Romiko lạgitʼ Pạul Apostolakʼ ciṭhi 4:21 - সান্তালী বাইবেল

²¹ Abraham do purạte noae pạtiạukʼkan tahẽkana je, Isor okaṭakʼe gokʼakawade ona purạu lạgitʼ daṛe do menakʼgetaea mente.

Santali Common Language New Testament

²¹ Abraham do purạte noae pạtiạukʼkan tahẽkana je, Isor okaṭakʼe gokʼakawade ona purạu lạgitʼ daṛe do menakʼgetaea mente.

Romiko lạgitʼ Pạul Apostolakʼ ciṭhi 4:21 Iomraidhean Croise

Genesis 18:14

Probhu Isor ṭhen bin leṭejokʼakʼ do cetʼge bạnukʼanaṅ. Hijukʼkan bochor niạ okte iń do arhõ am ṭheniń hijukʼa ar unre Sarawakʼ hoborre mitʼṭen koṛa gidrại tahena.”

Sereńko 115:3

Aboren Isor do sermare menaea; uni do acʼakʼ sana lekageye kạmikana.

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.

Jirimiạ 32:27

“Iń Probhu Isorge, sanam manwakoren Isor kạnạń. Iń lạgitʼ Jãhãnakʼ cekae do cetʼ baṅ hoedaṛeakʼa?

Mathae 19:26

Jisu do celako beṅgetʼatʼkoteye metatʼkoa, “Manwako hotete do baṅ hoedaṛeakʼa, menkhan Isor hotete do sanamakʼge hoedaṛeakʼa.”

Luk 1:1

Manotan Thiophil, aboko talare okako ghoṭna hoylen ar pạhil khon okoekoko ńelletʼ ar Isorakʼ bhage sombatko porcarletʼ, onko do ale sanamakʼko baḍae ocoakatʼlea, ar onkoakʼ katha lekage ḍher hoṛ do ona reaṅko ol akada.

Luk 1:37

Isor ṭhen do bin daṛeanakʼ mente cetʼge bạnukʼa.”

Luk 1:45

Bhạgan geam am do, ente am dom pạtiạu akana, Probhu Isor okae men akawatʼme ona purạukʼa mente.”

Romiko lạgitʼ Pạul Apostolakʼ ciṭhi 14:4

Am dom celekante, eṭakʼ hoṛren gutim bicạrede kana? Uni doe teṅgo ṭahraokʼa, seye ńurocokʼa, ona do uniren kisạ̃ṛgeye bujhạua. Menkhan uni doe teṅgo ṭahraokʼa, Probhu Isorge uni doe teṅgo ṭahrao ocoyea.

Romiko lạgitʼ Pạul Apostolakʼ ciṭhi 14:5

Mitʼ hoṛ do mitʼ din eṭakʼ din khon sorose bujhạueda. Arhõ eṭakʼ hoṛ do joto dinge somangeye bujhạueda. Noa babotre okoe cetʼe cekae ar bae cekae, ona do monreye khạṭi joṅma.

Romiko lạgitʼ Pạul Apostolakʼ ciṭhi 8:38

Iń do noa katha bes okocʼtegeń baḍaea, moron se jion, serma goḍet se soetanren goḍet, menakʼakʼko se darakanakʼko se eṭakʼ jãhãn daṛeko,

2 Korinthiko 9:8

Isor do joto secʼte dayawape reakʼ daṛe menakʼtaea, jemon apeakʼ oka jạruṛokʼ ona do jaoge tahentape; ar onate jemon joto lekan bhage kạmi lạgitʼ khulạsatepe dan daṛeakʼ.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

Ibriko 11:13

Noko hoṛko do pạtiạu talate jion khemaokateko gocʼena. Isor okaṭakʼ emokʼ reakʼe gokʼatʼko tahẽkan ona do bako ńamleda, menkhan sạṅgiń khon onako ńelleda ar kusi hõko kusiyada. Noa dhạrtire bedisiạ ar upriạ lekako tahẽkan ona doko aṅgocletʼgea.

Ibriko 11:19

Abraham do uni dãṛẽye lạgitʼe rạjiyena, ente uni doe pạtiạukʼkan tahẽkana Isor do gocʼko hõe jiwetʼ beretʼ daṛeakoa mente. Ar gujukʼ duạr khon Abraham do Isạhake ńam ruạṛkedea.