Romiko lạgitʼ Pạul Apostolakʼ ciṭhi 4:11 - সান্তালী বাইবেল

¹¹ Khatna ạurire biswạs iạtege Isor do dhorom menteye lekhakedea ar onage tahẽkana uniyakʼ sạbudokʼ reakʼ cinhạ do. Enḍekhan ńelokʼkana, khatna begorte okoe do eken biswạs hotete dhorom menteko ataṅ ocokʼkan, onko sanamkoren hõ Abraham doe baba kana.

Santali Common Language New Testament

¹¹ Khatna ạurire biswạs iạtege Isor do dhorom menteye lekhakedea ar onage tahẽkana uniakʼ sạbudokʼ reakʼ cinhạ. Enḍekhan ńelokʼkana, khatna begorte okoe do eken biswạs hotete dhorom menteko ataṅ ocokʼkan, onko sanamkoren hõ Abraham deo baba kana.

Romiko lạgitʼ Pạul Apostolakʼ ciṭhi 4:11 Iomraidhean Croise

Genesis 17:24

Abraham do tinre acʼe khatna ocoyena unre uniyakʼ umer do aregel are bochor tahẽkana,

Sereńko 47:9

Jạt jạtrenko modre okoe doko maraṅ hudạren kan, onko do mitʼ ṭhenko jarwakʼa, Onko do Abrahamren Isorren hoṛ menkategeko jarwakʼa. Dhạrtiren sanam disạm cakʼlaokoge Isor gobolren kanako, uni do sanamko khone maraṅgea.

Exodus 12:13

Menkhan apeakʼ oṛakʼre oka mãyãm potao akae tahen onage apeakʼ nisana do hoyokʼa. Ar ona mãyãm ńelte ape doń bad oṭokapea ariń parom calakʼa. Onate ape do Misor disạm reakʼ duk khon rukhiyạpe ńama.

Exodus 31:17

Niạ din do iń ar Israelko talare jaejug lạgitʼ mitʼṭecʼ cinhạ kana, ente iń do turui dinre serma ar ot iń sirjạu akada ar eae din hilokʼre do cetʼ hõ bạń kạmileda.”

Jeheskel 20:12

Iń ar onko talare cinhạ lekate jirạukʼmãhãń ematʼkoa jemonko baḍae daṛeakʼ je, iń Probhu Isorge iń ńutumteń begar dohoakatʼkoa mente.

Jeheskel 20:20

Onko do ińakʼ jirạukʼmãhã reakʼ sonottetʼ jemonko rukhiyạ dohoy; onate iń ar onko talare ona do mitʼṭecʼ cinhạ leka tahena, ar onko doko baḍae daṛeakʼa, iń kangeạń onkoren Probhu Isor do.

Mathae 16:16

Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Mathae 8:11

Ińiń metapekana, purub ar pạchim khon aema hoṛko hijukʼa ar Abraham, Isahak, ar Jakob sãote serma rajre jojomko duṛupʼa.

Luk 19:9

Unre Jisui menkeda, “Teheń do noa gharońjre bańcao hoyakana, ente nui hõ Abraham bõsren hoṛ kanae.”

Johan 3:33

Okoe uniyakʼ gohae aṅgoc akatʼ uni do ona hotetegeye sodoreda je, Isor okae men ona do sạrikana mente.

Johan 3:36

Hoponre pạtiạukʼicʼ do jaejug jion menakʼtaea, menkhan Hopon reakʼ bebataoicʼ do jion ohoe ńamlea, bickom Isorakʼ edre uni cetanre paṛaokʼa.

Johan 6:35

Jisui metatʼkoa, “Ińge ona jion reakʼ piṭhạ do. Okoe iń ṭhene hijukʼ uni do tis hõ baṅ reṅgejea. Ar okoe ińreye pạtiạukʼkan uni do tisge baṅ tetaṅea.

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼ hoṛ do jaejug jion tahentako. Ińge onko do mucạtʼ dinreń jiwetʼ beretʼkoa.”

Johan 6:47

Sạrigeń metapekana, jãhãege ińreye pạtiạukʼ uni do unrege jaejug jione ńama.”

Johan 8:33

Unre Jihudi mukhiyạko do Jisuko metadea, “Ale do Abrahamren bõs kanale; ar tisge okoeren golam hõ bale hoyakana. Am do cekatem meneda, ale dole sạdhin ocokʼa?”

Romiko lạgitʼ Pạul Apostolakʼ ciṭhi 10:11

Sonot sostorreye meneda, “Jãhãege unireye pạtiạukʼ uni do bae lajao ocokʼa.”

Romiko lạgitʼ Pạul Apostolakʼ ciṭhi 10:4

Mạsige ạnkoe purạuketʼte ona reakʼ daṛe doe mạutạkeda, jemon acʼre okoeko pạtiạukʼ onko do Isor ṭhen dhorom menteko ataṅ ocokʼ.

Romiko lạgitʼ Pạul Apostolakʼ ciṭhi 10:6

Menkhan biswạs hotete manwa do Isor ṭhen cetʼlekate dhorom menteye ataṅokʼa ona reaṅ sonot sostorreye menakada, “Mon monte noa do alom mena, ‘sermate do okoeye dejokʼa?’ ” Metakʼme, serma khon Mạsi pheḍ ạguiye lạgitʼ okoe sermate doe dejokʼa?

