Romiko lạgitʼ Pạul Apostolakʼ ciṭhi 12:9 - সান্তালী বাইবেল

⁹ Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Santali Common Language New Testament

⁹ Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Romiko lạgitʼ Pạul Apostolakʼ ciṭhi 12:9 Iomraidhean Croise

Sereńko 101:3

Bạṛicʼakʼ cetʼge ińakʼ mẽtʼ samaṅre bạń dohoya. Bạṛicʼ horteko calakʼ hoṛkoakʼ kạmi doń hirkhạwakʼ kana. Onako do ińre baṅge laṭkaokʼạ.

Sereńko 119:104

Amakʼ ạn ạri khon iń do bicạr reakʼ budiń ńameda, onate iń do sanam eṛeakʼ reakʼ horkoń hirkhạwakʼ kana.

Sereńko 119:163

Eṛeakʼ do kurud ariń hirkhạwakʼ kana, menkhan amakʼ hukumiń dulạṛetʼ kana.

Sereńko 34:14

Bạṛicʼ kạmi khon sạṅgińre tahenpe, ar bhageakʼ kạmipe; suluk lạgitʼ ahkaokʼpe ar ona do alope aṛakʼ giḍikakʼa.

Sereńko 36:4

Onko do aṭetʼre giticʼkate hõ bạṛicʼ phundiko aṭãoa; onko do bedhorom horre apnartetʼko jimạ akana ar bạṛicʼakʼ do bako hirkhạwakʼ kana.

Sereńko 45:7

Am do dhoromem dulạṛeda ar bedhorom dom kurudakʼ kana; Onate Isor, amren Isor do, amren soṅgetenko khon hõ bạ̃ṛti hulạs do sunum leka am cetanreye dul akada.

Sereńko 55:21

Uniyakʼ moca reakʼ katha do makhon khon hõ cĩkạṛgea, menkhan uniyakʼ ontorre do lạṛhại menakʼa; uniyakʼ kathako do hoṛmore ojokʼ akatʼ sunum khon hõ noromgea, menkhan onako do khap khon or bocʼ akatʼ tarwaṛe lekage.

Sereńko 97:10

Okoe Probhu Isorko dulạṛede onko do bedhoromko hirkhạwakʼ ma; ente uni do acʼ sekʼwawaekoe bańcaoetʼkoa ar bạṛicʼ hoṛkoakʼ ti khone rukhiyạyetʼkoa.

Kạhtukko 26:25

Uniyakʼ katha sebelgere hõ alom pạtiạuakʼa, ente uniyakʼ ontorre do eae goṭecʼ hirkhạwakʼko menakʼa.

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Amos 5:15

Bạṛicʼakʼ hirkhạwakʼpe, ar bhageakʼ dulạṛpe; nagraha reakʼ phaṭok duạrkore hok reakʼ bicạr rukhiyạitape. Israelren sarecʼ jiwetʼ tahen hoṛko cetanre sanam daṛeante perecʼ Probhu Isor doe daya botecʼkokʼge coṅ cetʼ coṅ.

Mathae 26:49

Onate Jihudạ do Jisu ṭhen hecʼkateye menkeda, “Johar Guru,” Ar noa menkateye cokʼadea.

Johan 12:6

Jihudạ do reṅgecʼko lạgitʼ dạndikate noa kathae menleda ona do baṅ. Uni do kombṛoe tahẽkana. Ar uni jimạre ṭaka reakʼ baksa tahẽkante dohoakʼko khone kombṛoyetʼkan tahẽkana.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

2 Korinthiko 6:6

Ona chaḍa aleakʼ khạṭi jion hotete, aleakʼ akelte, sahao daṛete, dayate, sonot Jiu hotete, khạṭi dulạṛte,

2 Korinthiko 8:8

Noań hukumape kana ona do baṅa, menkhan eṭakʼkoakʼ jid reakʼ katha baḍae ocopeteń biḍạu aṭkaretʼ pea apeakʼ dulạṛ do tinạkʼgan khạṭi tapea mente.

1 Thessalonikikko 2:3

Aleakʼ solha do bulạuteakʼ do baṅkana, ar bạṛicʼ monsubạ hõ baṅa, se phor phunditeakʼ jãhãn katha hõ bale roṛeda;

1 Thessalonikikko 5:15

Ńelpe, okoe hõ bạṛicʼ bodol bạṛicʼ do jãhãe aloe halawae ma. Ape do jaoge eṭakʼ sanamko lạgitʼ bhạlại reakʼ kurumuṭuipe.

1 Thessalonikikko 5:21

Bhageakʼ sapʼ doho joṅpe,

1Timothi 1:5

Noa hukum reakʼ monsubạ do hoyokʼ kana dulạṛ udgạu ocoy. Noa dulạṛ do niphuṭ ontor, sapha bibek ar sạri biswạs khon hijukʼkana.

Ibriko 1:9

Am do dhoromem dulạṛeda ar bedhorom dom kurudakʼ kana; onate Isor, amren Isor do, amren soṅgetenko khon hõ bạ̃ṛti hulạs sunum lekae ojokʼ akatʼmea.”

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu Isor do okoe hõ bako ńelńamea.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

1 Patras 4:8

Sanam khon maraṅ katha do hoyokʼkana, ape apere khạndri dupulạṛ baṛe tahentape ma, ente dupulạṛ do ạḍi utạr kạiye dapala.