirimiạ nạbi do Hananiại metadea, “E Hananiạ, ańjomme. Probhu Isor do bae kol akatʼmea, menkhan jạtrenko do eṛe kathatem pạtiạu ocoakatʼkoa.

Jirimiạ 29:8

Ape talare menakʼko nạbiko ar gonokko jemon aloko eṛepe. Onko okaṭakʼ kukmũko ńeletʼ ona do alope moneyakʼa.

Jirimiạ 37:19

Okoe ape ṭhen noa kathako nạbiletʼ baṅma, Babel raj do am ar niạ disạm upạrte do bae hijukʼa, onko aperen nạbiko doko okayena?

Jirimiạ 50:17

“Israel do chirchạtur akan bhiḍi palko leka kanae one dhạcri kule laga akade. Pạhilre Ạsurren raj do uniye jomkedea; ar mucạtʼre Babelren raj Nebukadnesar do uniyakʼ jaṅkoe tạhuṛketʼtaea.

Jirimiạ 51:23

am hotete iń do gukʼpiko ar bhiḍi palkoń chaka chun akatʼkoa, am hotetege casokʼko ar ḍaṅgrakoń chaka chun akatʼkoa, am hotete disạm cakʼlaoko ar rajkạmiyạkoń chaka chun akatʼkoa.”

Jirimiạ 6:14

Onko do ińren hoṛkoakʼ ghạlkoko tolkatako kana okaṭakʼ do cetʼge baṅkan. Onkoko meneda, ‘suluk, suluk,’ menkhan suluk do sạrige bạnukʼanaṅ.

Jirimiạ 8:11

Ińren hoṛkoakʼ ghạlko onko do eken cetan cetanteko bogeyetʼtakoa. Onko do ‘suluk, suluk ko,’ meneda menkhan suluk do bạnukʼtakoa.

Rak̕joṅ 2:14

Amren nạbikoakʼ dorson do ạuṛiyakʼgea ar eṛeyakʼkana; amakʼ bondi dosa jemon sạṅgińokʼtam onate onko do amakʼ ghạṭko bako udukʼ akawatʼmea. Nạbi lekate okako lạiyakatʼ ona do eṛegea; ona do bhul horteye idiakatʼpea.

Jeheskel 21:21

ente Babelren raj do onakin barea hor reakʼ etohopʼ ṭhen dobạṭiạreye teṅgo akana bhao ocoy lạgitʼ. Uni do sare aṛaga, ar acʼren debotako ṭhene kulijoṅkana ar jãhãn janwarkoakʼ inboroteye biḍạu aṭkara.

Jeheskel 21:29

E tarwaṛe onko do am reaṅ ạuṛi dorsonko ńeńelkanre hõ ar am reaṅ ạuṛiyakʼko guniyetʼkanre hõ okoeko gocʼ ocokʼ onko bedhorom bạṛicʼkoakʼ hoṭokʼ am dom giḍi ocokʼa; ente onkoakʼ din do hecʼ paṛao akana, onkoakʼ sạjại reakʼ okte do seṭer akana.

Jeheskel 34:5

Gukʼpiko bạnukʼko iạte onko doko chirchạtur akana ar bir janwarkoren adharko hoyakana.

Jeheskel 34:8

Iń Probhu Isorge iń ńutumte kiriạkateń menetʼkana, gukʼpiko begorte ińren palko do luṭren jinisko hoyakana ar bir janwarkoren adharko hoyakana. Ińren gukʼpiko do ińren palrenkoakʼ khoj tolas bako hatao akada ar ńel hõ bako ńel todarotletʼkoa; ona bodolte onko do ako apnargeko ńel todarotokʼ kana.

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.

Mikạ 2:12

Probhu Isore meneda, “E Jakob, iń do khạṭige ape sanamkoń jarwa mitʼpea; iń do khạṭige Israelren bańcao tahen sarecʼ hoṛkoń jarwa mitʼkoa. Bosraren bhiḍiko leka, khạṛre tahen bhidi palko leka iń do onkoń jarwa mitʼkoa; disạm do arhõ hoṛkote perejokʼa.”

Habakkuk 2:18

“Boṅgawakʼ do jãhãn damge bạnukʼtaea, ente manwage coṅ uni mae rokʼ benao akade. Ar dulicʼ muṭhạn hõ jãhãn damge bạnukʼtaea, ente manwa do ona khon eṛe cecetʼakʼgeko ńama. Ar okoe acʼakʼ tite onakoe benao akatʼ uni do cedakʼ onareye ṭehãḍokʼkana? Uni boṅga ma kathage coṅ bae roṛ daṛeakʼ.

Sakariạ 11:17

“Hae, uni lelha gupiyicʼ do, one okoe do palrenko bạgikateye calakʼ kan! Tarwaṛe do uniyakʼ ti ar jojomsa reakʼ mẽtʼgeye ghạltaea. Onate uniyakʼ ti do borojokʼtaea ar uniyakʼ jojomsa reakʼ mẽtʼ do kãṛãkʼtaea.”

Mathae 9:36

Uni do gadel hoṛe ńelketʼko khan mãyã hecʼadea, ente onko do gupiyicʼ begor bhiḍi leka laṅga arko asokʼ ṭayokʼ akan tahẽkana.

Mark 6:34

Jisu lạukạ khone pheḍen khan gadel hoṛe ńelketʼkoa. Ar hoṛkore mãyã hecʼadea, ente onko do gupiyicʼ begor bhiḍi lekako tahẽkana. Ar Jisu do ạḍi okocʼakʼko reaṅ cetʼakoe ehopʼena.

Bikʼcạrko 18:14

Ar okoeko hoṛ do Layisre senkate khoj khoborko ạguletʼ tahẽkan onko do akoren hoṛko metatʼkoa, “Apepe baḍaegea, niạ oṛakʼre do mitʼṭecʼ ehpod, debotakoakʼ muṭhạn rokʼ bekʼnao muṭhạnko ar dulakʼ muṭhạnko menakʼa? Onate ńitokʼ cetʼpe cekaea ma hudispe.”