Romiko lạgitʼ Pạul Apostolakʼ ciṭhi 7:4 - সান্তালী বাইবেল

⁴ Ṭhik onkage E ińren boehako, Mạsiyakʼ hoṛmo secʼte ar Moseyakʼ ạn-ạri lekate ape hõpe gocʼena. Onate ape do okoe gocʼko khone jiwetʼ beretʼ ocoakan uni Jisu Mạsiren hoṛpe hoyakana, jemon apeakʼ jion do Isor lạgitʼ jo baha daṛeakʼ.

Santali Common Language New Testament

⁴ Ṭhik onkage E ińren boehako, Mạsiakʼ hoṛmo secʼte ar Moseakʼ ạn-ạri lekate ape hõpe gocʼena. Onate ape do okoe gocʼko khone jiwetʼ beretʼ ocoakan uni Jisu Mạsiren pe hoeakana, jemon apeakʼ jion do Isor lạgitʼ jo daṛeakʼ.

Romiko lạgitʼ Pạul Apostolakʼ ciṭhi 7:4 Iomraidhean Croise

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Jesaea 62:5

Cetʼleka mitʼṭen juạn koṛa do mitʼṭen kũạri kuṛiye baplaye onkage amren hoṛ do amko baplamea; ar cetʼleka jãwãe koṛa do bạhu kuṛi iạteye rạskạkʼ onkage Isor hõ am iạteye rạskạkʼa.

Mathae 26:26

Adoko jojom kan tahẽkanre, Jisu do piṭhạ halaṅkateye bhorada. Ar kecakʼkate celako ematʼkoteye menkeda, “Ne ataṅpe ar jompe, noa do ińakʼ hoṛmo kana.”

Mark 4:20

ar onate onkore jãhãn jo do baṅ jokʼ kana. Ar bhage hasare ńuren itạte do onko reaṅge roṛ akana okoe do ona katha ańjomkateko ataṅetʼkan arko jokʼ kan. Okoe do pegel doboṛ, okoe do turui gel doboṛ, ar okoe do mitʼ sae doboṛ.”

Johan 15:8

Apeakʼ jionre ḍherpe jolen khan enḍekhan nonkate ape do ińren celape sạbudokʼa ar ińren Baba doe ṭhonok ocokʼa.

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Johan 6:51

Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Romiko lạgitʼ Pạul Apostolakʼ ciṭhi 6:11

Ṭhik onkage noa kathare pạtiạukʼpe je, Jisu Mạsi tulucʼpe mitʼ akante ape hõ kạirepe gocʼ akana, ar ńitokʼ do Isor lạgitʼ jiwetʼ menakʼpea.

Romiko lạgitʼ Pạul Apostolakʼ ciṭhi 6:14

Ape do kạiren golamko dope baṅkana, ente Isorakʼ daya tạriren kanape, ạn-tạriren dope baṅkana.

Romiko lạgitʼ Pạul Apostolakʼ ciṭhi 6:2

Khạṭige baṅa. Ente kại secʼte ma bon gocʼge; enḍekhan cekate abo do arhõ kại horte bon calakʼa?

Romiko lạgitʼ Pạul Apostolakʼ ciṭhi 6:22

Menkhan ńitokʼ do kại khonpe sạdhin akante Isorren golampe hoyakana. Onate porho do noage hoyakana, ape dope sonot ocokʼa, ar ona reakʼ mucạtʼ jo do hoyokʼkana jaejug jion.

Romiko lạgitʼ Pạul Apostolakʼ ciṭhi 7:3

Onate jãwãetetʼ jiwetʼ tahenrege eṭakʼ herel ṭhene jãwãelen khan enḍekhan uni do laṭghaṭicʼ menteye bikạukʼa. Menkhan jãwãetetʼe gocʼlen khan uni do ona ạn-tạri reakʼ tonol khone sạdhingea. Unre eṭakʼ jãhãe ṭhene jãwãelenre hõ uni do loṭghoṭiyicʼ bae hoyokʼa.

