Romiko lạgitʼ Pạul Apostolakʼ ciṭhi 2:16 - সান্তালী বাইবেল

¹⁶ Oka hilokʼ Isor do Jisu Mạsi hotete manwakoakʼ okoakʼkoe bicạra enhilokʼge ona do sodorokʼa. Ar okaṭakʼ bhage sombatiń porcaretʼkan ona lekage bicạr do hoyokʼa.

Santali Common Language New Testament

¹⁶ Oka hilokʼ Isor do Jisu Mạsi hotete manwakoakʼ okoakʼkoe bicạra enhilokʼge ona do sodorokʼa. Ar okaṭakʼ bhage sombatiń porcaretʼkan ona lekage bicạr do hoyokʼa.

Romiko lạgitʼ Pạul Apostolakʼ ciṭhi 2:16 Iomraidhean Croise

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Sereńko 50:6

Rimil do acʼakʼ dhorom bicạr reakʼ kathakoe lại saḍeakada, ente Isor doe bikʼcạricʼ kana.

Sereńko 96:13

Onko do Probhu Isor samaṅreko sereńa, ente uni doe hijukʼkana. Uni do dhạrtirenko bicạrko lạgitʼe hijukʼkana. Uni do dhoromte dhạrtiye bicạra, ar jạt jạtrenko pạtiạr salakʼe bicạrkatakoa.

Sereńko 98:9

Probhu Isor samaṅre onko do onako onkaema, ente uni do dhạrti bicạr lạgitʼe hijukʼ kana. Uni do dhoromte dhạrti reakʼe bicạra, ar jạtrenko do hok reakʼe bicạrtakoa.

Sosolhayic̕ 11:9

E juạn, amakʼ juạn oktere hulạsokʼme, juạn umer reakʼ dinkore amakʼ ontor do ame rạskạ ocomema. Amakʼ monejoṅ leka horte taṛamme ar amakʼ mẽtʼre oka bhageakʼkan ona kạmime, menkhan baḍae dohokakʼme, niạko lạgitʼ Isor do ame bicạrmea.

Sosolhayic̕ 12:14

Isor do mitʼke mitʼ kạmi reakʼ, se mitʼke mitʼ okoakʼko hõe bikʼcạra-baṅ do bạṛicʼakʼ kan ar baṅ do bhageakʼ kan.

Sosolhayic̕ 3:17

Iń do mone moneteń menkeda, “Isor do dhoromicʼ ar bedhoromicʼ nukin bana hoṛgeye bicạrkinạ, ente uni ṭhen do sanamakʼ babotre ar sanamakʼ kạmire mitʼṭecʼ niṭ akan okte menakʼa.”

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Luk 8:17

Nonkan cetʼ okoakʼge bạnukʼa, okaṭakʼ do baṅ sodorokʼ se nonkan cetʼ danaṅakʼ hõ bạnukʼa, okaṭakʼ do baṅ baḍaeyokʼ se baṅ sodorokʼ.

Johan 12:48

Okoe iń bae bạsutạń ar ińakʼ katha bae ańjom uni lạgitʼ do bicạricʼ menaea. Oka kathań roṛakatʼ ona kathage mucạtʼ dinre uni do dusi menteye sạbudea;

Aposkạmi 10:42

Uni doe hukum akawatʼlea jemon Jihudiko ṭhenle porcar ar gohale em baṅma, Isor do unige jiwetʼko ar gocʼko bikʼcạrko lạgitʼe niṭ akadea mente.

Aposkạmi 17:31

ente uni do nonkan mitʼṭecʼ dine nenḍa akada one ona dinre acʼe bahal akade mitʼṭen hoṛ hotete manwako dhoromteye bicạrko. Uni do gocʼko khone jiwetʼ beretʼ akadete sanam manwako ṭhen noae sạbud akada.”

Romiko lạgitʼ Pạul Apostolakʼ ciṭhi 16:25

Jisu Mạsi reaṅ oka bhage sombat iń porcaretʼkan ona bhage sombat hotete ṭarhao dohope reakʼ daṛe do Isorakʼ menakʼgetaea. Ar ḍher jug hạbicʼ Isor do acʼakʼ okoakʼko reaṅ okoege bae lại akawatʼkoa,

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Romiko lạgitʼ Pạul Apostolakʼ ciṭhi 3:6

Isore behokle khan enḍekhan cekate uni do manwakoakʼe bicạrtakoa?

1 Korinthiko 15:1

E boehako, ape oka bhage sombat iń porcaratʼpe tahẽkan, ona bhage sombat reakʼ kathageń disạ ocoyetʼpea. Ape do onape ataṅakada ar onarepe teṅgo ṭarhao akana.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Galathiko lạgitʼ Pạul Apostolakʼ ciṭhi 1:11

E boehako, baḍae ocoyetʼpe kạnạń, oka bhage sombat iń jạhirakawatʼpe ona do jãhãe manwa hotete benaoakʼ katha do baṅkana.

1Timothi 1:11

Ṭhonokren Isorakʼ maraṅ bhage sombat lekate okaṭakʼ cecetʼakʼ menakʼ, onage hoyokʼkana sạri cecetʼakʼ. Ar noa bhage sombat porcar reakʼ dạyik do iń cetanreye emakada.

2Timothi 2:8

Jisu Mạsi reaṅ noa katha disạ dohoyme, uni do gocʼko khone jiwetʼ beretʼ ocolena ar Dạud bõsren hoṛe tahẽkana. Okaṭakʼ bhage sombat iń porcaretʼkan onarege noa katha do ol menakʼa,

2Timothi 4:1

Mạsire ruạṛ hijukʼ ar uniyakʼ raj reaṅ disạ dohoyte Isor samaṅre, okoe do jiwetʼko ar gocʼkoe bicạrko uni Jisu Mạsi samaṅre iń do noań hukumam kana.

2Timothi 4:8

Onate iń lạgitʼ dhorom reakʼ jit ṭupri do dohoakana. Bicạr dinre dhorom bikʼcạricʼ Probhu Isor do kuṛại lekate jit reakʼ ona malae danạńạ. Ar eken iń eskargeye danạńạ ona do baṅ, menkhan okoe soborikate uniyakʼ ruạṛ hijukʼ reakʼko koyokʼ horakatʼ onko sanamkoe danakoa.

Ibriko 9:27

Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.

1 Patras 4:5

Menkhan okoe jiwetʼ ar gocʼko bicạrko lạgitʼe sapṛao tearakan menae, onko do uni ṭhen hisạb emokʼ hoyokʼtakoa.

2 Patras 2:9

Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.