Rut reakʼ kạhini 2:3 - সান্তালী বাইবেল

³ Unre Rut doe oḍokena ar khetre senkate phosol gegetʼko tayom tayomte hulạkʼ halaṅe dhurạuena; ar uni okare hulạkʼe halaṅetʼ kan tahẽkan ona do Elimelek bõsren Boasakʼ khetge tahẽkana.

Rut reakʼ kạhini 2:3 Iomraidhean Croise

2 Samuel 1:6

Uni koṛa doe menkeda, “Iń do unre Gilboa reakʼ burureń tahẽkana ar Sạul do acʼakʼ borlomre ṭenḍarkateye teṅgo akan tahẽkana. Ar un jokhecʼ rãt gạḍi ar aswariko doko khudạu tiyokʼ idiyedekan tahẽkana.

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

2 Rapajko 8:5

Ado Gehosi tinre raje lạiyaekan tahẽkana Elisae do gocʼicʼ cetʼlekae jiwetʼ ruạṛledea mente ar ṭhik ona jokhecʼge Elisae okoeṭakʼ maejiuren hopone jiwetʼlede uni maejiu do raj ṭhen senkate acʼakʼ oṛakʼ-duạr ar ot-baṛgeko ńam ruạṛ lạgitʼ nehõrokʼe ehopʼena. Gehosi do unreye menkeda, “E ińren mạlik maharaj, nui kangeae uni maejiu do one okoeren hopon Elisae doe jiwetʼ ruạṛlede.”

Mathae 10:29

Barea ghaṛwa cẽṛẽ do cetʼ thoṛa damte bạkin ạkhrińokʼ kana? Enre hõ aperen Baba Isorakʼ hukum chaḍa onko modre mitʼṭen hõ otre bae ńurokʼa;

Luk 10:31

Khan bhạg leka mitʼṭen naeke do ona horteye calakʼkan tahẽkana. Menkhan uni hoṛe ńelkede khan naeke doe sa paromena.

2 Thessalonikiko 3:12

Aboren Probhu Jisu Mạsi iạte nonkan hoṛkole hukumako kana arle sikhạuetʼko kana, jemon onko do nindhạn monte kạmikate akoakʼ jomakʼ apnarteko jogaṛ joṅ.

Rut reakʼ kạhini 2:2

Mitʼ din Rut do Naomiye metadea, “Ạliń do cetʼ khette senkate hulạkʼ liń halaṅ ạguiya? Ar okoe ạlińreye dayakʼte onae halaṅ ocowạliń uni tayomrege liń tahena.” Naomi do uniye metadea, “Hẽ bạhu, ma calakʼ ben.”

Rut reakʼ kạhini 2:4

Unre Boas do Bethlehem khone hecʼena ar phosol gegetʼkan tahẽkan hoṛkoe metatʼkoa, “Probhu Isor ape sãore baṛeye tahenma.” Onko hõ uniko men ruạṛadea, “Probhu Isor hõ ame bhoram ma.”