Romiko lạgitʼ Pạul Apostolakʼ ciṭhi 5:1 - সান্তালী বাইবেল

¹ Biswạs hotetege bon dhorom ocoakana ar ona iạtege Probhu Jisu Mạsi hotete Isor ar abo talare suluk do hoyakana.

Santali Common Language New Testament

¹ Biswạs hotetege bon dhorom ocoakana ar ona iạtege Probhu Jisu Mạsi hotete Isor ar abo talare suluk hoeakana.

Romiko lạgitʼ Pạul Apostolakʼ ciṭhi 5:1 Iomraidhean Croise

Jobakʼ 21:21

Uniyakʼ bahaokʼ dinko tinre cabakʼa unre cetʼ oneye bạgi akatʼ acʼakʼ gharońj lạgitʼe hudisokʼa?

Sereńko 122:6

Ape do Jerusalem reakʼ suluk lạgitʼ koejoṅpe, “Ar okoe Jerusalemko kusiyakʼ onko do bhạlại hoyokʼtakoma.”

Jesaea 27:5

Bickom onako do asray ńam lạgitʼ iń ṭhenko hijukʼma; ar iń sãoteko sulukokʼ ma. Hẽ, iń sãotegeko sulukokʼ ma.

Jesaea 32:17

Ar dhorom do suluk reakʼ jo hoyokʼa, ar ona iạte jaejug lạgitʼ khạtirjoma ar bhorsage hijukʼa.

Jesaea 54:13

Amren sanam hoponko do Probhu Isor hoteteko cetʼ ocokʼa ar amren hoponkoakʼ bhạlại hoyokʼa.

Jesaea 55:12

Ape do rạskạ salakʼ bahretepe calakʼa ar suluktepe idi ocokʼa. Buru ḍuṅgriko do am samaṅre ãṭ aṛaṅteko sereńa ar ṭạnḍi reakʼ dareko doko thayoea.

Habakkuk 2:4

“Bạḍạite perecʼ Babel do dhoromicʼ doe baṅkana, menkhan okoe miridos menteye ataṅ ocokʼkan uni do acʼakʼ biswạs khạtirtege jiwetʼe tahena.

Sakariạ 6:13

Hẽ, unige Probhu Isorakʼ oṛakʼe benaoa. Uni do rajakʼ manote emocokʼa ar acʼakʼ siṅghạsonre duṛupʼkateye ḍanṭaokoa. Uni do mitʼṭecʼ naeke lekate siṅghạsonreye duṛupʼa ar onate noakin banar hudạ talare begartetʼ do baṅ tahena.’

Luk 19:38

“Bhorangeae Probhu Isor ńutumte daraekanicʼ raj do; sermare suluk ar coṭ utạrkore ṭhonok.”

Luk 19:42

Uniye menkeda, “Hae, am do suluk ńam lạgitʼ oka jạruṛ ona baṛe teheńem baḍae daṛele khan! Menkhan ńitokʼ ona do amakʼ mẽtʼãhã khon danaṅ akana.

Luk 2:14

“Sermare Isorakʼ ṭhonok dhạrtire suluk, manwakore kusi.”

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu Isorkan, uni hotetege suluk do ńamokʼa mente.

Romiko lạgitʼ Pạul Apostolakʼ ciṭhi 1:17

Isor manwako cetʼlekate dhorom menteye ataṅko ona do bhage sombat hotete sodor akana. Etohopʼ khon mucạtʼ hạbicʼ pạtiạu hotetege manwa do eken dhorom menteye ataṅ ocokʼa. Sonot sostorre olakana; “Dhoromicʼ do pạtiạu hotetege jione ńama.”

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu Mạsi doe mãyã apema ar suluke dan apema.

Romiko lạgitʼ Pạul Apostolakʼ ciṭhi 10:10

ente ontorre biswạs iạte Isor do manwa dhorom menteye lekhayea ar mocateye aṅgocetʼkante kại khone bańcaoea.

Romiko lạgitʼ Pạul Apostolakʼ ciṭhi 10:15

Ona chaḍa jãhãe bako kol ocolen khan cekate poporcarko doko porcara? Sonot sostorre ol akana, “Bhạgangea onkoakʼ jaṅgako okoe do bhage sombat porcar lạgitʼko hijukʼkan.”

Romiko lạgitʼ Pạul Apostolakʼ ciṭhi 14:17

Isorakʼ rajre jom ar ńũ do maraṅakʼ do baṅkana; maraṅ katha do hoyokʼkana, dhorom ar suluk ar rạskạge Sonot Jiure tahen.

Romiko lạgitʼ Pạul Apostolakʼ ciṭhi 15:13

Okoe ase dan abonkan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Romiko lạgitʼ Pạul Apostolakʼ ciṭhi 15:33

Sulukren Isor do ape sanamko sãoteye tahenma. Amen.

