Romiko lạgitʼ Pạul Apostolakʼ ciṭhi 15:5 - সান্তালী বাইবেল

⁵ Jisu Mạsi sãote calakʼ horre sobori ar udgạuicʼren Isor do ape sanamkoakʼ mon baṛeye mitʼ ocoytapema.

Santali Common Language New Testament

⁵ Jisu Mạsi sãote calakʼ horre sobori ar udgạuicʼren Isor do ape sanamkoakʼ mon baṛeye mitʼ ocoetapema.

Romiko lạgitʼ Pạul Apostolakʼ ciṭhi 15:5 Iomraidhean Croise

2 Bõsbudạ 30:12

Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Exodus 34:6

Uni do Mose samaṅteye sen paromena ar noae lại jạhirkeda, “Probhu, Probhu, uni do daya ar mãyãte perecʼicʼ Isor kanae. Uni do usạrate bae edre hodokʼa. Menkhan daya ar sạriyakʼteye kisạ̃ṛgea.

Jirimiạ 32:39

Iń do nonkan mon ar ontoriń emakoa onko do eken iń secʼgeko ạwilokʼa; onate onko do ako apnarte ar onkoren hopon ar hoponerakoakʼ bhạlại lạgitʼ jao okte ińko botorạńạ.

Jeheskel 11:19

Iń do nonkan ontoriń emakoa onko do eken iń secʼge bul akanko tahena, ar iń do onko talare nãwã Jiu iń emakoa; ar onkoakʼ keṭecʼ ontor ocokʼkate norom ontoriń emakoa.

Aposkạmi 4:32

Mạsire pạtiạu akan sanamkoge mon ar jiwite mitʼko tahẽkana. Onko do okaṭakʼge apnarakʼ kana mente bako dạbiyetʼkan tahẽkana, bickom sanamakʼge apan ạpin jạruṛakokan lekako beoharetʼ tahẽkana.

Romiko lạgitʼ Pạul Apostolakʼ ciṭhi 12:16

Ape apere mitʼ mon tahentape ma. Usulakʼko do alope moneyakʼa bickom nindhạnko tulucʼ helmelokʼpe. Ar apnarte budanko mente do alope hudisokʼa.

Romiko lạgitʼ Pạul Apostolakʼ ciṭhi 15:13

Okoe ase dan abonkan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Romiko lạgitʼ Pạul Apostolakʼ ciṭhi 15:3

Mạsi hõ apnartetʼ do bae kusi ocolena. Sonot sostorre olakana, “Okoe amko opomanetʼme onkoakʼ sanam opoman do ińrege paṛaokʼ kana.”

1 Korinthiko 1:10

E boehako, aboren Probhu Jisu Mạsi ńutumteń nehõrape kana, sanamkoge mitʼakan tahenpe, ape talare jãhãn doladuli alo tahen ma, bickom ape do mitʼmon ar mitʼakan tahenpe.

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

2 Korinthiko 7:6

Menkhan Isor, one okoe do dukokʼkanko jiwi raṛecʼe emakokan, uni do Titusakʼ hijukʼ hotete jiwi raṛecʼe ematʼlea.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Philipiko lạgitʼ Pạul apostolakʼ ciṭhi 1:27

Joto khon maraṅ katha do hoyokʼ kana, ape do nonka leka jion khemaope one okaṭakʼte Mạsi reaṅ bhage sombat reakʼ lek kan. Enḍekhan iń apnarte hecʼkateń ńelpe se sạṅgiń khon apeakʼ kathań ańjom, ar iń baḍae baṅma, ape do mitʼ Jiurepe teṅgo ṭak akana mente ar bhage sombat hotete okaṭakʼ biswạs hijukʼkan ona lạgitʼ mitʼtepe khaṭaokʼ kana.

Philipiko lạgitʼ Pạul apostolakʼ ciṭhi 2:2

enḍekhan nonkage ińakʼ rạskạ purạutińpe, ar ape sanamkoakʼ mon mitʼakae tahenma, ape mimitʼko dupulạṛpe ar mitʼ jiwi ar mitʼ monokʼpe.

Philipiko lạgitʼ Pạul apostolakʼ ciṭhi 3:16

Metakʼme, abo do dhoromokʼ lạgitʼ tinạkʼ hạbicʼ bon laha idiakan inạ dharatege taṛam idi lek tabona.

Philipiko lạgitʼ Pạul apostolakʼ ciṭhi 4:2

E Euodiạ ar Suntukh, iń do biseskaete noań nehõraben kana, Probhu Isor tulucʼ ben kolom mitʼ akante aben do mitʼ mon akae jemon ben tahen.

1 Patras 3:20

Sedaere Noha do jahaje benaokan tahẽkanre Isor do sombhurikate tinreye ńel hohorkan tahẽkana unre okoeko bebataoletʼ onko jiuko do onkoren kangeako. Ar ona jahajreko decʼen eken thoṛa hoṛge, metakʼme eken irạl hoṛge ona dakʼ khon rukhiyạko ńamleda.

1 Patras 3:8

Mucạtʼre katha do nõkʼõe, ape sanamkoakʼ mon jemon mitʼ lekage hoyokʼ. Ape do mimitʼkoakʼ dukre dukokʼpe, boeha leka dupulạṛpe, daya ar nindhạnko hoyokʼpe.

2 Patras 3:15

Disạipe, manwako kại khon bańcaoko ńam lạgitʼ aboren Probhu Isor doe sombhuriyeda. Ar inạ mitʼ kathage aboren dulạṛiạ boeha Pạul hõ Isore emakade akelte apeye olatʼpea.

2 Patras 3:9

Adom hoṛko hudiseda Probhu Isor do acʼakʼ gokʼakʼ purạu lạgitʼe bilomeda, menkhan ona do baṅ. Asokaete uni do ape lạgitʼe soboriyeda, ente jãhãegeye nosṭokʼ do bae khojkana, bickom sanamkoge jemon kại khon monko ạcurtako onageye khojkana.