Romiko lạgitʼ Pạul Apostolakʼ ciṭhi 2:3 - সান্তালী বাইবেল

³ Oka kạmi lạgitʼ eṭakʼkom dusiyetʼko ona kạmige am hõm kạmiyetʼ khan enḍekhan cetʼ Isorakʼ sạjại khonem paskao daṛeakʼa?

Santali Common Language New Testament

³ Oka kạmi lạgitʼ eṭakʼkom dusiyetʼko ona kạmige am hõm kạmiyetʼ khan enḍekhan cetʼ Isorakʼ sạjại khonem paskao daṛeakʼa?

Romiko lạgitʼ Pạul Apostolakʼ ciṭhi 2:3 Iomraidhean Croise

2 Samuel 10:3

Menkhan Amonren mukhiyạko do akoren kisạ̃ṛ Hanunko metadea, “Am do cetʼ noam hudiseda, Dạud do ạpume manotede tahẽkante jiwi raṛejtam lạgitʼ hoṛe kolakatʼkoa? Uni disạm ciyại lạgitʼe kolakatʼkoa jemon nagraha reakʼ khoj khoborko hatao daṛeakʼte tayomte onako marao daṛeakʼ.”

Jobakʼ 35:2

“Amem meneda Isor samaṅre am dom miridosgea, ona katha do cetʼ ṭhikgem hudisetʼ kana?

Sereńko 50:21

Noako joto do amem onka akada, menkhan iń do moca bạń jhicʼ akatʼtińa; amem hudiseda am lekan mitʼ hoṛ kạnạń, menkhan iń do amakʼ doskoń udukʼama ar amakʼ sanamakʼ do am mẽtʼãhã samaṅreń uduga.

Sereńko 56:7

Onko do cetʼ behok akatʼ reakʼ sạjại bako ńama? E Isor, am do edrete jạtrenko marao giḍikakome.

Kạhtukko 11:21

Khạṭigepe baḍaea bedhorom hoṛko do sạjạiko ńamgea, menkhan dhorom hoṛ doko bańcaokʼa.

Kạhtukko 16:5

Bạḍại monan hoṛ do Probhu Isore hirkhạwako kana; khạṭige baḍaepe onko do sạjạiko ńama.

Jeheskel 17:15

Menkhan uni disạm cakʼlaoyicʼ do sadom ar mitʼṭen maraṅ lạṛhại phạdko ńamko lạgitʼ Misorte goḍete kolkedete Babelren raj upạrteye hulkeda. Uni do cetʼe jitạukʼgea? Okoe nonkanakʼe kạmi uni do cetʼ rehaeye ńamgea? Kiriạ teakʼe rạputʼ lekhan uni do cetʼ rukhiyại ńamgea?

Jeheskel 17:18

Ente uni do bondobose rạputʼakada ar kiriại neṅghao akada. Uni tabere tahen reakʼe bondobosletʼre hõ noae kạmi akatʼte rehay do bae ńama.

Daniel 10:19

Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”

Mathae 23:33

“E bińko ar bińkoren hoponko! Cekate norok reakʼ sạjại khonpe bańcaokʼa?

Mathae 26:53

Am do cetʼ bam moneyakʼ kana, ińren Babań hohoae khan ńitge hajar hajar serma goḍetko cetʼ bae kolạńạ? Enḍekhan cekate sostorko reakʼ katha do purạukʼa?

Luk 12:14

Jisu do uniye metadea, “Henda ho abenakʼ bicạr lạgitʼ se aben talare sompotti hạṭińa ben lạgitʼ ektiạri do okoeye emakawạdińạ?”

Luk 22:58

Thoṛa ghạṛicʼ tayom ar mitʼṭen hoṛ hõ uni ńelteye menkeda, “Am hõ onko modren mitʼ hoṛ kanam.” Patrase menkeda, “Baṅ, iń doń baṅkana.”

Luk 22:60

Patrase menkeda, “Am okam roṛetʼkan ona do bạń bujhạueda.” Patrasakʼ katha ạuri mucạdokʼrege sim sạnḍi doe rakʼgotʼkeda.

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

Romiko lạgitʼ Pạul Apostolakʼ ciṭhi 2:1

Jãhãege noa iạte eṭakʼkoe dusiko enḍekhan uniń metaea, amakʼ ạnḍuṅteakʼ do okortam? Am do eṭakʼkom dusiyetʼkore apnarge cetʼ dusi mente bam sạbudokʼ kana? Ente eṭakʼko dom dusiyetʼkoa menkhan am do onagem kạmikana.

Romiko lạgitʼ Pạul Apostolakʼ ciṭhi 2:2

Baḍaegea bon okoe nonkanakʼko kạmikan Isor do onko hok reakʼgeye bicạrkoa.

Romiko lạgitʼ Pạul Apostolakʼ ciṭhi 9:20

Enḍekhaniń menkea, E manwa; am dom celekante Isor upạrtem roṛ ruạṛetʼkana? Jãhãe hoṛ mitʼṭecʼ jinise benao khan, enḍekhan ona benaoakʼ jinis do cetʼ uniye kuli daṛekea, “Cedakʼ nonka dom benaokedińa?”

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao dobon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.