Romiko lạgitʼ Pạul Apostolakʼ ciṭhi 12:1 - সান্তালী বাইবেল

¹ Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Santali Common Language New Testament

¹ Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅpe. Ar onage apeakʼ lek reakʼ sewa do hoyokʼa.

Romiko lạgitʼ Pạul Apostolakʼ ciṭhi 12:1 Iomraidhean Croise

Sereńko 116:12

Ar Probhu Isor okaṭakʼe bhạlại akadiń ona bodolte cetʼ iń emaea?

Sereńko 19:14

E Probhu Isor, ińren aotan gaṛ, ińren chakʼḍaoicʼ, ińakʼ moca reakʼ kathako ar ińakʼ ontor reakʼ hudis bundisko do am baṛeye kusi ocomema.

Jesaea 56:7

7 onko do ińakʼ sonot buruteń idikoa ar ińakʼ oṛakʼre, metakʼme koejoṅ oṛakʼre onkoń rạskạ ocokoa. Ińakʼ pinḍ cetanre onkoakʼ jeredokʼ ar eṭakʼ samaṅokʼakʼ koń ataṅtakoa. Onate ińakʼ oṛakʼ do sanam jạtrenkoakʼ koejoṅ oṛakʼ mente ńumogokʼa.”

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Numeri 7:21

jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼṭen mitʼ bochor umerren bheḍa hopon;

Luk 7:47

Onateń metam kana, ḍher dulạṛe udukʼketʼte uni doe bujhạu ocoyeda je, uniyakʼ kạiko ḍhergetare hõ ona do ikạ akantaea. Ar okoeyakʼ thoṛa ikạ akantae uni do thoṛage dulạṛe uduga.”

Romiko lạgitʼ Pạul Apostolakʼ ciṭhi 12:2

Noa bạṛicʼ piṛhirenko leka do alope colona, bickom Isorge apeakʼ mon nãwãte tear ocowaepe ar purạte nãwã arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoydaṛeakʼ ona iạte uniyakʼ bhage sombat lại pasnaore naeke kạmiyiń kạmikana.

Romiko lạgitʼ Pạul Apostolakʼ ciṭhi 15:30

E boehako, aboren Probhu Jisu Mạsi hotete ar sonot Jiuakʼ dulạṛteń nehõrape kana, iń lạgitʼ Isor ṭhen koejoṅre iń sãote lạgiyạ paṛaokʼpe.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Romiko lạgitʼ Pạul Apostolakʼ ciṭhi 6:13

Hoṛmo reakʼ oka hạṭiń hõ behokakʼ kạmi reakʼ hạtiạr lekate kại reakʼ tire alope jimạkakʼa. Gocʼko khon jiwetʼ akan hoṛko lekate ape do Isor ṭhen gobolokʼpe ar dhorom kạmi reakʼ hạtiạr lekate apeakʼ goṭa hoṛmoge Isor emaepe.

Romiko lạgitʼ Pạul Apostolakʼ ciṭhi 6:16

Ape do cetʼ bape baḍaea, golam leka jãhãeakʼ gobolrepe tahen ar uniyakʼ hukumkope bataotae enḍekhan uniren golamkope hoyokʼ kana mente? Onkage ape do kạiren golam hoyokʼtepe gujukʼa, ar baṅkhan Isorren golam leka dhoromakʼkope kạmiya.

Romiko lạgitʼ Pạul Apostolakʼ ciṭhi 6:19

Manwakoakʼ nijortetʼ iạte iń do manwako bujhạu ocoko lekage kathań roṛeda. Ape hõ cetʼleka lahate artetʼ behokakʼ kạmi lạgitʼ apeakʼ hoṛmo hạṭińko besapha ar bedhoromren golampe hoyocoletʼ, onkage ńitokʼ do sonotre hara rakabokʼte apeakʼ hoṛmo hạṭińko dhorom kạmi lạgitʼ golam baṛe hoeocoytape.

Romiko lạgitʼ Pạul Apostolakʼ ciṭhi 9:23

Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniyakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

1 Korinthiko 1:10

E boehako, aboren Probhu Jisu Mạsi ńutumteń nehõrape kana, sanamkoge mitʼakan tahenpe, ape talare jãhãn doladuli alo tahen ma, bickom ape do mitʼmon ar mitʼakan tahenpe.

2 Korinthiko 10:1

Mạsiyakʼ mạ̃hir ar daya reakʼ katha disại tulucʼ iń Pạul do apeń nehõrape kana. Hoṛko mena, ape ṭhen tinreń tahen unre doń nindhạnokʼ kana, menkhan tinre bạń tahen unre do dilanicʼ iń hoyokʼkana.

2 Korinthiko 4:1

Noa bondobos reakʼ katha baḍae reakʼ bhar Isor do ale dayateye em akatʼlete bale as chuṭạukʼ kana.