Romiko lạgitʼ Pạul Apostolakʼ ciṭhi 7:6

Unre abo okaṭakʼko tol akawatʼ bon tahẽkan onarege bon gocʼlena. Onate ńitokʼ do ạn khon bon sạdhingea. Ona iạte abo do olakʼ ạn-ạri reaṅ ona sedaeakʼ jion horren golam dobon baṅkana, menkhan sonot Jiu emakʼ nãwã jion horren golam bon hoyakana.

Romiko lạgitʼ Pạul Apostolakʼ ciṭhi 8:2

Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

1 Korinthiko 10:16

6 Probhu kedokʼ okte gunmanao joharate oka bhoranakʼ bạṭi khon bon ńũi, ona do cetʼ Mạsiyakʼ mãyãmre bakhra seledokʼ leka do baṅkana? Ar okaṭakʼ piṭhạ do kecakʼkate bon jometʼkan ona hõ cetʼ Mạsiyakʼ hoṛmore bakhra seledokʼ leka do baṅkana?

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

Galathiko lạgitʼ Pạul Apostolakʼ ciṭhi 5:18

Sonot Jiu hotetepe ạyur ocokʼkan khan enḍekhan ạn-tạriren dope baṅkana.

Philipiko lạgitʼ Pạul apostolakʼ ciṭhi 4:17

Jãhãn daniń khojokʼ kana ona do baṅ, menkhan nonkan jogeń asokʼ kana one oka do ape ńutumte doho jarwa idikʼ.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhu Isorpe kusi ocoyete unire lek lekape colon.

Kolossiko lạgitʼ Pạul Apostolakʼ ciṭhi 1:22

Menkhan Mạsiyakʼ gujukʼte uniyakʼ hoṛmo hotete Isor do ńitokʼ acʼ tulucʼe mitʼ akatʼpea, jemon uni do sonot, niphuṭ ar bin dusạnko mente acʼ samaṅreye teṅgo ṭarhao ocope.

Kolossiko lạgitʼ Pạul Apostolakʼ ciṭhi 1:6

Noa bhage sombat do goṭa dhạrtire pasnao idikʼkante jokʼ kana ar dinke din baḍhao idikʼ kana. Ar oka hilokʼ noa bhage sombatpe ańjomketʼ ar Isorakʼ daya reakʼ katha sạri mentepe baḍaeketʼ enhilokʼ khon ṭhik onkage ona do ape talare hõ kạmikʼkana.

Kolossiko lạgitʼ Pạul Apostolakʼ ciṭhi 2:14

ar abo upạrte oka dolel olakan tahẽkan ona reakʼ jotowakʼe meṭaokeda. Ona dolel do kurusre khil jalatʼketʼteye bạtil giḍikada.

Kolossiko lạgitʼ Pạul Apostolakʼ ciṭhi 2:20

Mạsi tulucʼpe gocʼente ape do dhạrti reakʼ aema lekan ạri-cạli khonpe pharak akana, menkhan enrehõ dhạrtiren hoṛko leka cedakʼ arhõ dhạrti reakʼ ạri-cạlirepe gobolokʼ kana?

Ibriko 10:10

Isorakʼ sana lekage Jisu Mạsiyakʼ hoṛmo mitʼ dhao samaṅente abo dobon begar ocoakana.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Johan sodor 19:7

Ar dela, kusite bon rạskạkʼma ar uni bon sarhaoea, ente Bheḍa Hoponakʼ baplakʼ reakʼ ghuṛi do seṭerena ar uniren bạhu doe sapṛao akana.

Johan sodor 21:9

Ar okoe eae goṭecʼ serma goḍetkoakʼ tire mucạtʼ eae goṭecʼ dukte perecʼ bạṭi tahẽkan onko modren mitʼ hoṛ do iń ṭhen hecʼkateye menkeda, “Dela hijukʼme, bạhu kuṛiń udukʼama, metakʼme Bheḍa Hoponren bạhuń udukʼama.”