Sakariạ 1:21 - সান্তালী বাইবেল

²¹ Iń do uniń kulikedea, “Noko do cekae lạgitʼko hecʼakana?” Uni doe roṛ ruạṛạdińa, “Ona dereńko do hoyokʼkana onko jạtrenko reakʼ daṛe okoe do Jihudạren hoṛko nonkae chirchạtur akatʼkoa okoe do bohokʼge bako rakapʼ daṛe akatʼtako. Onko jạtren botor ocoko lạgitʼ ar onko maraoko lạgitʼge noko mistri doko hecʼakana.”

Sakariạ 1:21 Iomraidhean Croise

Sereńko 75:10

Iń do bedhoromkoakʼ sanam dereńkoń makʼ giḍikakʼa, menkhan Isor botoraekoakʼ dereń doń usul ocoya.

Sereńko 83:2

Ńelme, cetʼleka amren bạiri doko hạnḍrạukʼkana ar okoe amko hirkhạwam kan onko do bạḍạite bohokʼ rakapʼkateko teṅgo akana.

Rak̕joṅ 2:17

Probhu Isor do acʼakʼ goṭawakʼ lekageye kạmi akada; one okaṭakʼ katha ḍher laha khongeye roṛletʼ uni do ona kathae purun akada. Uni do begor mãyãtegeye lebda giḍi akatʼmea; bạiriko hõ am upạrteye rạskạ ocoyetʼkoa, uni do am upạrtenkoakʼ daṛeye ḍher ocoyetʼtakoa.

Daniel 12:7

Unre iń doń ańjomkeda, gaḍa dakʼ cetanreye tahẽkan mĩhĩ musnạ kicricʼ horokʼ akatʼ uni hoṛ do acʼakʼ banar ti serma secʼ rakapʼkate okoe do jaejug jiwetʼ menae uni ńutumte kiriạkateye menkeda, “Pe bochor tala okte do lagaokʼa. Ar mucạtʼre Isorren hoṛkoakʼ daṛe do tinre rạputʼ utạrokʼa unre noako katha do purạukʼa.”

Sakariạ 1:19

Ar okoeṭakʼ serma goḍet do iń sãoteye galmaraokan tahẽkan uniń kulikedea, “Noako do cetʼ kana?” Uni doe roṛ ruạṛạdińa, “Noa do onako dereńkana oka do Jihudạ, Israel ar Jerusalemren hoṛko eṭakʼ eṭakʼ ṭhạ̃ireye chirchạtur akatʼko.”