Romiko lạgitʼ Pạul Apostolakʼ ciṭhi 3:22

Okoe Jisu Mạsireko pạtiạukʼkan onkoakʼ ona biswạs hotetege Isor do dhorom mente onkoe ataṅkoa. Jihudi ar boṅgan hoṛ jạtrenko sanamgeko somangea,

Romiko lạgitʼ Pạul Apostolakʼ ciṭhi 3:26

Onate ńitokʼ sạbudokʼ kana je, acʼ cetʼlekae dhoromge onkage Jisure pạtiạukʼicʼ hõ dhorom menteye ataṅea.

Romiko lạgitʼ Pạul Apostolakʼ ciṭhi 3:30

ente Isor doe mitʼ goṭengea. Uni do Jihudiko cetʼleka biswạs hotete dhorom menteye ataṅ akatʼko onkage boṅgan hoṛ jạtrenko hõe dhorom ocokoa.

Romiko lạgitʼ Pạul Apostolakʼ ciṭhi 4:10

Ar uni do oka oktere lekhayentaea? Khatna tayom se khatna ạurire? Khatna tayom do baṅ menkhan ạuriye khatnakʼrege.

Romiko lạgitʼ Pạul Apostolakʼ ciṭhi 9:30

Enḍekhan noa katha bon mena je, boṅgan hoṛ jạtrenko do Isorakʼ dhorom khudạu bako kurumuṭuletʼre hõ pạtiạu hotetege onko do Isorren dhoromko menteko lekha ocoyena.

Romiko lạgitʼ Pạul Apostolakʼ ciṭhi 9:33

Noa reaṅ sonot sostorre olakana, Ńelpe, Sionre tohotʼakʼ dhiri ar tạkicʼakʼ cạṭạniń dohoyeda, unire pạtiạuicʼ do baṅgeye lajao ocokʼa.

Romiko lạgitʼ Pạul Apostolakʼ ciṭhi 9:6

Isorakʼ katha je eṛeteakʼ hoyakan ona do baṅa, ente okoe Israel jạtrenko talareye janam akan onko sanamkoge khạṭi Israel doko baṅkana.

2 Korinthiko 1:22

metakʼme uni do apnarakʼ dhon leka ale doe mohor chap akatʼlea; ar okaṭakʼe emale ona reakʼ pạhil hạṭiń lekate uni do aleakʼ ontorre sonot Jiue emakatʼlea.

Galathiko lạgitʼ Pạul Apostolakʼ ciṭhi 3:22

Menkhan sonot sostor do sanamkoge kại iạte dusi menteye ṭarhao akatʼkoa, jemon Jisu Mạsire pạtiạukʼko do akoakʼ ona biswạs hotete gokʼ akawatʼko reakʼ bhorko ńam daṛeakʼa.

Galathiko lạgitʼ Pạul Apostolakʼ ciṭhi 3:29

Mạsirenpe hoyakante Abraham bõsren hoponko hõpe hoyakana. Isor do Abraham oka emae reakʼe gokʼade tahẽkan ape hõ ona sanamakʼren ạidạrikope hoyakana.

Galathiko lạgitʼ Pạul Apostolakʼ ciṭhi 3:7

Onate noa katha baḍaejoṅpe, okoe Isorreko pạtiạukʼkan eken onko kangeako Abrahamren hoponko do.

Galathiko lạgitʼ Pạul Apostolakʼ ciṭhi 5:5

Menkhan dhorom mente bon lekha ocokʼ, ona reakʼ khạṭitetʼ do biswạste sonot Jiu hotete bon ńel horeda;

Galathiko lạgitʼ Pạul Apostolakʼ ciṭhi 6:16

Okoe hoṛ noa ạn lekateko calakʼkan onkore, metakʼme Isorren sạri Israelko uni do suluk ar mãyãe dan akoma.

Ephesiko lạgitʼ Pạul Apostolakʼ ciṭhi 1:13

Ar apeko hõ sạriyakʼtetʼ reakʼ kathako kanape, metakʼme kại khon bańcao reakʼ bhage sombatpe ańjomketʼte Mạsirepe pạtiạu akana. Ar Mạsi tulucʼpe kolom mitʼakante Isor do acʼren gokʼicʼ sonot Jiu hoteteye mohor chap akatʼpea.

Ephesiko lạgitʼ Pạul Apostolakʼ ciṭhi 4:30

Isorren sonot Jiu do alope mon duk ocoyea, one uni hotete Isor do chaḍaokʼ reakʼ din hạbicʼ apeye mohor chap dohoakatʼpe.

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Philipiko lạgitʼ Pạul apostolakʼ ciṭhi 3:9

Ạn-ạrikoń manaoetʼte dhoromiń hoyakana ona do baṅ, menkhan Mạsire biswạs khạtirte Isor do dhorom menteye ataṅ akadińạ. Noa dhorom do Isor ṭhen khonge hecʼakana ar biswạsre ṭehãḍokʼ kana.

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.

Johan sodor 9:4

Arko menocoyena dhạrti reakʼ ghãs se hạriạṛ jãhãnakʼ se jãhãn dareko alo jemonko nosṭoe; eken okoe hoṛkoakʼ moloṅre Isorakʼ mohor chap bạnukʼtako onkoko hạ̃nko.