Romiko lạgitʼ Pạul Apostolakʼ ciṭhi 2:5 - সান্তালী বাইবেল

⁵ Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Santali Common Language New Testament

⁵ Menkhan amakʼ mon do keṭecʼgea; am do kại khon mon ạcur bam khojkana. Onate am do Isorakʼ edre tis sodorokʼ, enhilokʼ lạgitʼ amakʼ paona sạjạyem sõcjoṅkana. Ar unrege Isorakʼ dhorom bicạr do sodorokʼa.

Romiko lạgitʼ Pạul Apostolakʼ ciṭhi 2:5 Iomraidhean Croise

2 Bõsbudạ 30:8

“Aperen hapṛamko leka hoṭokʼ do alope keṭejtapea bickom Probhu Isorakʼ tire jimạkʼpe. Ar okaṭakʼ sonot oṛakʼ uni do jaejug lạgitʼ acʼ ńutumteye begar dohoakatʼ ape do ona oṛakʼte hijukʼpe ar aperen Probhu Isor sewawaepe jemon ape cetan khon uniyakʼ botoranakʼ edre ocogokʼtae.

2 Bõsbudạ 36:13

Ona chaḍa Nebukadnesar, okoe do Isor ńutumte uniye kiriạ ocolede, uni upạrteye hulkeda. Uni do hoṭokʼe keṭecʼketʼtaea ar ontore kuṭhinketʼtaete Israelren Probhu Isor secʼ do ar bae ruạṛlena.

Jobakʼ 21:30

Bedhorom hoṛ do muhinre bańcaoko ńama ar edrekʼ dinre hõ rukhiyạko ńama?

Sereńko 110:5

Probhu Isor do amakʼ jojomsa aṛere menaea; uniyakʼ edre hilokʼ do rajkoe caba utạrkoa.

Sereńko 95:8

Uniye men akada, “Aperen hapṛamko leka apeakʼ ontor do alope keṭejtapea; onko do hahaṅkarre Meribare ar Massa ṭhen ińko biḍạuledińa. Aperen hapṛamko do ińko ńelakadeńre hõ enhõ onko do onḍeko biḍạu aṭkarledińa.

Exodus 14:17

Menkhan iń do misrikoakʼ mon nonkań keṭecʼ ocoytakoa, onko do Israelkoko khudạu idikoa ar jalapuriteko bolokʼa. Onate Pharao ar uniren sanam palṭonko, rãt gạḍiko ar aswariko do ińakʼ ṭhonok sodorokʼ reakʼko hoyokʼa.

Exodus 32:34

Ańjomme, iń okaṭakʼ jaega reakʼ kathań roṛakatʼ ńitokʼ am do senkate hoṛko onḍe idikom. Ińren goḍet do hore udukʼ idiapea. Ar tinre sạjại reakʼ okte hijukʼa unre onkoń sạjạikoa.”

Exodus 8:15

Pharao do roṭe khon rukhiyại ńamketʼ khan uniyakʼ mon do arhõ keṭecʼ ruạṛentaea ar unkinakʼ katha do bae moneyada. Probhu Isor cetʼlekae menletʼ onkage hoyena.

Kạhtukko 1:18

Noko hoṛ do akotege khũnokʼ lạgitʼko tãṛãgokʼ kana, ar ḍhao maraokʼ lạgitʼ apnargeko oko tahenkana.

Kạhtukko 11:4

Isorakʼ edre tisokʼ pheḍ hijukʼa enhilokʼ dhon do jãhãn porhoge baṅ hoyokʼa, menkhan Isor botorae do gujukʼ khone rukhiyạwa.

Kạhtukko 28:14

Okoe hoṛ behok lạgitʼ jao okteye botorokʼkan uni doe bhạgangea, menkhan okoe acʼakʼ ontorre keṭejtae ar behok lạgitʼ bae botorokʼ kan uni do muhinreye paṛaokʼa.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Sosolhayic̕ 12:14

Isor do mitʼke mitʼ kạmi reakʼ, se mitʼke mitʼ okoakʼko hõe bikʼcạra-baṅ do bạṛicʼakʼ kan ar baṅ do bhageakʼ kan.

Jesaea 48:4

Entepe keṭecʼ hoṭokʼan hoṛkan ona doń baḍaekan tahẽkana; apeakʼ taren reakʼ jel do mẽṛhẽtʼ leka ar cạndi do pitạl leka hoyakantapea.

Jirimiạ 40:3

Ar Probhu Isor do ńitokʼ onageye onka akada. Noako do hoyakana, ape do Probhu Isor upạrtepe kại akada ar uniyakʼ aṛaṅ hõ bape ańjomletʼtaea.

Jeheskel 11:19

Iń do nonkan ontoriń emakoa onko do eken iń secʼge bul akanko tahena, ar iń do onko talare nãwã Jiu iń emakoa; ar onkoakʼ keṭecʼ ontor ocokʼkate norom ontoriń emakoa.

Jeheskel 3:7

Menkhan Israelko do amakʼ katha bako ańjomtama, ente onko do ińakʼ katha ańjom lạgitʼ bako rebena; noa reakʼ karon do hoyokʼ kana, goṭa Israel jạtren hoṛ do kạṭhuạ ar keṭecʼ monan kanako.

Daniel 5:20

Menkhan tinre uniyakʼ ontor do usulokʼ ehopʼentaea ar gorboteye perecʼena unre uni do raj siṅghạson khone pheḍ ocoyena ar uniyakʼ ṭhonok do recʼ ocoyena.