2 Korinthiko 4:16

Onate ale do bale as chuṭạukʼ kana. Ente aleakʼ bahre hoṛmo nasao idikʼkanre hõ bhitri hoṛmo do din dinte nãwã idikʼ kantalea.

2 Korinthiko 5:20

Onate Mạsi ńutumte paṭhaonako lekate ale do kathale roṛeda. Isor hõ acʼge ale hotete hoṛko ṭhene nehõrokʼ kana. Onate Mạsi ńutumte noale ajijokʼ kana, “Jemon Isor tulucʼpe mitʼ ruạṛokʼ.”

2 Korinthiko 6:1

Isorren são kạmiyạko lekate noale nehõrapekana, Isorakʼ okaṭakʼ dayape ńamakatʼ ona do alope ạuṛiyakʼ ocoya.

Ephesiko lạgitʼ Pạul Apostolakʼ ciṭhi 4:1

Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Ephesiko lạgitʼ Pạul Apostolakʼ ciṭhi 5:10

Onate biḍạu aṭkarpe okaṭakʼ kạmi do Probhu Isore kusikʼa mente.

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

Philipiko lạgitʼ Pạul apostolakʼ ciṭhi 1:20

Ińakʼ purạ biswạs menakʼtińạ je, okaṭakʼte hõ iń do bạń lajao ocokʼa, bickom dil menakʼtińạ, cetʼleka lahate iń hotete Mạsiyakʼ ṭhonok sodorokʼkan tahẽkan onkage ńitokʼ hõ hoyokʼa baṅ doń gujukʼ ar baṅ doń jiwedokʼ;

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Philipiko lạgitʼ Pạul apostolakʼ ciṭhi 4:18

Ińakʼ jotogeń ńam caba akada. Ar ińakʼ oka jạruṛ ona khon hõ bạ̃ṛti menakʼtińạ. Ephaphroditus tite apeakʼ daniń ńamketʼte ińakʼ do ḍher hoyakantińạ. Noa danko do mońj so reakʼ mahkaokʼ ar samaṅokʼakʼge,

1 Thessalonikikko 4:1

Ado E boehako arhoń mena, Isor kusi ocoye lạgitʼ cetʼleka colon lek kan ona sikhạuna do ale ṭhen khonpe ńamakatʼgea, ar sạrige ape do onkagepe colonetʼ kana. Enhõ Probhu Jisu secʼte solha arle nehõrape kana jemon arhõ bạ̃ṛti onka lekape colon.

1 Thessalonikikko 4:10

Ape do sạrige Makedoniạ disạmren sanam boehakope dulạṛetʼkoa. Menkhan E boehako, ape ṭhen aleakʼ nehõr do noage, apeakʼ dulạṛ do arhõ sareṛokʼtape ma.

1 Thessalonikikko 5:12

E boehako, nehõrape kanale, okoe ape talareko mehnotetʼkan, ar Probhu Isorreko calaoetʼpe arko sikhạu paṛhaoetʼpe, onko baṛe manotkope.

1Timothi 2:3

Aboren babańcaoicʼ Isorakʼ mẽtʼãhã samaṅre ona do bhagegea ar onatege uni doe kusikʼa.

1Timothi 5:4

Menkhan jãhãe rạnḍi maejiuren gidrạ se goṛom gidrạko tahen khan onko gidrạko se goṛom gidrạkoge pạhilte jemon apan apin gharońjre Isor bhoktiko udugma. Nonkate onko do eṅgat-apat se baba haṛamkoakʼ dulạṛ reakʼ rinko hala ruạṛ daṛeakʼa, ar noate Isor doe kusikʼa.

Philimon 1:9

enhõ dulạṛ iạte iń do ona bodolte amiń nehõram kana. Mitʼṭen haṛam hoṛ lekate ar ńitokʼ Jisu Mạsi lạgitʼiń bondi akante iń Pạul do am ṭhen ińren hopon Onesimus lạgitʼ iń nehõram kana. Hajotre ińakʼ bondi dosare uni do biswạsi lekate ińren hopone hoyakana.

Ibriko 13:22

E boehako, ape ṭhen ińakʼ bạ̃ṛti nehõr do noage je, ińakʼ noa sikhạuna kathako baṛe bataotińpe. Ar ape ṭhen bạ̃ṛti katha do bạń oletʼkana.

1 Patras 2:20

Behok kạmiko iạte dal jomkatepe sahaoetʼ khan, enḍekhan onate sarhaokʼ reakʼ cetʼ menakʼtapea? Menkhan bhage kạmi iạte duk jomkatepe sahaoetʼ khan, enḍekhan onage Isorakʼ mẽtʼãhã samaṅre sarhaoanakʼ hoyokʼa.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.