Romiko lạgitʼ Pạul Apostolakʼ ciṭhi 11:7 - সান্তালী বাইবেল

⁷ Enḍekhan bujhạukʼ kana, Israelko okaṭakʼ ńam reakʼko kurumuṭuyetʼ tahẽkan ona do bako ńamleda, menkhan Isor okoekoe bachao doho akawan tahẽkan onkoge ona doko ńamakada, ar eṭakʼkoakʼ mon do dhiri leka keṭecʼ akantakoa.

Santali Common Language New Testament

⁷ Enḍekhan bujhạukʼ kana, Israelko okaṭakʼ ńam reakʼko kurumuṭuyetʼ tahẽkan ona do bako ńamleda, menkhan Isor okoekoe bachao doho akawan tahẽkan onkoge ona doko ńam akada, ar eṭakʼkoakʼ mon do dhiri leka keṭecʼ akan takoa.

Romiko lạgitʼ Pạul Apostolakʼ ciṭhi 11:7 Iomraidhean Croise

Kạhtukko 1:28

“Unre bebujkoko hohoạńạ menkhan bạń moneyakoa; ińko ńam baṛayińạ menkhan bako ńam daṛeạńạ.

Jesaea 44:18

Onko hoṛko do cetʼge bako baḍaea, ar bujhạu hõ bako bujhạua. Arko kãṛãgete bako ńeńela ar monhõ bondgetakote bujhạu hõ bako bujhạu daṛeakʼa.

Jesaea 6:10

Ona tayom uni do arhõe metadińa, “Noko hoṛkoakʼ ontorem ạuṛiyakʼ ocoytakoa, onkoakʼ luturem ṭosa ocoytakoa, ar onkoakʼ mẽtʼ dom kãṛã ocoytakoa. Ar baṅ khan onko do mẽtʼteko ńeńela, luturteko ańjoma, ar ontorreko bujhạua ar kại khon mon ạcurkateko boge ocokʼa.”

Mark 6:52

ente niạ lahare piṭhại jom ocoletʼko reakʼ do bako bujhạu akatʼ tahẽkana; ente onkoakʼ mon do goṛdho akan tahẽkantakoa.

Luk 13:24

“Sakṛa duạrte bolokʼ lạgitʼ lạgiyạ paṛaokʼpe. Ińiń metapekana, ḍher hoṛge bolokʼ lạgitʼko kurumuṭuya, menkhan bako bolo daṛeakʼa.

Johan 12:40

“Isor do onkoakʼ mẽtʼe kãṛã akatʼtakoa ar ontor doe goṛdho akatʼtakoa, jemon onko do mẽtʼte aloko ńeńel ar ontorte aloko bujhạu, ar bogekʼ lạgitʼ uni ṭhen aloko ruạṛ hijukʼ.”

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭecʼ sạri okowakʼ baḍae ocopeń menjoṅ kana. Ona sạriyakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Romiko lạgitʼ Pạul Apostolakʼ ciṭhi 11:5

Isor do onkage ńit hõ Israelkoe daya akokanteye bachao doho akatʼkoa.

Romiko lạgitʼ Pạul Apostolakʼ ciṭhi 3:9

Enḍekhan ńitokʼ cetʼbon menkea? Jihudi lekate cetʼ boṅgan hoṛ jạtrenko khon aleakʼ dosa do cetʼ sorosgea? Baṅa. Ente laharege coṅle menakatʼ Jihudiko ar boṅgan hoṛ jạtren sanamkoge kại gobolren kanako.

Romiko lạgitʼ Pạul Apostolakʼ ciṭhi 6:15

Menkhan ạn-tạrire tahẽ baṅkate daya tạriren bon hoyakante cetʼ enḍekhan bon kạigea? Khạṭige baṅa.

Romiko lạgitʼ Pạul Apostolakʼ ciṭhi 9:18

Onate Isor do acʼakʼ kusi leka okoeye daya akokan onkogeye daya akokana ar okoe keṭejeye menjoṅkan uni doe keṭecʼ edekana.

Romiko lạgitʼ Pạul Apostolakʼ ciṭhi 9:23

Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniyakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

1 Korinthiko 10:19

Enḍekhan cetʼ iń roṛeda? Boṅga ṭhen teṅgenakʼ jomakʼ do jãhãnakʼ kana se muṭhạnge jãhãnakʼ kana?

2 Korinthiko 3:14

Menkhan onko hoṛkoakʼ mon do keṭecʼlen takoa. Onate teheń hạbicʼ hõ ona mare bondobos reakʼ katha paṛhao jokhecʼ onkoakʼ ontorre inạ mitʼ lekanakʼ bedokʼakʼ orwal do tahenkan getakoa, ente eken Mạsi tulucʼ mitʼlen khange ona orwal do ocogokʼa.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

Ephesiko lạgitʼ Pạul Apostolakʼ ciṭhi 4:18

Onkoakʼ mon do ńutre menakʼtakoa. Ar ontor keṭecʼgetakote Isor reaṅ cetʼge bako baḍaekana, ar onate onko do Isorakʼ emakʼ jion khon ạḍi sạńgińre menakʼkoa.

Philipiko lạgitʼ Pạul apostolakʼ ciṭhi 1:18

Menkhan onate do cetʼ cekakʼa? Asol katha do hoyokʼ kana, jãhã baṅ jãhãlekatege Mạsi reaṅ porcarokʼ kan baṅ do eṛeakʼ lạgitʼ ar baṅ do sạriyakʼ lạgitʼ; onatege ińakʼ rạskạ do. Ar ińakʼ noa rạskạ do tisge baṅ mucạdokʼa,

Ibriko 12:17

Baḍaegeape, tayomte rakʼ rakʼte ạsirbade koeletʼre hõ enhõ uni doe nihạ̃t giḍi ocoyena, ente mon ạcur reakʼ ạt unre baṅ tahẽkana.

1 Patras 1:2

Isor Baba do acʼakʼ monsubạ lekage apeye bachao akatʼpea, ar acʼ lạgitʼge sonot Jiu do apeye begar dohoakatʼpea. Noa reakʼ monsubạ do hoyokʼkana, jemon Jisu Mạsi gobolrepe tahen ar uniyakʼ mãyãm reakʼ chiṭiạu hotetepe sapha ocokʼ. Isor do ạḍi daya ar suluke danape ma.