Hosea 13:12

Ephrayimakʼ dosko, metakʼme uniyakʼ sanam kạiko do ol dohoakana.

Amos 3:10

Probhu Isore menetʼkana, “Onko do hokakʼ kạmi bako baḍaekana; onko do gaṛko talare julum ar luṭ reakʼ jinisko doho jarwa akawana. Onatege mitʼṭen bạiri do onkoakʼ disạme gherao esetʼeda; ar onkoakʼ dakʼram gaṛkoe rạpudtakoa ar gaṛkoe luṭjoṅa.”

Romiko lạgitʼ Pạul Apostolakʼ ciṭhi 1:18

Manwa do Isorakʼ sạriyakʼtetʼ akoakʼ bedhoromteko ten esetʼeda, onate sanam bebhokti ar sanam bedhorom kạmiko iạte serma khon Isorakʼ edre do manwakore sodorokʼ kana.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭecʼ sạri okowakʼ baḍae ocopeń menjoṅ kana. Ona sạriyakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Romiko lạgitʼ Pạul Apostolakʼ ciṭhi 9:22

Ṭhik onkage Isor do acʼakʼ edre ar daṛe udug lạgitʼe monejoṅkan tahẽkana; enrehõ okoe hoṛko upạrte acʼakʼ edre sodore menletʼ, onkoakʼ do ạḍi soborikateye sahaoketʼtakoa. Ente onko hoṛkoakʼ kuṛại do moron tahẽkana.

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Dosar Biboron 2:30

Menkhan Hesbonren Sihon raj do bae rạjilena. Aboren Probhu Isor do uniyakʼ mone keṭecʼ ocoketʼtaea jemon aboakʼ tireye paṛaokʼ, ar ńitokʼ do onage hoyakana.

Dosar Biboron 32:34

Ona do iń ṭhen doho-baege menakʼa, ińakʼ dhon oṛakʼre mohor chapakatʼge.

2 Thessalonikiko 1:5

Ar noakoge Isorakʼ dhorom bicạr reakʼ mitʼṭecʼ porman kana. Noa reakʼ monsubạ do hoyokʼ kana, jemon Isorakʼ rajosṭire lekmanko mentepe lekhakʼ. Ar ona iạtege ape do nunạkʼ dukpe sahao akada.

Ibriko 3:13

Ona khon tinạkʼ din sonot sostorre “Teheń” katha menogokʼkan, ona reakʼ din hilokʼge ape do apekore udgạu emokʼpe, jemon ape modre okoeyakʼ mon hõ kại reakʼ lilkạrte alo keṭejokʼtape.

Ibriko 3:15

Ente ńit hõ nonka roṛogokʼ kana, teheń uniyakʼ aṛaṅpe ańjomle khan, uniye meneda, “Aperen hapṛamko leka apeakʼ ontor do alope keṭejtapea.”

Ibriko 4:7

Onate Isor do pạhilre Israelko ṭhen cetʼlekae menletʼ ṭhik onkage ḍher din tayom Dạud raj hotete arhõe menakada, teheń uniyakʼ aṛaṅpe ańjomle khan, uniye meneda, “Apeakʼ ontor do alope keṭejtapea.” Noa kathate uniyakʼ jirạu joṅ jaegare bolokʼ lạgitʼ Isor do ar mitʼṭecʼ okteye niṭakatʼ tahẽkana ar ona reakʼ ńutume dohoakatʼ tahẽkana Teheń.

Jakob 5:3

Apeakʼ sona ar rupạre joṅ dhorao akana, ar ona joṅ dhoraoge ape upạrte gohae ema ar seṅgel leka apeakʼ jele jomtapea. Ape do sesa sisi dinkore dhon-duribpe sońj akawana.

Josuạ 11:20

Probhu Isor do onko hoṛkoakʼ mone keṭecʼ ocoletʼtakoa jemon Israelko upạrte lạṛhạikate ḍahao maraokʼ sarapakʼren hoṛko hoyokʼ ar daya baṅ ńamkateko gujukʼ. Niạ hukumge Probhu Isor do Moseye emade tahẽkana.

2 Patras 2:9

Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.

2 Patras 3:7

Ar Isorakʼ inạ mitʼ kathatege ńitokʼakʼ serma ar dhạrti do seṅgelte ḍahao maraokʼ lạgitʼ dohoakana; Isor bebhokti hoṛkoakʼ bicạr ar ḍahao marao din hạbicʼ ona do jogao dohoakana.

Jihudạwakʼ ciṭhi 1:6

Ona chaḍa okoe serma goḍetko do akoakʼ ạidạri rukhiyạ baṅkate apnarakʼ jaega bạgikateko calaolen onkoakʼ katha disạipe. Ona maraṅ din reakʼ bicạr lạgitʼ Isor do onko jaejug ńutreye tol doho akatʼkoa.

Johan sodor 2:21

Loṭghuṭi khon mon ạcurtae lạgitʼ iń do ạtiń emade tahẽkana, menkhan uni do mon bae ạcurletʼtaea.

Johan sodor 6:17

ente unkinakʼ edre sodorokʼ reakʼ ona maraṅ din do seṭer akana, ar uni samaṅre do okoeye teṅgo ṭarhao daṛekokʼa?”

1 Samuel 6:6

Ape do Pharao ar misriko leka apeakʼ mon do cedakʼpe keṭecʼetʼtapea? Israelkoren Isor do misriko tinre lelhae benaoletʼko unre onko do Israelkoko sen ocowatʼko tahẽkana, arko senlena.