Romiko lạgitʼ Pạul Apostolakʼ ciṭhi 3:22

Okoe Jisu Mạsireko pạtiạukʼkan onkoakʼ ona biswạs hotetege Isor do dhorom mente onkoe ataṅkoa. Jihudi ar boṅgan hoṛ jạtrenko sanamgeko somangea,

Romiko lạgitʼ Pạul Apostolakʼ ciṭhi 3:30

ente Isor doe mitʼ goṭengea. Uni do Jihudiko cetʼleka biswạs hotete dhorom menteye ataṅ akatʼko onkage boṅgan hoṛ jạtrenko hõe dhorom ocokoa.

Romiko lạgitʼ Pạul Apostolakʼ ciṭhi 4:5

Menkhan okoe acʼakʼ kạmire bhorsa baṅkate eken Isorreye pạtiạukʼkan, Isor do uniyakʼ biswạs iạte dhorom menteye lekhayea, ente unige kại hoṛ do dhorom menteye lekha daṛeaea.

Romiko lạgitʼ Pạul Apostolakʼ ciṭhi 5:11

Eken ona do baṅ, okoe hotete Isor tulucʼ bon samge ocoakan uni Probhu Jisu Mạsi hotete abo do Isor tulucʼ bon rạskạ midokʼkana.

Romiko lạgitʼ Pạul Apostolakʼ ciṭhi 5:18

Enḍekhan mitʼṭecʼ kại hotete cetʼleka sanam manwako sạjại ńam lek kanako menteko lekhakʼ kan, onkage mitʼṭen dhorom kạmi hotete sanam manwakoge dhorom mente aṅgocko lạgitʼ bondobos hõ dohoakana ar ona reakʼ jo do hoyokʼkana jaejug jion.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Romiko lạgitʼ Pạul Apostolakʼ ciṭhi 9:30

Enḍekhan noa katha bon mena je, boṅgan hoṛ jạtrenko do Isorakʼ dhorom khudạu bako kurumuṭuletʼre hõ pạtiạu hotetege onko do Isorren dhoromko menteko lekha ocoyena.

Galathiko lạgitʼ Pạul Apostolakʼ ciṭhi 2:16

Menkhan enhõ noa bon baḍaegea, Isor do manwa ạn-ạrikoe manaoetʼ iạte dhorom mente bae aṅgocea, bickom Jisu Mạsire pạtiạukʼ hotetegeye aṅgocea. Onate abo hõ Mạsire bon pạtiạu akana, jemon ạn-ạriko manao iạte do baṅ bickom Jisu Mạsire pạtiạukʼ iạte dhorom mente bon aṅgocokʼ; ente ạn-ạri manao iạte okoe hõ dhorom mente ohoko aṅgoclena.

Galathiko lạgitʼ Pạul Apostolakʼ ciṭhi 3:25

Menkhan ńitokʼ do pạtiạu hecʼakante ạn-ạri gobolre ar bạnukʼ bona.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Ephesiko lạgitʼ Pạul Apostolakʼ ciṭhi 2:7

Uni do noae kạmikeda jemon acʼakʼ bin mucạtʼ daya darakan jugkoreye udukʼ daṛeakʼ. Uni do Mạsi Jisu hotete aboreye dayayente okaṭakʼe kạmiakatʼ onatege uniyakʼ noa daya do sodor akana.

Philipiko lạgitʼ Pạul apostolakʼ ciṭhi 3:9

Ạn-ạrikoń manaoetʼte dhoromiń hoyakana ona do baṅ, menkhan Mạsire biswạs khạtirte Isor do dhorom menteye ataṅ akadińạ. Noa dhorom do Isor ṭhen khonge hecʼakana ar biswạsre ṭehãḍokʼ kana.

Kolossiko lạgitʼ Pạul Apostolakʼ ciṭhi 1:20

Ona chaḍa dhạrtirege cetʼ ar sermarege cetʼ, Mạsi hotete jotowakʼge acʼ tulucʼ samge ocoy lạgitʼe goṭaleda. Mạsi do kurusre acʼakʼ mãyãme danketʼte suluke ạguketʼa ar onate Isor tulucʼ manwakoakʼ noa samge do hoyakana.

Kolossiko lạgitʼ Pạul Apostolakʼ ciṭhi 3:15

Mạsi okaṭakʼ suluke emokʼkan ona sulukge apeakʼ ontorre tahente ape mimitʼkoe ạyurpema. Sulukre tahen lạgitʼge coṅ sanamko mitʼ hoṛmorepe hoho ocoakana. Ar ape do gun manaoko baṛe hoyokʼpe.

1 Thessalonikikko 5:23

Sulukren Isor do acʼgeye sonot utạrpema, ar aboren Probhu Jisu Mạsiye hijukʼre apeakʼ hoṛmo, mon ar jiu do purạ puri bin dusạn baṛe dohoytape.

2 Thessalonikiko 3:16

Sulukren Probhu Isor do acʼge sanam okte jotowakʼre suluke dan ape ma. Probhu Isor do ape sanamko tulucʼe tahenma.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.