Romiko lạgitʼ Pạul Apostolakʼ ciṭhi 13:4 - সান্তালী বাইবেল

⁴ Apeakʼ bhage lạgitʼge uni do Isorren sapʼdapʼicʼ lekae kạmiya. Ar bạṛicʼakʼpe kạmikan khan botorokʼpe, ente bạṛicʼakʼ kạmikanko sạjạiko reakʼ ektiạri do uniyakʼ menakʼtaea. Uni doe Isorren sapʼdapʼicʼ kana; ar okoe bạṛicʼakʼko kạmikan onko do Isor lekateye sạjạikoa.

Santali Common Language New Testament

⁴ Apeakʼ bhage lạgitʼge uni do Isorren sapʼdapʼicʼ lekae kạmiya. Ar bạṛicʼakʼpe kạmikan khan botorokʼpe, ente bạṛicʼakʼ kạmikanko sạjạiko reakʼ ektiạri do uniakʼ menakʼtaea. Uni doe Isorren sapʼdapʼicʼ kana; ar okoe bạṛicʼakʼko kạmikan onko do Isor lekate sạjạiye emakoa.

Romiko lạgitʼ Pạul Apostolakʼ ciṭhi 13:4 Iomraidhean Croise

1 Rapajko 10:9

Amren Probhu Isorakʼ sarhaoge baṛe hoyokʼtae ma, one okoe do am cetanreye kusi akante Israelakʼ siṅghạsonreye duṛupʼ akatʼme. Uni do Israelko jaejug hạbicʼe dulạṛetʼkote hok bicạr ar dhorom rukhiyại lạgitʼgeye raj akatʼmea.”

2 Bõsbudạ 19:6

Uni do bikʼcạrkoe metatʼkoa, “Ape do sontorte jotowakʼpe kạmiya, ente jãhãe manwa lạgitʼ do baṅa bickom Probhu Isor lạgitʼgepe bicạra. Bicạr reakʼ ray emokʼ oktere uni do ape sãoteye tahena.

Kạhtukko 16:14

Rajakʼ raṅgao do moronren goḍet leka, menkhan ạkilan hoṛ do raṅgaoe thir ocoya.

Kạhtukko 20:2

Rajakʼ raṅgao do dhạcri kulakʼ gondrao leka; uni okoeye raṅgao ocoye uni do acʼakʼ jiwi muskilreye paṛao ocoytaea.

Kạhtukko 20:26

Tente cetʼleka phosol enokʼ, onkage ạkilan raj do acʼakʼ daṛete bạṛicʼkoe chirchạturkoa.

Kạhtukko 20:8

Raj do tinre bicạr lạgitʼ siṅghạsonreye duṛupʼa unre uni do mẽtʼ reakʼ beṅgetʼte sanam bạṛicʼakʼkoe sạṅgińa.

Jesaea 1:17

Bhageakʼ kạmi reakʼ cetʼ joṅpe, hok reakʼ bicạrpe, sasantaoko sudhrạukope, reṅgecʼko secʼ tahenpe, ar rạnḍi maejiukoakʼ teṅgo goṛowakope.”

Jirimiạ 5:28

Onko do moṭa arko cĩkạ̃ṛ akana. Onkoakʼ bạṛicʼ kạmi reakʼ simạko do bạnukʼtakoa; ṭũạr amarko jemon hok reakʼ bicạr aloko ńam onate onko secʼ bako teṅgokʼ kana ar nacarkoakʼ ạidạri hõ bako rukhiyạyetʼtakoa.

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

Jeheskel 25:14

Iń do ińren hoṛ Israelkoakʼ tite Edom cetanreń hala hạliya ar onko do ińakʼ edre ar khĩs lekate Edom birudteko kạmiya. Unre onko doko baḍae daṛeakʼa, ińgeń hala hạli akada mente.”

Mikạ 3:9

E Jakob bõsren mukhiyạko, ar Israelren bõsren disạm cakʼlaoko, ańjompe. Ape do dhorom reakʼ bicạrpe nihạ̃tetʼkana ar sojheakʼ dope konḍea ocoyetʼa.

Romiko lạgitʼ Pạul Apostolakʼ ciṭhi 12:19

Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”

Romiko lạgitʼ Pạul Apostolakʼ ciṭhi 13:6

Onatege ape do raj bhejape emetʼ kana, ente mạsul uṭhạuko do akoakʼ kạmi hotete Isorakʼko kạmikana.

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

Josuạ 20:5

Ar mãyãm halayicʼ uniye khudạu ạgulere hõ khũn akatʼ hoṛ do uni ṭhen bako jimạyea, ente uni do goje reakʼ monsubạ baṅ tahẽkantaea se hiskạ hõ baṅ tahẽkantaea.

Josuạ 20:9

Jãhãe Israel hoponko se onko talareko girobasokʼkan eṭakʼ jãhãn jạtrenko ackage jãhãeye goje enḍekhan uni do onako nagraha reakʼ jãhãṭakʼ mitʼṭecʼte senkateye ńir bańcao daṛeakʼa. Ar mãyãm halayicʼ do bạisire khũniạhiyakʼ bicạr ạuri hoyokʼtae hạbicʼ bae gocʼ daṛeaea.

1 Patras 2:14

behok kạmikanko sạjạiko lạgitʼ ar okoe bhageko kạmikan onko sarhaoko lạgitʼ maharaj do okoe disạm cakʼlaokoe koletʼko onko tabere hõ tahenpe.