Sakariạ 1:19 - সান্তালী বাইবেল

¹⁹ Ar okoeṭakʼ serma goḍet do iń sãoteye galmaraokan tahẽkan uniń kulikedea, “Noako do cetʼ kana?” Uni doe roṛ ruạṛạdińa, “Noa do onako dereńkana oka do Jihudạ, Israel ar Jerusalemren hoṛko eṭakʼ eṭakʼ ṭhạ̃ireye chirchạtur akatʼko.”

Sakariạ 1:19 Iomraidhean Croise

Sakariạ 8:14

“Iń phạdkoren Probhu Isorgeń meneda, aperen hapṛamko tinre ińko khĩs ocoledińa unre onko cetanre muhiniń ạguiya menteń ṭhik doholeda ar ona hõń hoyocoletʼa.

Sakariạ 1:21

Iń do uniń kulikedea, “Noko do cekae lạgitʼko hecʼakana?” Uni doe roṛ ruạṛạdińa, “Ona dereńko do hoyokʼkana onko jạtrenko reakʼ daṛe okoe do Jihudạren hoṛko nonkae chirchạtur akatʼkoa okoe do bohokʼge bako rakapʼ daṛe akatʼtako. Onko jạtren botor ocoko lạgitʼ ar onko maraoko lạgitʼge noko mistri doko hecʼakana.”

Sakariạ 1:9

Iń doń kuliyana, “E ińren Probhu Isor, noako do cetʼkana?” Ar mitʼṭecʼ serma goḍet one okoe do iń sãote kathae roroṛkan tahẽkan uniye menkeda, “Onako cetʼkan ona do amiń udukʼama.”

Esra 4:4

Unre onkoakʼ disạmreko girobasokʼ kan eṭakʼ eṭakʼ jạtrenko do Jihudạren hoṛkoakʼ tiko lạbṛukʼ ketʼtakoa ar botor udukʼakoko ehopʼena jemon ona oṛakʼ aloko benao daṛeakʼ.

Esra 4:1

Jihudạ ar Benjạminkoren bạiriko doko ańjomkeda, bondiko doko ruạṛ hecʼakana ar Israelren Probhu Isor ńutumte mitʼṭecʼ mundilko benaokana.

Esra 4:7

Parasren raj Artaksasto oktere hõ Bislam, Mitredat, Tabeyel ar uniren eṭakʼ eṭakʼ soṅgetenko do Artaksasto ṭhen mitʼṭecʼ ciṭhiko olkeda. Ona ciṭhi do Arami pạrsite torjomakate ol hoylena.

Habakkuk 3:14

Am do amakʼ ṭheṅgate uniren lạṛhại hoṛkoren matham sobokʼedea. One onko do chirchạtur cabale lạgitʼ hoe bharḍo lekako hijukʼkan, one onko nandanicʼ oko okote jome lekako rạskạkʼkan.

Amos 6:13

Am do Lo-dabarrem (mane do ‘Ạuṛiyakʼ ’) hat akatʼtem rạskạkʼkana, arhõm roṛ baṛayeda, “Ale do cetʼ apnarakʼ daṛete Korniạm (mane do ‘Daṛeanakʼ dereń’) do bale ạidạri akawana?”

Daniel 12:7

Unre iń doń ańjomkeda, gaḍa dakʼ cetanreye tahẽkan mĩhĩ musnạ kicricʼ horokʼ akatʼ uni hoṛ do acʼakʼ banar ti serma secʼ rakapʼkate okoe do jaejug jiwetʼ menae uni ńutumte kiriạkateye menkeda, “Pe bochor tala okte do lagaokʼa. Ar mucạtʼre Isorren hoṛkoakʼ daṛe do tinre rạputʼ utạrokʼa unre noako katha do purạukʼa.”

Esra 5:3

Unre phurạt gaḍa pạchim aṛe reakʼ ṭoṭharen disạm cakʼlaoyicʼ Tatenai, Setharbosenai ar onḍenko maraṅ hudạren kạmiyạko do Jihudiko ṭhen senkateko menkeda, “Mundil oṛakʼ benao aroe reakʼ hukum do okoeye emakatʼpea?”

1 Rapajko 22:11

Unre Kenanren hopon Sedekiạ do mẽṛhẽtʼ reakʼ dereń benaokate noae roṛkeda, “Probhu Isore meneda, Aramrenko ạuriko marao utạrokʼ hạbicʼ am do noatem rokʼ pạsirkoa.”

Sereńko 75:4

Iń do phulạukʼkan koń metakoa, ‘alope gorbokʼa,’ ar bạṛicʼko doń metakoa, ‘dereń do alope rakabtapea.

Sereńko 75:5

Apeakʼ dereń do coṭte alope rakaba ar hoṭokʼ keṭecʼkate hõ alope roṛa.’ ”

Jirimiạ 48:25

Moabakʼ reakʼ dereń do makʼ giḍiyena; uniyakʼ ti do rạputʼentaea.

Daniel 7:16

Okoe onḍeko teṅgo akan tahẽkan iń do onko mitʼ hoṛ ṭhen senkate noako reakʼ manetetʼ iń kuliyana. Unre uni do noa menkate onako reakʼ bhede bhaṅgaoạdińa,

Sakariạ 1:18

Ona tayom iń doń beṅgetʼ rakapʼketʼ khan ponea dereń iń ńelkeda.