Romiko lạgitʼ Pạul Apostolakʼ ciṭhi 8:3 - সান্তালী বাইবেল

³ Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

Santali Common Language New Testament

³ Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

Romiko lạgitʼ Pạul Apostolakʼ ciṭhi 8:3 Iomraidhean Croise

Numeri 21:9

Unre Mose do pitạlren mitʼṭen biń benaokate mitʼṭecʼ ḍaṅreye akakadea. Ar jãhãe biń ger hoṛge tinre uni pitạlren biń secʼe beṅgetʼetʼ tahẽkana unrege uni doe bogekʼkan tahẽkana.

Numeri 28:22

Noako sãote kại ńutumte puruchun lạgitʼ mitʼṭen merom boda hõ ạguiye hoyokʼtapea.

Mark 15:27

Onko do Jisu sãote barea ḍạku hõko kurusketʼkina, mitʼṭen do uniyakʼ leṅga secʼre ar eṭagicʼ do uniyakʼ jojomti secʼre.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Johan 9:24

Ado okoe kãṛãgeye tahẽkan mukhiyạko do arhõ dosar dhao hohowadeteko metadea, “Am do sạri katha roṛte Isorge sabasi emaeme. Alele baḍaea uni doe kại hoṛ kana.”

Aposkạmi 13:39

Ape do Moseyakʼ ạn-ạri hotete kại reakʼ sạjại khon bape rukhiyạ akana, menkhan jãhãege Jisureye pạtiạukʼ, uni do kại reakʼ sạjại khon bańcaoe ńama.

Romiko lạgitʼ Pạul Apostolakʼ ciṭhi 3:20

Ạn-ạri manao lekhange Isor do manwa dhorom menteye ataṅkoa ona do baṅa, menkhan ạn hotetege manwa do acʼakʼ kại reaṅ cehaonae ńameda.

Romiko lạgitʼ Pạul Apostolakʼ ciṭhi 6:6

Baḍaegea bon, aboakʼ kại hoṛmo marao lạgitʼge aboren ‘mare hoṛtetʼ’ do Mạsi sãoteye kurus ocoyena jemon kạiren golam do ar alo bon tahen;

Romiko lạgitʼ Pạul Apostolakʼ ciṭhi 7:18

Ińiń baḍaea ińre, metakʼme ińakʼ jel reakʼ sanare bhage mente do cetʼge bạnukʼa. Ar okaṭakʼ sạrige bhageakʼ kan ona kạmi reakʼ sana do menakʼgea menkhan daṛe do bạnukʼtińa.

Romiko lạgitʼ Pạul Apostolakʼ ciṭhi 8:32

Isor do acʼren Hopon hõ bae mãyãwadea bickom abo sanamko lạgitʼ gujukʼ tireye emkedea. Enḍekhan uni do cetʼ Hopon sãote ar sanamakʼko bae dan abona?

Romiko lạgitʼ Pạul Apostolakʼ ciṭhi 9:3

Ińren boehako bodolte, metakʼme iń jạtren hoṛko bodolte hoydaṛeakʼ khan iń apnarge Mạsi ṭhen khon pharakokʼ reakʼ sarapiń hataokea.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

Galathiko lạgitʼ Pạul Apostolakʼ ciṭhi 3:21

Enḍekhan ạn do cetʼ Isorakʼ gokʼakʼko birud reakʼ kana? Khạṭige baṅa. Isor do jiwetʼ oco reakʼ mitʼṭecʼ ạne emlen khan enḍekhan khạṭige manwa do dhorom menteye bikạu ocokokʼa.

Philipiko lạgitʼ Pạul apostolakʼ ciṭhi 2:7

Bickom uni do golam reakʼ rupe hatawante manwa lekate janamkate acʼ doe khạliyena.

Ibriko 10:12

Menkhan Jisu do kại ńutumte jaejug lạgitʼ eken mitʼṭen dãṛẽye samaṅketʼte Isorakʼ jojomsa aṛereye duṛupʼena.

Ibriko 10:14

ente Isorakʼ monsubạ lekate okoeko begar ocoakan ona mitʼṭen dãṛẽ hotete uni do jaejug hạbicʼ onkoe sạbit ocoakatʼkoa.

Ibriko 2:14

Onko gidrạko doko hoyokʼ kana mãyãm ar jelren manwage. Onate Jisu acʼtetʼ hõ jel ar mãyãmren manwae hoyena, jemon gujukʼ reakʼ daṛe okoeyakʼ tire menakʼ uni Soetan do acʼakʼ gujukʼ hoteteye bhagaoe.

Ibriko 2:17

Onate Jisu do sanam secʼte acʼren boehako leka hoyokʼ hoylentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.